YAKOBUS 5:5 - PERJANJIAN BARU NALCA YUBA

⁵ Ugunda hyak unuruwaʾ garan orokaʾ anyek, pero-pero senenanya loboka, sokok an ulumlaʾ nidyaʾ damoka lelewoka dero dakdowolum. Ugunda youbnamna pam enesoʾ ak ugun damnya weildalalum.

YAKOBUS 5:5 ပူးပေါင်းရင်းမြစ်များ

LUKAS 16:19

”Nimi ben hnon bonaʾ dubnya ulumok. Boksom ara hyak perob nong boksom ok ongowoka, denaʾ ara hyak sobaʾ perob denaʾ ok delsinilemok.

LUKAS 16:25

”Bok Abraham bedya benyek lebokaʾ ara, najabo banyek seiniwanalam: anda or anam embengaʾ ululum dara, perobaʾ ok doboka boboka delelum, alda Lazarus bek dara malyaʾ ok doboka dereklemok. Amba wenyek dara, Lazarus bera perobaʾ ak bukla bok, anak dara, nauba gweklelam.

ROMA 13:13

Anasa nunda yubyek danyek ulumak diligaʾ ganya namenaʾ anyek pe ulunob. Salyaʾ eiya hlaboka bolowoka dero yabanaʾ mem, yu mek denaʾ mem, malya unaʾ ak molonaʾ hogunga bobmoubuka, salyaʾ salaldanaʾ ak unggom mem, soloma daboka wabdangdo unggom mem.

1 TIMOTIUS 5:6

Bok nadya dobsinya bobsinya senelamna anyek nidyaʾ gigilamla youk gel gera, nong ak dara, anam embengaʾ ulumla senen bok, ganya ak dara, seleb somogamnaʾ anasoʾ ak ulumla.

2 TIMOTIUS 3:4

Sikda yuba bo dil banaʾ ak perob senelemnemak, sikda imik nenebdangoka, ganya mok seinil banggulumnamak. Sikda Imik Neyung ak wanaʾ unya nera loboka, sokok an ununaʾ anyek wanaʾ nong ulumnamak.

2 PETRUS 2:13

Sikja meneng orowek igina nenebdangoka malya neneldalamakaʾ amba, sik nong ak igina kweboka nauba gweknemak. Sik nim en nong ak dara, sikja nonga ganya gigiwoka malya unaʾ ok laga yubyek hnoum enyek, unulumak dara, pewab senelemak. Anaso malya unaʾ anyek laga yok nimi ngouluklenabok ura yabalamak nim era, ugunub neikaʾ bukoka denaʾ delelum dara, sikja malya unaʾ hogung ok beiyi bulumakaʾ anyek, ugunda eiyiwoka dara duk lobnesom.

YUDAS 1:12

Wera an unu malya ulumak nim eb neikaʾ delelum dara, sik nong ara, ugun gangganek sik meklaʾ ulumak. Wera delelum dara, alya orokaʾ anyek, yok nimi wanaʾ unaʾ loboka, siksamba ok nonogoka delemak. Sikja unaʾ era, kaboʾ adya debaʾ ak walawoka bo yibin enyek, moka yangganaʾ lolomla sok unulumak. Hnonda sik nong ara, gal meklaʾ gololamla li era, doka mounggulumlaʾ anasoʾ ak uboka, yarenga dama delewan enyek, yalegoka dibaʾ oulaʾ olomla sok ulumak.

WAHYU 18:7

Hnonda alak ara, nauba perobnya benya anaʾ ab, dub dangoka pe ulumokaʾ sunuwoka, ganya okna danganaʾ ab, ganya soloma dabnaʾ ab, danyek alak eleganalam. Hnonda al nong anasa, sobaʾ leleladya, Nara nenya somogamna gel gomaʾ, nara wenewoka usin dub gel! Anasa nara ganya okna dabsinaʾ ara, hnon nak dobnenggunusinya, wenyaboka nonggo alamla.