YAKOBUS 3:18 - PERJANJIAN BARU NALCA YUBA

¹⁸ Ek nang nenelesak nim ek ab, namen unaʾ damoka melemakaʾ adya, perob unaʾ dolomak.

YAKOBUS 3:18 ပူးပေါင်းရင်းမြစ်များ

MATIUS 5:9

Nimi yuba sekoka hillilisak nim era, Imik Neyung adya ban ununanya nemba leboka pe laga nadya mabo henesilaʾ anasa, pe ulumak!

YOHANES 4:36

Doka daklamak nang ara, sikja deknaʾ seleb dolomak. Embengaʾ ulmoubnaʾ amba dakoka mamaklemak. Dara, eimik era doka doklomak nim eb, doka daklamak nim eb, ei-ei ganya daboka ulumnemak.

GALATIA 6:8

Heknedya ganya oka den yinaʾ doklamla dara, alda ganya oka den doka somoknaʾ ak daklamla bok, heknedya Geisinya bedya senelamlaʾ sunuwoka yinaʾ doklamla dara, alda Geisinya bek ab embengaʾ ulmoubnaʾ doka daklamla.

PILIPI 1:11

Dara, ugunja nong unaʾ enyek, perob unaʾ adya ok, Yesus Kristus adya pe deknelesilya dara, wera Imik Neyung si ak imik nenewoka, alak sobaʾ giblemnemak.

IBRANI 12:11

Dara aldib, alja nuk wenelesilaʾ ara yokaʾ-yokaʾ sunuwoka ganya eiya dabnaʾ lananggululabok, hnonda ganya oka denaʾ ak lanalamla. Bok eimik dara, alja wenewoka neklesil nim era, ganya namen uboka pe unaʾ dok ak lanalamla.

YAKOBUS 1:20

Nimi yu ganya adya, Imik Neyung adya unuwanok senelelanya nenyek bo yangganggulumla.