YOHANES 1:14 - PERJANJIAN BARU NALCA YUBA

¹⁴ Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 1:14 ပူးပေါင်းရင်းမြစ်များ

MATIUS 1:16

Yakub bedya me nera Yusuf. Dara, Yusuf bedya gel gera Maria. Anya ban Maria gedya danyek, Yesus ara beibuk. Yesus ara onoʾ Kristus aboka si silimek.

LUKAS 2:11

Sumen era ugunsamba, nimi blebsinaʾ dubnya, Wenelesilnya Kristus benyek, Daud bedya heikek beibla.

LUKAS 2:7

Sikja man e nera gloʾ orok anasa, Maria gera alja yando me nengma ak beibuk. Wera me nera seleb beiyiboka boksom adya waabok dara, pam amba denaʾ eleklemekaʾ ak sam meiyimok.

LUKAS 9:32

Ban salek era, Petrus beb alja hemyabo penya nang eb dara, hogunga mamek bok, onoʾ wene salek gaawoka bukumek dara, sikda Yesus ara senenggom migib senedyaʾ edya warak loboka, alda nimi penya nang eb seklemekaʾ ak eibek.

YOHANES 1:1

Hyak men youbuka, nidyaʾ uyiwanggom bok, yub ara seleb ulumok. Yub ara, Imik Neyung ablaboka ulureekanya, yub ara Imik Neyung ulumok.

YOHANES 11:40

Wera, Yesus adya Maria gek, ”Nara anak seleb wenyanggenaʾ ara, anda nak dib senewananelem dara, Imik Neyung adyaʾ lok soʾ senenggomaʾ unuwanamlaʾ ara eibnelam, wenyamna do?” hyok.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

YOHANES 14:9

Yesus adya alak, ”Pilipus o, nara ugunub sobaʾ neikaʾ ulumab bok anasa, anda nak anam elgom ulunelem de? Heknedya nak eibnelya dara, wera Neyung bek seleb eiyiledya. Anasa, hekasa Neyung bek aaweisilom alalam do?

YOHANES 17:22

Neyung o, numba hnonok hiboka ulunam sok, sikbabya hnonok hiboka ulunokaʾ aboka, wera anja si imik danganaʾ nak elegenulumaʾ ara, onoʾ nadya sikenek seleb elegesisa.

YOHANES 17:24

”Neyung o, anja nak elegenulum nang edya, soko anam uyiwanggom danyek, men orowek anja nak wanaʾ ulunulumaʾ anasa, wera si imik nenenaʾ elegenulumaʾ anyek, sikda na ulumnyaʾ ak ulumeijekanya, nak si imik nenenaʾ anyek, sikba eibnokaʾ aboka mololamna.

YOHANES 18:37

Dara, Pilatus bedya Yesus ak, ”Wera anasa, anda aldib dubnya ululam de?” aboka heibok. Dara, Yesus adya Pilatus bek, ”Nara dubnya henelem ara dib lelam. Nara sokok an yeilimsa dara, beiyinyekaʾ ara, nimi yok nim ek dib yub ak laga lebsununaʾ aboka yeilimsa. Anasa, dib yub ak wanaʾ ulumak nim era, nadya yuba kelemak,” hyok.

YOHANES 2:11

Yesus adya, alja senenggom migibaʾ beknaʾ sokok unura yabalamokaʾ hyak men youbuka unumoknya nera, Kanaan heikek ab unumok. Ban unumokaʾ adya, alja senenggom migibaʾ unaʾ era laga dangamok. Dara, alja diriga ban nang era, alak dib senemek.

YOHANES 3:16

”Al Imik Neyung adya nimi soko nim ek, hyak wanaʾ ulusuukanya, alja me hyak hnonok bok, nimi soko nim amba bokol yeilisuk. Nimi nidyaʾ hnonok-hnonok alak dib senewoka dobnamak dara, somoganggunumak bok, embengaʾ unaʾ dibaʾ dorowanamak aboka, alja me bokol yeilisuk.

YOHANES 3:18

Alak dib senewoka dolomak nim era, Imik Neyung adya eimik yana lelewoka igina boyiwanggunesil. Bok, alak dib senenggulumak nim era, wera, Imik Neyung alja hnonok me nedya si nek dib senenggulumakaʾ anasa, seleb igina dobnemakaʾ lomok ulumak,” hyok.

YOHANES 6:51

Imik heikek ab embengaʾ unaʾ gwaneng yinggyukaʾ ara, na nong ulumna. Anasa, heknedya ban gwanenga delenya bera, hyak sob-sobaʾ or ulmoublumnamla. Ban gwaneng era nadya nong ek lemna. Nadya nong ek, ban soko nim emba, nim embengaʾ ulunokaʾ aboka, eleganamnaʾ ak lemna,” hyok.

YOHANES 8:32

Ban nenyek dib unulumun dara, aldib ugunda hekab-hekab dib ulumlaʾ ara ella danalumukanya, ban dib unaʾ enedya ugunuk gobdo lob lobnesil,” hyok.

RASUL 13:33

Dara, Imik Neyung adya unuwanasin amokaʾ ara, nera seleb Yesus somogoka embengaʾ suboka bukiyimok adya, nera an seleb unubok an. Nen unuwanamoknya nenesa leboka, Mazmur yub ek penenya nek momnya doboka ara, Anda nadya me yokaʾ ululam. Sumen nong ak, nara anja neyung be yokaʾ nonga dagen, aboka lebok.

ROMA 8:3

Anera Yahudi nim emba unuwanalum an yub ara, nimi nonga hmeng adya, pe gigiwoka unuwamenggom anasa, Imik Neyung ara, alaʾ me yokaʾ anyek, malya ulumak nimi nonga nenewoka bokol yookanya memewokaʾ ara, malya unaʾ ak nenesemba leboka igina kwenaʾ elegok.

ROMA 9:5

Wera sikda youmaʾ ulumek nang edya mengerob nang ulumaakanya, Mesias Kristus bera alda yokaʾ-yokaʾ nidyaʾ alak hnonok imik ululabok, nim ek sam ak dara sik nang yilaʾ ak ab beibek. Bok alda Imik Neyung sobaʾ giblemnemabnya bek ulumla. Amin!

1 KORINTUS 15:47

Men uyimoknya Adam bera, soko yokaʾ ak doboka uyimok, bok eimik Adam bera, imik heikek abaʾ ara yeilimok.

2 KORINTUS 12:9

Bok Imik Neyung adya dara, ”Anda hmeng ululam danyek, nadya migib era, gobdo nauba dangalamlaʾ anasa, nara anak wanaʾ uboka elekgenaʾ ara seleb nauba ulunggel,” henyok. Nara hmeng ulumna ak an, Kristus adya migibaʾ nak gouluwoka bo ulumnenelaʾ anasa, nara hmeng ulumnenel dara, nonggo alamnamna.

GALATIA 4:4

Bok Imik Neyung adya sumen senemokaʾ nong sum gigiwok dara, aljaʾ yando me nera sokok sam bokol yeilisuk. Wera me nera, unuwanalum an yuba mamok salek era, sokok an gel gedya boboka beibuk.

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.

KOLOSE 1:19

Wera anasa, Imik Neyung ulumlaʾ nidyaʾ ara, neyung adya ganya doboka alaʾ me ak yeindeboka al lomok munaʾ gobdo ulumla.

KOLOSE 2:3

Dara, nidyaʾ geremseng uboka, ella dangoka pesinaʾ damok ara, alak danyek ulumla.

KOLOSE 2:9

Hnonda Kristus alja nong yokaʾ ara, Imik Neyung ganya ulumlaʾ nidyaʾ ara alak gobdo ulumla.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

IBRANI 1:3

Imik Neyung adyaʾ hyak imik senenggom dilinaʾ era, me al nong ulumla. Imik Neyung nonga laga unaʾ dibaʾ ara, Yesus adya unaʾ pik an ulumla. Wera sokok sam ab imik sam hnon nidyaʾ ulumlaʾ amba dara, alda migib yub adya akwaʾ doboka bo ulumla. Yesus ara soko nim emba malya unaʾ ak ab seleb perobaʾ nenebgogowok dara, Imik Neyung hyak imik ululanya beb neikaʾ imik heikek sam nimi wenewoka bo usin ekla bunaʾ ak sam bukok.

IBRANI 1:5

Imik Neyung adya dara, lero nanga ben hnonok sibin ak anaba, ”Anda nadya me ululam, nak dara sumen anjaʾ neyung be dagen,” an dara, hyak mekaʾ hnon wenyhenggumok. Dara onoʾ Imik Neyung adyaʾ anaba, ”Nara aljaʾ neyung be danamna dara, alda nadya me danamla,” anaʾ ara wenyhenggumok.

IBRANI 10:5

Ban nenesa leboka Kristus ara sokok sam yok sum era, Imik Neyung ak lebokaʾ ara, ”Anda pam ab yokaʾ-yokaʾ giboka eleklenjakaʾ ara perob senenggululam bok, alda nadya nong enyek doboka beiblum.

IBRANI 2:11

Yesus adya nim ek geisa nenewosuknya beb, an geisa nenelesil nim eb dara, sikda nidyaʾ ara hnonok mabo silibaʾ ek ab ulumak. Ban nenesa leboka Yesus ara nim ek, nadyaʾ hemyab anaʾ ara, alya unggulumlakanya wenyalasil.

IBRANI 5:5

Anasonya neikek Kristus anaba, alja ganya doboka nak gigiwanenokaʾ aboka yuba wa gakaʾ dubnya nenebdanggubuk bok, alda Imik Neyung adya ok ganya doboka senenggom yuba wa gakaʾ dubnya aboka sekiyiwok. Imik Neyung adya Yesus ak, ”Anda nadya me ululam, sumen enyek moruwoka nara anjaʾ neyung be dagen,” hyok.

1 YOHANES 4:14

Imik Neyung bedya me nera, Imik Neyung adya soko nimi blebsinaʾ dubnya dolulaʾ aboka bokol yeilimokaʾ anyek, nunja seleb okoka eiyimoubakanya, nim ek leb elekdo yabalamab.

1 YOHANES 4:9

Imik Neyung nuk yadyek ulusukaʾ damok ara, Imik Neyung alja yando me hnonok bok, nuk embengaʾ unaʾ al adya dobnokaʾ aboka sokok an bokol yeilisukaʾ adya, alda wanaʾ ulusukaʾ ara amasuk.

2 YOHANES 1:7

Nim ek sondaʾ bobnenewoka malya nenelesak nang era, mok soko nidyaʾ oboka lelewal. Ban lebna nang danara, sikja dara, Yesus Kristus ara nimi nonga dangoka sokok yeilimok aboka laga lenggulumak nang ulumak. Anasa ban nang danara, sondaʾ hwam nang uboka, Kristus adya alja isaʾ nang ulumakaʾ ara an.

WAHYU 19:13

Dara alja waran akleng era, eneng lomok sam hwiboka ngikimek akleng enyek ongomookanya, wera alja si nera, Imik Neyung bek ab yubnya, alamek.

WAHYU 21:3

Dara onoʾ ban senenggom ekla bunaʾ ak ab, yuba hnon bii aboka lelemokaʾ ak kebsaʾ ara, ”Imik Neyung adya albeyok ulumla oulyang era, wenyok nim ak dal! Imik Neyung ara nim ab neikaʾ ulumnemak dara, nim ara onoʾ alja mabo silibaʾ dangoka ulumnemak. Imik Neyung ara nim ab neikaʾ uboka, alda sikja Imik Neyung ulumnamla.