YOHANES 1:12 - PERJANJIAN BARU NALCA YUBA

¹² Bok, alak dib domek nanga nidyaʾ ara, alja si nek dib senemek nim era, Imik Neyung mabo dangalamak migiba elegosuk.

YOHANES 1:12 ပူးပေါင်းရင်းမြစ်များ

MATIUS 10:40

”Heknedya ugunuk perobaʾ leboka dolosinya bera, alda anara nak dolonel. Anya nak dolonelnya bera, alda nak sokok bokol yeilinyoknya bek dolomla.

MATIUS 12:21

Dara, mok soko me nidyaʾ ara, alja si nek perob amba leboka ganya welemnemak,” ara momnya dobok.

MATIUS 18:5

Anasa nimi ben hnon nadya si nemba leboka, ban unurub so mab enyek, perobaʾ leboka doro dililamla dara, alda nak doro dillilinel,” hyok.

YOHANES 1:11

Aljinya nek yeilimok bok, alja meneng mok nim edya dara, alak perobaʾ leboka dobnenggumek.

YOHANES 1:7

Al pik uboka nimi nidyaʾ dib senewanokaʾ aboka, ban dilinaʾ enyek, geklewoka neksununaʾ aboka yeilimok.

YOHANES 11:52

Ban somoganamoknya nera, sik Yahudi nim emba ok lebnenggumok bok, nidyaʾ Imik Neyung mabo bokgogoka ulumek nim enyek, bolowoka neikaʾ ak nenewosululaʾ aboka somoganamoknya nenesa, ununumnaʾ dibaʾ lemok.

YOHANES 2:23

Yahudi nim perob sum meemek sum enyek, Yesus ara Yerusalem heikek ulumookanya, nimi nauba al adya yokaʾ-yokaʾ nidyaʾ lok so unulumokaʾ eiyimeekanya, anasemba leboka alak dib senemek.

YOHANES 20:31

Bok, ban nidyaʾ anyagan momnya dorobnya nera, ugunja Yesus ara aldib Kristus nimi blebsinaʾ dubnya uboka, Imik Neyung me dibaʾ senewoka seiniwolulumaʾ aboka, dara alak dib senelemunaʾ adya, alja si nenesa leboka, ugunda embengaʾ unaʾ dibaʾ dobnelum aboka, ban yub era momnya dorob.

YOHANES 3:18

Alak dib senewoka dolomak nim era, Imik Neyung adya eimik yana lelewoka igina boyiwanggunesil. Bok, alak dib senenggulumak nim era, wera, Imik Neyung alja hnonok me nedya si nek dib senenggulumakaʾ anasa, seleb igina dobnemakaʾ lomok ulumak,” hyok.

RASUL 3:16

Dara, ban eiyiboka seleb ella ululumnya benyek, Yesus si adya, Yesus si ak dib senenaʾ adya merewal. Aldib, alda seleb migib uboka eikaʾ nong dalaʾ ara, Yesus ab alja migib ek dib senenaʾ nong adya ok ubla. Yesus ak dib senenaʾ adya, ban benera, hemyab o, ugunja hogung ak sam laga eikaʾ merewal,” hyok.

ROMA 8:14

Dara, nimi nidyaʾ Imik Neyung Geisinya adya arawoka bo ulusil nang era, wera Imik Neyung bedya mab era al an.

ROMA 8:16

Dara ban Geisinya adya, nunja ganya ek, nunda Imik Neyung bedya mab ulumab aboka, laga neklesil.

ROMA 8:19

Wera anasa, embengaʾ ulumakaʾ nidyaʾ ara, Imik Neyung mabo laga nenewanamla sum amba hyak ganya weboka diri ulumak.

GALATIA 3:26

Ugunda Kristus Yesus ak dib senelumaʾ adya, wera ugunda nidyaʾ Imik Neyung mabo dibaʾ ululum.

GALATIA 4:6

Dara, ugunda alja mab ululumaʾ anasa leboka, Imik Neyung adya alja me nedya Geisinya bera, ugunja ganya ek bokol yeilisuk. Dara alda, ”Neyung o, nadyaʾ neyung o,” wenyalamla.

KOLOSE 2:6

Ugunda Kristus Yesus ara, Wenelesilnya aboka seleb dolum anasa, ugunja ululum ara alab neikaʾ kwebdangoka ubgiga balalulum.

2 PETRUS 1:4

Ban unu elegousuknya nenedya, Imik Neyung ara senenggom perob eleknaʾ hnon, hyak nauba perob eleknaʾ era, alja orowek eleganesin amoknya nenesa, nuk sunuwoka elegosuk. Ban unu elegosuk eleknaʾ enedya, wera ugunda malya ubsinya senen ganya edya malya nenelesil ununaʾ era loboka, Imik Neyung adya ununaʾ enyek neikaʾ unulululumaʾ aboka, wera seleb elegosuk.

1 YOHANES 3:1

Imik Neyung adya nuk hyak nauba yadyek ulusilaʾ anyek, ugunda kendululum. Anadya wera, nuk nadya mab aboka si silisil. Dara aldib, nunda Imik Neyung alja mab ulumabaʾ aja. Anasa wera, soko nim era Imik Neyung ak mekaʾ elgom ulumakaʾ adya, nuk anaba elgom ulusak.

1 YOHANES 3:10

Anara Imik Neyung mab ulumak, nenera Iblis mab ulumakaʾ aboka, beknaʾ damoka ella dangalamabaʾ ara ban adya. Heknedya Imik Neyung seinilamlaʾ ak ununggulumla gom, al kab ek wanaʾ unggulumla gom dara, wera bera alda Imik Neyung alja me unggulumlaʾ ara an.

1 YOHANES 3:2

Nadya wanaʾ ulusin hemyabo nim o, nunda wenera Imik Neyung mab ulumab bok, eimik ek dara, hekaʾ huboka ulumnemabaʾ ara, okoka laga danganggulumla. Bok Kristus anyek eimik yanamla dara, alja nong yokaʾ nong ak eibnamabaʾ anasa, nunda also danamab anyek hnonok, ella ulumab.

1 YOHANES 3:23

Imik Neyung adya unulululum aboka oruklesilnya nera an: Nunda alja me si Yesus Kristus ak dib senewoka, onoʾ Kristus adya nuk lebsuk sok, nun moumen wanaʾ uldalamnemab aboka oruklesil.