YAKOBUS 5:3 - PERJANJIAN BARU NALCA YUBA

³ Ugunja meilik eb dangman ab dara, seleb mura bongolamla; wera mura bongonaʾ nong adya ugunuk malya nenewanasilikanya, eimik era uk anasoʾ adya ugunja nonga nidyaʾ dengaboka denesil. Ugunda sidyaʾ daknamla sum enesa aboka, bonaʾ ara nauba bolowoka beillilelum.

YAKOBUS 5:3 ပူးပေါင်းရင်းမြစ်များ

RASUL 2:17

Imik Neyung adya lebok ara, Sidyaʾ daknamla sum enyek, nadya geisa ganya ara nimi nidyaʾ sik dubuk yeklingganamna. Ugunja mabo nengmab ab, ugunja gelmab ab, nadya sikenek ununumnaʾ lelemnesak. Ugunja gobenya nim edya yokaʾ unuwanasin ara ken so eilimnemak. Ugunja nauba nang era, maboka lendara eilimnemak.

ROMA 2:5

Bok ban anja ganya gasa nong enyek, ganya danganaʾ orok adya, wera Imik Neyung be eimik waboka pe sunubdaboka yana lelewanasilaʾ geknewanamla sum era, alja wema dabsinaʾ ara, an dam nang doboka nauba bolololam.

2 TIMOTIUS 2:17

Ban neneso neknaʾ yub era, nimi somoknaʾ neiknaʾ damok ak belega elesilaʾ anyek ulumla sokaʾ ak ulumla. Ban nenyek seleb unumek nang dara, hnonda Himeneus beb, Filetus beb an ulurak.

2 PETRUS 3:3

Ugunda men nonogoka beknelumaʾ nong ara, yokaʾ-yokaʾ sidyaʾ daknamla sum era, nimi nauba malya ulumakaʾ adya ok wekdeknewoka ulumak nim enyek boboka lanawanamak. Sikja ugunuk derewoka walamnesak.

WAHYU 17:16

Dara, bonga sagobadya eiblamaʾ ara, ban yokaʾ yu nongaʾ ab dadya, dongon gel gek hyak lek senewanamak. Hnonda sikda alja hekaʾ ok alak ulumlyaʾ nidyaʾ ara doboka, nong baneng nenewanamak. Anya, alja nong soub era gweboka deregoka, onoʾ uk adya dengaboka dabnemak.

WAHYU 20:15

Dara, nimi nidyaʾ sikja si, nimi embengaʾ un buku lomok sam momnya donaʾ orok nim era, ban sobaʾ singilamlaʾ uk mek gwanek sam doboka doronggousukaʾ ak eibsa.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.