YAKOBUS 3:10 - PERJANJIAN BARU NALCA YUBA

¹⁰ Neik silyum ak ab, Imik Neyung ak perob aboka gibnaʾ hnon lanalamla dara, onoʾ nunja hemyab ek weme len yuba lanalamla. Kabo nim o, ban ara hyak mem!

YAKOBUS 3:10 ပူးပေါင်းရင်းမြစ်များ

ROMA 12:14

Heknedya anak lobaʾ nenewoka olonggelnya bek ara perobaʾ lelelom, perobaʾ lelemenekanya, saawoka wonaʾ dangoka si leblul anaʾ ara mem!

1 KORINTUS 3:3

Ugunda solom ganya bobdangoka, ugun moumen anaba waldalalum, oldalalum dara, wera anara sokok an malya ganya bololumaʾ adya unululum. Imik Neyung ak elgom ulumak nim enesoʾ ak, ugunda ululum.

1 TIMOTIUS 5:13

Onoʾ hnonda nenyek ok gom, alda hnonda neikaʾ ak uldabnaʾ loboka, nim edya ek sam wele goluga unaʾ anasa, loblom. Hyak nauba omomaʾ loksonya nera, yuba miniwoka bol giriknaʾ hnon, yub era sabnenggom yuba bok, meka lelewoka len yuba hnon, yok nim ek bera unulamla aboka salyaʾ hmouna doboka sal giriknaʾ yuba hnon lelemak. Sikenek nera ugunja unuwanalum anaʾ orok wa bok, sikjok salyaʾ welemak.

YAKOBUS 1:16

Nadya hyak wanaʾ ulusin hemyabo nim o! Ugunuk hyak sondaʾ amba bobnenewoka malya neneweisijik.

YAKOBUS 1:19

Nadya wanaʾ ulusin hemyabo nim o, ugunda banyek hyak pe seiniwolulum! Nimi nidyaʾ ara ken dara, berra kebnemak bok, yuba saboka nim ek yu ganya bosinaʾ ak dara, mandewanamak dara, perob.

YAKOBUS 3:1

Na kabo nim o! Ugunda banyek ella danalum, yok nim era or mek so bok, nunda neksin nang dangalamab nang enyek, eimik era hyak gasaʾ anyek nauba yana lelewanasil bok anasa, nauba neksin nang danamab senenaʾ ara mem.

YAKOBUS 3:11

Neik mek luk ab perob mek eb, sik mek eb goublamla de?

YAKOBUS 3:9

Silyum ara, nunja dara Imik Neyung ak nunja neyung perob aboka giblemab bok, hnonda onoʾ Imik Neyung adya alja nonga sunuwoka uyimok nimi, nunjaʾ hemyab ek weme lelemab.

1 PETRUS 3:9

Ugunda naba malya ubnelaʾ anasa, alba malya ubnun senewoka malya unaʾ moumen dirigeldanaʾ ara mem. Bok saawoka, alda Imik Neyung perobaʾ nenelesilom aboka mololdalalulum. Imik Neyung adya ugunuk yoululum aboka youbsukaʾ ara, anaso perob unaʾ enyek unuwoka onoʾ perobaʾ dobnokaʾ aboka ubsuk.