YAKOBUS 5:9 - PERJANJIAN BARU NALCA YUBA

⁹ Imik Neyung adya ugunuk henga geregoka obsilyek anasa, ugun moumen malya nenebdangoka, youmburaʾ debdangoka uldanaʾ ara mem. Nimi yan lelesinaʾanya bera seleb younunaʾ aboka gegelamla bok anasa, ugunda pe beknelum!

YAKOBUS 5:9 ပူးပေါင်းရင်းမြစ်များ

MATIUS 24:33

Anasonya neikek, yokaʾ-yokaʾ unuwanamlaʾ anyek eibnelum dara, wera nimi dibaʾ me yanggan salek era, seleb yenewal senewoka ella danalum.

MARKUS 13:29

Anasonya neikek, yokaʾ-yokaʾ nidyaʾ gigiwoka unuro yabalya dara, wera yanamla salek era seleb pik sindamak senewoka ella ubnelum.

MARKUS 6:19

Ban wenyan yub enesa, Herodias gedya dara, Yohanes bek obnamna senewoka yu ganya bomok bok, Herodes bedya unuwalyek senewoka bo ulumokaʾ adya, unu seinimoknya nera gigiwanggumok.

1 KORINTUS 10:11

Israeli nim ek, nidyaʾ unulumokaʾ ara, nun yok nim enyek, anaso unuweibyek aboka, beknaʾ dibaʾ ulusil. Ban Imik Neyung adya unumoknya nidyaʾ momnya dobokaʾ ara, nuk wenesinaʾ dibaʾ ubsuk. Nunda sidyaʾ daknamla salek ulumab nim emba ubsuk.

1 KORINTUS 4:5

Anasa wera, ugunja men, bera malya ubla, bera pewal aboka, berra aboka yana leleldanggom. Alda diri ulumunaʾ ara Wenelelesilnya bedya yalyekanya, al adya yok-yok damoka nidyaʾ gunaʾ lomok sam doknolomlaʾ ara, poboka laga nenewanamla. Imik Neyung adya, onoʾ nimi ganya lomok mouboka seinilemaknya nera, laga nenewanamla. Ban sum enyek, nimi nidyaʾ ara, Imik Neyung adya sikenek unuro yana lelewoka gigiwanesil.

2 KORINTUS 9:7

Imik Neyung ara, eiya ganya boboka eleklemak nim enyek hyak perob senelesilaʾ anasa, lobnesinya bok elegan senenaʾ ab, dukaʾ lolom-lolom alamak enyek eleganaʾ senenaʾ ab dara, mem. Nimi nidyaʾ pe seiniwoka, anyek nara eleganamna senewalyaʾ ok ganya doboka eleganamak.

GALATIA 5:14

Nidyaʾ unuwanalum an yub ek momnya dobokaʾ ara, ban yub enedya ok gaka dangalamlaʾ ara, ”Andamnya wanaʾ uldalalam sok, nimi yok nang ek unu neikso wanaʾ ulululum,” aro lebok. Dara, ban hnonok ok unululam bok, nidyaʾ gobdo unululam.

GALATIA 5:26

Nunja yok nang ek dengdang ganya boboka, ganya soloma nenebdangoka, hman ganya boldanaʾ ara, hyak mem.

YAKOBUS 4:11

Na kabo nim o, ugunda geklewoka waldanaʾ ara hyak mem. Neik yuba dolomak nimi moumen geklewoka wabdangoka, yana lelelanya bera, alda Imik Neyung adya unuwanalum an yub ak geklewoka waboka yana lelelamla. Anya ugunda ban Imik Neyung yub ak yana lelelelum dara, wera ugunda Imik Neyung adya unuwolulum alamla yub ek, ununaʾ loboka, alda yana lelen nimi dangalalum.

YAKOBUS 4:12

Alda nim amba yuba meewoka yana lelelesilnya bera hnonok ulumla. Ara Imik Neyung adya hnonok embengaʾ dangiyi somogiyi ulusilnya bek hnonok ulumlaʾ ara an. Anasa wera, ek ululumaʾ adya, wera anda meneng nim ek yana lelelesilem do?

YAKOBUS 5:10

Na kabo nim o, youmaʾ Wenelesilnya si anasa leboka ununumnaʾ lelemek nang era, sikda nauba igina kweboka gwekoka, ganya siklewoka ulumekaʾ anyek, ugumba diliwanalum.

YAKOBUS 5:7

Wera anasa, nadyaʾ hemyab o, ugunda ganya siklewoka ulumunaʾ moruwoka Imik Neyung yanamla. Nimi wa weboka melelanya bera, wa weboka meb lomnaʾ ara moka yeiniboka nong ubna dara doboka delemlaʾ amba diri ulumlaʾ anyek, ugunda sunuwoka kendululum. Dara bera alda siklewoka ulumnaʾ ara, esaʾ uruklamla salek hnon, nong ulumna salek hnon diri ulumla.

1 PETRUS 4:5

Bok onoʾ sikbabya, eimik embengaʾ ulumak nimi hnon, seleb sogomek nimi hnon, yana lelewanasilnya Imik Neyung be yanamla sum enyek, sikba nunda anaso ulumab aboka laga lelewanamak.

1 PETRUS 4:9

Yokaʾ-yokaʾ ak seiniwoka yu yabnaʾ loboka, ugun moumen anaba ugunjaʾ e pik perobaʾ lebdangoka doboka beil dalalulum.

WAHYU 3:20

Nara pik sindamak sam sekoka pika glorum-glorum alasinaʾ anyek kendululum e! Nimi ben hnon nadya yuba keboka pika baknelya dara, nara wekoka alab eibdananamakanya, nara alab, alda nab, neikaʾ delemnenam.