YAKOBUS 5:19 - PERJANJIAN BARU NALCA YUBA

¹⁹ Na kabo nim o! Nimi ben hnon ugun gangganek ara, dib yuba pik loboka yok ok sam balalabok, yoknya bedya benyek Imik Neyung ak gliboka bo yanamla dara,

YAKOBUS 5:19 ပူးပေါင်းရင်းမြစ်များ

MATIUS 18:15

”An kabo edya anak malya ubgelya dara, anda malya ubgelenya bek an biniboka, ban nak malya ubnelem aboka laga neknelam. Ban nenera geleleng aboka ugun penya ok unubdanarum. Anja lebnelam yub enyek, an kabo edya dib senewanenggel dara, wera anda an kabo ek pe doboka perobaʾ ak bo yalalam.

LUKAS 22:32

Simon o, anja dib senewoka ganya oloklelamaʾ anyek, goowoka denghegelyek aboka, nara ansamba heng uboka mololenggen. Anya anda nak saaboka yanalamaʾ seleb dara, anja weisab enyek sikja ganya migiba geb eleganesilim,” hyok.

GALATIA 6:1

Hemyabo nang o! Ugun gangganek ara, ben hnon meknemlaʾ ak eibmun dara, ugun Imik Neyung berem ululum nang edya, pe ganya namenaʾ anyek, bera perob pik doro dibnelum. Unuwanalum bok, ugunuk hnon sikbabya malya ubnok senewoka sunuweisilyek anasa, ugumba diri uldalalulum.

1 TIMOTIUS 6:10

Nim ara, rupiah ganya ok hwilimak dara, wera yok-yok malya unaʾ damoka gong-gong lanalamla. Hnon nim era, rupiah ak nauba dobsibya ganya adya, yuba dib senen ganya dilinaʾ loboka, nimi ganya soldobdangoka, sikda hyak nauba igin ganya nenebdangamek.

1 TIMOTIUS 6:21

Hnon nim era, nunda yokaʾ-yokaʾ ella danganaʾ ara, seleb domouba wenyaboka, youmaʾ yuba dib senenaʾ damoka domekaʾ ara, seleb loboka meknewoka unumekaʾ anasa, amba unuwamenek aboka, keeboka ululom. Wera Wenelesilnya bedya wanaʾ uboka eleksinaʾ ugunuk ulusulul. Nara Paulus bedya seleb perob aboka gibgen.

2 TIMOTIUS 2:18

Sikda penya dara, perob yub ek ab seleb malya nenebdangoka mok darek. Wera sikja dara, nim embengaʾ suboka bun salek era, seleb yenewal wenyaro yabalarakaʾ adya, nimi yok nim ek hnon sikja dib senenaʾ ara seleb dolul meneklerak.

IBRANI 5:2

Albabya nim ak adya hmeng ulumlaʾ anasa, yuba wa gak nang ulumna nang era, nimi yokaʾ-yokaʾ elgom uboka, yokaʾ-yokaʾ adya geregoka meknelemak nang ek ara, namenaʾ pe ganya goluwoka aralesil.

YAKOBUS 1:16

Nadya hyak wanaʾ ulusin hemyabo nim o! Ugunuk hyak sondaʾ amba bobnenewoka malya neneweisijik.

YAKOBUS 1:19

Nadya wanaʾ ulusin hemyabo nim o, ugunda banyek hyak pe seiniwolulum! Nimi nidyaʾ ara ken dara, berra kebnemak bok, yuba saboka nim ek yu ganya bosinaʾ ak dara, mandewanamak dara, perob.

YAKOBUS 3:14

Bok ugunda hman ganya boboka, ganya oka debdangoka, yok nim era malya so bok nanokok pewonulul senen ganya bolomun dara, wera perob dib unaʾ yub powegoka dangab menegoka, nonggo abdangoka geremseng ulumna senenaʾ ara mem.

YAKOBUS 5:20

ugunda ban yub enyek seiniwanalumaʾ ara, Nimi malya unaʾ pik balanabok doboka perobaʾ ak sam beil yalalanya bera, malya ulumna nong unaʾ hnon bleboka, onoʾ somoknaʾ ak ab bleboka dolomlakanya, wera dololanya bedya malya unaʾ nauba doboka boloklamla. Nara Yakobus bedya gibsin e.

2 PETRUS 3:17

Nadya wanaʾ ulusin hemyabo nim o, ugunuk dara, wenyhenya nera seleb orowek ella dangalum. Anasa, nimi malya ulumak nim edya ugunuk gliboka bo bisijaʾ ak malya nim ulumakaʾ ak malya domunuk anasa, anya migibnya bek malya nenebdomunuk anasa, keeboka diri uldalalulum.

YUDAS 1:11

Sikda hyak omom nongaʾ ak ulumak! Wera an unulumakaʾ ara, Kain bedya unumok malya unaʾ enyek, neik diligaʾ unulumak. Onoʾ, rupiah dobnob senewan dara, Bileam bedya umok diligaʾ doboka, dibum aboka malya ulumak. Hnonda, Korah bedya blekoka umok diligaʾ doboka, blekoka orok neneldalamak.