YAKOBUS 3:6 - PERJANJIAN BARU NALCA YUBA

⁶ Silyum anaba, uka desin heikek ulumla. Nunjaʾ nong ok ara, silyum adya nong me nidyaʾ malya damoka doluwoka boklamla. Bisaʾ heikek ab uk edya, nunjaʾ nong unaʾ nidyaʾ ara uka dinilesil.

YAKOBUS 3:6 ပူးပေါင်းရင်းမြစ်များ

MATIUS 12:24

Wera wenyan yub enyek, Parisi nim edya keboka sikja dara, ”Ban benera bisaʾ dubnya Beelzebul bedya unulumnelam aboka alja migib elegokaʾ adya, bisaʾ arobaʾ yakoka ulusil,” aboka lelemek.

MATIUS 5:22

Bok wenyek dara, nara ugunuk ban lebnesin, Heknedya yok nim ek wabnesilnya bera, albabya yana lelewanamak; anya heknedya yok nim ek derewoka walamla dara, yana lelesinaʾ Yahudi dub nang edya yana lelewanamak. Heknedya yok nim ek leleladya, Malya unaʾ hwamnya, alamla dara, uka desin heikek doro bobogeisijek.

MARKUS 7:15

Nimi malya nenelesilaʾ ara, sembejaʾ gebman denaʾ delemak adya malya nenenggulusil. Alda nimi ganya lomok sam ab goblelanya nedya, ganya malya nenelesil.

LUKAS 16:24

Anasa dubnya bedya lelemokja, neyung Abraham o! Nak angoo yadyek senewanelom e. Lazarus benyek, alja soruk enyek mek ek doronggalyekanya, nadyaʾ silyum ak an dil younululaʾ aboka orugalom. Nara uk lomok an hyak nauba gweklamna bar! alamok.”

RASUL 20:30

Hnonda ugun gangganek an ululum nang enedya eimik era, boro doloknaʾ yub enyek lero yibinisak. Ban unuwanamaknya nera, anadya diriga ban nang enyek seklama dariyiwoka sikenek sam gliboka bo bisinob aboka ubnamak.

RASUL 5:3

Dara, Petrus bedya Ananias bek, ”Anda ganya ek bisaʾ dubnya Satan weklul aboka, globol lolamakanya, anja soko dekelam rupiah era darasam era ansamba dolamaakanya, Geisinya bek sondaʾ lelelam ara hekasa ulam do?

RASUL 6:13

Dara onoʾ, Stefanus bek yana kimek nang, sonda bok, lelewoka neknok aboka bo yeilimek. Dara, sondaʾ anasa Stefanus bek minimek nang edya lelemekja, ”Stefanus bera Imik Neyung adya geisa e nek malya e aboka lelemlakanya, Musa bedya unuwanalum an yub era malya yub aboka lelelanya bera an,” aboka sondaʾ anasa wenyaboka yana kimek.

TITUS 1:11

Ban wenyhen nim era, neknenggunuseng yub edya, nimi nauba nim e gebman malya nenelesakaʾ anasa, sikja sibamaʾ hyak lebnok. Sikda ban unulumaknya nera, anadya deknaʾ salyaʾ malya uboka dobnobaʾ aboka ulumak.

YAKOBUS 2:7

Ban bonaʾ dub nimi nong edya danyek, Imik Neyung ak ab, ugunja perob si dolumaʾ ara malya nenelemak nim era an.

YAKOBUS 3:7

Yokaʾ-yokaʾ nidyaʾ yu hwamaʾ ebeklamlaʾ ab, wining ab, sokok belega yabalamlaʾ ab, hadyaʾ ab dara, nim adya namenaʾ nenelemak, hnonda seleb namenaʾ nenemek.

2 PETRUS 3:3

Ugunda men nonogoka beknelumaʾ nong ara, yokaʾ-yokaʾ sidyaʾ daknamla sum era, nimi nauba malya ulumakaʾ adya ok wekdeknewoka ulumak nim enyek boboka lanawanamak. Sikja ugunuk derewoka walamnesak.

3 YOHANES 1:10

Bok eimik na anyagan yanya sum era, nidyaʾ alja yok-yok malya unaʾ uboka, sondaʾ leboka, nauba gunulamlaʾ deng ara, nunsamba hnon geklewoka sondaʾ lelelanya nera, laga poboka lebnamna. Bok ban nidyaʾ unulamlaʾ ara, nenyek ok unuro dakdowonun senenggulumla. Onoʾ nunja hemyabo yuba donaʾ nimi yanggan dara, alja ek doboka beilisinaʾ ara alda lek senelamla. Dara onoʾ yok nim edya nunja ek an mabnemab aboka ul yabanaʾ anaba, alja mem aboka yuba sekoka, onoʾ sik arawanob senelemak nim ek yuba dolomak ak ab yaklesil.

WAHYU 12:9

Dara ban senenggom naga bagaʾ era sokok yakdo boblenggok! Wera ban wisa youmaʾ bagaʾ era, nidyaʾ sokok an sondaʾ leboka malyaʾ geblamlaʾ, alja si nera Iblis hnon, Satan hnon aboka si silimak ara an. Alab, nidyaʾ alak aralemek lero eb dara, sokok an unu boublinggosuk.

WAHYU 13:14

Dara, ban eimik yu nongaʾ enedya, lok so beknaʾ dibaʾ alak elegok adya, men yu nongaʾ amba leboka, loka dabsinaʾ unuru yabalamok adya, ban sokok an ulumeija nimi nidyaʾ ara, bobnenewoka ubsuk. Hnonda, ban men yu nongaʾ era, oldan gab edya menengaʾ diligaʾ hwam bok, or ulumlyaʾ anyek, alja nonga sunuwoka memenaʾ ara, galak girikek gom meewoka sekiyiwolulum aboka orugosuk.

WAHYU 18:23

Anya nim ara lampu dilinaʾ gom, nenya gela domna enyek eiya hlaboka sanaʾ yub gom digum danaba, hyakaʾ hnon kebnenggunumak. Hnonda anja bonaʾ bo dekel giriknaʾ nang era, senenggom nang ulumeekanya, yok-yok mok soko nimi nidyaʾ ara, anja bobnenewoka sonda lebsulum.

WAHYU 19:20

Dara ban yu nongaʾ ab, anyeb neikaʾ dara sonda leboka gamyakaʾ hogung ak yok-yok damoka memelemoknya beb, henga goubsuk. Ban sonda lelemoknya bera, beknaʾ dibaʾ yok so damok unulumokaʾ adya, sikda gamyakaʾ adya beknaʾ doboka, aljaʾ sunumnaʾ ak giblemek nang ek bob nenesuknya. Wera sik penya danera, gasaʾ adya sobaʾ singilamlaʾ uk mek gwanek, embengaʾ somobdaboka obsuk.