YAKOBUS 3:14 - PERJANJIAN BARU NALCA YUBA

¹⁴ Bok ugunda hman ganya boboka, ganya oka debdangoka, yok nim era malya so bok nanokok pewonulul senen ganya bolomun dara, wera perob dib unaʾ yub powegoka dangab menegoka, nonggo abdangoka geremseng ulumna senenaʾ ara mem.

YAKOBUS 3:14 ပူးပေါင်းရင်းမြစ်များ

MATIUS 27:18

Pilatus bedya, ban wenyaboka leboknya nera, Yahudi dub nang edya Yesus ara sikja hman ganya boboka alak oboka dibnemab aboka doboka elegemekaʾ anasa, ella umokaʾ adya lebok.

YOHANES 16:2

Ugunuk Imik Neyung ek sam abaʾ ara, yaklemnasak. Dara, onoʾ hnon, sik unulusija nim edya dara, Imik Neyung amba nunda pe giboka unulumab senelemeija salek era, yanamla.

RASUL 13:45

Dara, Yahudi nang yokaʾ nong adya kemelemek enyek, nimi nauba Barnabas beb, Paulus beb dadya, lelemek yub ek dolomekaʾ eiyimek dara, sikda hman ganya boboka ulumek. Dara, sikda Paulus bek anda malya nong aboka, alja lelemok yub ek sondaʾ anasa lelemla aboka blekoka derewoka lelemek.

RASUL 26:9

”Nababya youmaʾ dara, nadyaʾ yokaʾ-yokaʾ unulamsa ara, Nazaret mok ebnya Yesus alameknya bek blekoka lololonun senewoka yeiriwoka unulamsa.

RASUL 5:17

Wera ban unubgiga balamek adya, Yahudi yuba wa gakaʾ dubnya beb, alak sikja aralamek nang nidyaʾ eb, nera Saduki nim edya, men Imik Neyung yuba domek nim ek hmana leboka yok so unuwanob senemek.

RASUL 7:9

”Dara, nunja neyung Yusuf bera alja hemyab edya hmana leboka rupiah amba dekek dara, Mesir sokok sam ek wa wenya dangamok. Bok, Imik Neyung adya alak arawoka pe bo uboka,

ROMA 1:29

An unulumakaʾ ara, hyak malya ganya hogung ok deknewoka, yu hwam ganya ab, naubaʾ dero bolosinya ganya ab, song ganya ab, hyak lek senen ganya ab, oldan ganya ab, waldan ganya ab, sondaʾ miniwoka len ganya ab, malya unaʾ nang eb neikaʾ hiboka, an ganya danyek unuru yabalamak.

ROMA 13:13

Anasa nunda yubyek danyek ulumak diligaʾ ganya namenaʾ anyek pe ulunob. Salyaʾ eiya hlaboka bolowoka dero yabanaʾ mem, yu mek denaʾ mem, malya unaʾ ak molonaʾ hogunga bobmoubuka, salyaʾ salaldanaʾ ak unggom mem, soloma daboka wabdangdo unggom mem.

ROMA 2:17

Bok anda Yahudi nang abdangoka, Yahudi nim emba unuwanalum an yub ak kwebmouboka, Imik Neyung amba leboka habmerenga nonggo aldalalam.

ROMA 2:8

Bok sik na pewanenelyaʾ anyek senewoka ane digum anyek eboka, dib nong ak blekoka, malyaʾ ak pe keboka unulumak nang era, yu sen-sen aboka wema dabnaʾ damok ak sikenek eleganesil.

1 KORINTUS 13:4

Nimi ben hnon, yok nim ek wanaʾ dibaʾ ululanya bera, ganya siklewoka namen ganya adya perob ok unulamla. Wanaʾ unaʾ ara, alda solom ganya bonggulumla, imik neneldanggulumla, dengdang ganya bonggulumla.

1 KORINTUS 3:3

Ugunda solom ganya bobdangoka, ugun moumen anaba waldalalum, oldalalum dara, wera anara sokok an malya ganya bololumaʾ adya unululum. Imik Neyung ak elgom ulumak nim enesoʾ ak, ugunda ululum.

1 KORINTUS 5:2

Ban unululumjok, wera onoʾ ugunda dengdang aboka, imik nenebdangdo yabalalum. Ban unululumnya nera, dib nong ara, onoʾ angwei salyaʾ ulumla senewoka engelemnesomokanya, malya unulumak nim era, ugun gangganek ab doboka yaknasom.

1 KORINTUS 5:6

Ugunja nonggo aldalalumaʾ ara malya nong. Roti gwaneng welenaʾ ara mek bok, nonga nidyaʾ eldaklamlaʾ ara, ugunda elgom ululum de?

2 KORINTUS 12:20

Nara kemel yeisinya sum enyek, ugunja unaʾ era, nadya anaso ubneseng senemnyaʾ unaʾ orokaʾ ak eibnyek aboka hnon, onoʾ ugunja dara, nak alda anaso ubnamso senenumunaʾ anyek eibmunuk aboka hnon, lok ganya bolomna. Hnonda wabdoumunuk, hnonda hman ganya bobdangoka, yu ganya boboka, nanokok pewonulul yok nim era lek senewoka, derewoka wabdangoka, o lom-lom pik gelelenga lebdangoka, dengdang ganya boboka, doluwoka malya nenebdangoka ubdoumunuk aboka, lok ganya bolomna.

GALATIA 5:15

Bok ugunda si glekoka obdangoka, malya neneldalamun dara, ugun moumen soldowoka dengabdomunuk aboka, pe keeboka ulululum.

GALATIA 5:20

bisaʾ girik gala gibnaʾ ab, nimi guma guknaʾ ab, lek seneldanaʾ ab, waldanaʾ ab, ganya oka deregoka solom ganya ab, dibum an ganya ab, nanokok pewounulul senenaʾ ab, doluwoka malya neneldanaʾ ab, mala doldanaʾ ab,

GALATIA 5:21

hman ganya boldanaʾ ab, yu meka deregoka ganya uu anaʾ ab, bera seboka eiya hlan malya unaʾ ab, anasonya nidyaʾ ara malya unaʾ ak ulumla. Nimi ban malya unaʾ enyek nauba unuru yabalamak nang era, Imik Neyung mab adya misaʾ hnon dobnenggunumak aboka, youmaʾ hnon seleb nekesisaʾ ara, onoʾ saawoka sumen hnon neksin.

GALATIA 5:26

Nunja yok nang ek dengdang ganya boboka, ganya soloma nenebdangoka, hman ganya boldanaʾ ara, hyak mem.

GALATIA 6:13

Nimi bolaʾ garalasak nang eneba, Yahudi nim emba unuwanalum an yub ek momnya dobokaʾ ara, nidyaʾ pe sunuwoka ununggulumak. Bok sikja dara, ugunda sikja unulumakaʾ anyek gigiwalya dara, nunja yuba keboka unulumak senewoka nonggo henobaʾ aboka, ugunuk bolaʾ garawanok senelesak.

PILIPI 1:15

Wera ban Kristus yuba lero yabalamak nang era, hnon nang era hman ganya boboka lolobdanob senen lero yabalamakaʾ ara aldib bok, hnon nang era Imik Neyung ak ganya gouluwoka perob ganya boboka lero yabalamak.

PILIPI 2:3

Ugunda yokaʾ-yokaʾ unuwanamunaʾ ara, nunokok perob dosulul senewanamunya nek gom, dengdang ganya bobnemunya nenyek unuwanamab senenaʾ ara hyak mem. Alda saawoka, ugunda nidyaʾ yok-yok ganya sokok nenebdangoka ulumunukanya, nak dara or malye bok, yok nim ek danyek, perob nang era, an senen ganya bobdangoka ulululum.

1 TIMOTIUS 2:4

Imik Neyung alja hnonok senelamlaʾ ara, nimi nidyaʾ ara blebsinaʾ damoka doboka dib yub ara nidyaʾ ella danok senelamla.

1 TIMOTIUS 6:4

alda dengdang anaʾ adya ella neneldalalabok, yokaʾ-yokaʾ hyak elgom nong jok ulumla. Alda malya ganya edyok wek deknewoka ulmeilimdanyaʾ anasa mala weboka, ella ubnamenggom yuba, bobnenewoka geklero salamakaʾ adya bolgereklamla. Dara, bera ban adya solom ganya hnon, waldanaʾ hnon, hman leldanaʾ hnon, gogobaʾ ganya bobdangoka malya seneldanaʾ hnon, nauba lanalamla.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

YAKOBUS 1:18

Alja ganya edyok albeyok ganya doboka, alja dib nong ulumla yub edya nuk alja mabo dangiyisuk. Ban unusuknya nera, anadya nidyaʾ yokaʾ-yokaʾ uyimokaʾ ara mek so bok, nuk perob ekla oulyanga dobnokaʾ aboka unusuk.

YAKOBUS 3:16

Solom ganya boboka hmabaʾ ganya uboka, nanokok pewonulul senen ulumak ak sam ara, onoʾ yok-yok malya unaʾ mandebnaʾ ab, nauba malya neneldanaʾ ab ulumla.

YAKOBUS 5:19

Na kabo nim o! Nimi ben hnon ugun gangganek ara, dib yuba pik loboka yok ok sam balalabok, yoknya bedya benyek Imik Neyung ak gliboka bo yanamla dara,