YAKOBUS 2:5 - PERJANJIAN BARU NALCA YUBA

⁵ Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

YAKOBUS 2:5 ပူးပေါင်းရင်းမြစ်များ

MATIUS 11:5

Henga luma yeilimna nang eillilemak, nonga yana heimna nim eikaʾ yabalamak, nong bokaʾ malya ulusil nimi hwebna dara, bokaʾ dolomak, o ounugamna nim o bakoka kelemak, seleb somogamna nim embengaʾ suboka bulumak, Imik Neyung ak ab perob lero yanggan yub era nimi bonaʾ garan ulumak nim ek lero yabalamlaʾ anyek eiyiboka unulamla aboka nekdo binilum.

MATIUS 25:34

Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

MATIUS 5:3

”Nimi hnon, nara ganya garan denaʾ nim enyaʾ senewoka ulumak nim era, sikda Imik Neyung wenesin heikek ulumnemakaʾ anasa, pe ulumak!

MARKUS 7:14

Dara Yesus ara, nimi nauba longolomekaʾ ak sikenek saaboka lebokaʾ ara, ”Ugunda nidyaʾ ella danamab aboka dara, nak pe keblulum!

LUKAS 12:21

Anasa, Imik Neyung adya perob senelamlaʾ duboka unuwonun senenaʾ loboka, nimi ganya adya ok seiniwoka duboka nanokok bonaʾ dubnya donun senewoka yeirilemak nim era, sikenek anaso unuwanasil,” hyok.

LUKAS 12:32

”Ugun ululum nim era dumunga mekaʾ me bok anasa, ugunda lok ganya bonaʾ ara mem! Imik Neyung ara alja wenelemnesilnya nenyek, ugunjinya danasil.

LUKAS 16:22

”Yok eimik sum enyek, bonaʾ garanya bera somogok dara, lero nang edya bobmekja, imik heikek Abraham bedyaʾ eibukuk sam bo beil byik. Dubnya beneba somogok dara, alda soko lokek.

LUKAS 16:25

”Bok Abraham bedya benyek lebokaʾ ara, najabo banyek seiniwanalam: anda or anam embengaʾ ululum dara, perobaʾ ok doboka boboka delelum, alda Lazarus bek dara malyaʾ ok doboka dereklemok. Amba wenyek dara, Lazarus bera perobaʾ ak bukla bok, anak dara, nauba gweklelam.

LUKAS 22:29

Nadyaʾ neyung bedya nak yok nang ek orugoka wenesin migib eleganyok sok, onoʾ nadya dara, migib era ugunuk elegeisin.

LUKAS 6:20

Dara Yesus ara, alja yuba doro diriga ban nang ek keebdaboka lebokja, ”Ugunda bonaʾ garana ululum nang o, Imik Neyung wenesin heik ulumlaʾ ara, ugunjaʾ ak ulusilaʾ anasa, ugunda pe ululum.

YOHANES 7:48

Nimi hnon Yahudi dub nang ek ab hnon gom, Parisi dub nang ek ab hnon gom, Yesus ak dib senemek de?

RASUL 7:2

Dara, Stefanus bedya sekoka, ”Hem yab o, nadya neyung yab o, ugunda nak kebnenulum. Abraham bera Haran heik biniboka unggulumok salek anam Mesopotamia heik or anam ulumok salek hyak senenggomaʾ imiknya Imik Neyung bera Abraham bek yeiniboka,

ROMA 8:17

Anasa nunda alja mab ulumab dara, wera nunda alja misaʾ don nang ulumab. An wenyhenya nera Imik Neyung adya dobnemak hyokaʾ anyek, nunda Kristus ablaboka imik nenewesinok aboka alja ganya igina berenaʾ anyek dolomnemab dara, numbabya Kristus ablaboka neikaʾ dobnemab.

1 KORINTUS 2:9

Alda saawoka, Imik Neyung yuba momnya dobok sok ara, ”Yokaʾ-yokaʾ nim adya henga eiyiwoka o kenggulumaknya nera, onoʾ nimi ganya adya seininaʾ lanenggulumlaʾ hnon nenyek, Imik Neyung adya, sik alak wanaʾ ulumak nim emba memesuk.”

2 KORINTUS 4:15

Wera ban nidyaʾ unulusilaʾ ara, ugunuk perob dosululaʾ aboka ulusil. Anasa nimi nauba ara, Imik Neyung adya wanaʾ uboka eleksinaʾ eiyiwoka, wera sikja Imik Neyung ak perob aboka giblemnemaakanya, wera anadya Imik Neyung si ara imik beillilemnemak.

2 KORINTUS 6:10

Nunda igin ganya bolomab bok, onoʾ sobaʾ ei-ei ganya bolomab. Nuk bonaʾ garan ulumab bok, nunja yok nim ek ara bonaʾ dub nimi nenelemab. Nuk dara, yokaʾ-yokaʾ garan ulumak senen bok, hyak yokaʾ nauba ulusil nang ek ulumab. Dara ban yokaʾ-yokaʾ nidyaʾ ak, perob wa wen nang beknaʾ dangalasululaʾ aboka laga amalamab.

2 KORINTUS 8:9

Ugunda Yesus Kristus, nunjaʾ Wenelesilnya ululanya bedya wanaʾ uboka eleksinaʾ ara, seleb gobdo ella ululum. Kristus ara ugunsamba bonaʾ garannya danyaʾ adya, ugunuk bonaʾ dub nimi dolulumaʾ aboka, alda dubnya bok bonaʾ garannya dok.

EPESUS 1:18

Ugunja ganya dilinaʾ ubsilyikanya, Imik Neyung adya ugun youbsuk nang ek perobaʾ dobnemunaʾ anyek, pe ella dololumaʾ aboka mololesin. Imik Neyung adya alja munaʾ Imik Neyung mab amba perob eleknaʾ nauba beillilesilaʾ alja si imik nenenaʾ anyek ella dololumaʾ aboka mololesin.

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.

1 TESALONIKA 2:12

Nunja ugunuk pe unuwolulumaʾ aboka wenewoka, ugunda Imik Neyung ak anyek pe ganya hekel eleklelulumaʾ aboka, dukaʾ lolom-lolom alasub dara, hnonda wenewoka unuwanalum alamouba. Anasa ban leboka Imik Neyung ara alja perob heikek wekoka, alja unulamla ununaʾ era, ugumba unuwolulumaʾ aboka youbsuk.

2 TESALONIKA 1:5

Ban nong adya, anyaganyeb danyek, Imik Neyung ara alda hekaʾ huboka yana lelewoka beknaʾ dangalamla ara laga danamlaʾ ara, Ugunda Imik Neyung wenesin heik amba leboka nauba igina kweboka gweklelumaʾ anasa, wera ugunda aldib Imik Neyung wenesin heikek weknelum nimi beknaʾ laga ulumla.

1 TIMOTIUS 6:18

Sik dub nim ek, anja dara, perob unaʾ anyek yok nim ek unub elegoka, perobnya nenyek ok nauba unubmoruwoka, ganya lowelelek aboka, heknaʾ hwam ok uboka, yok nim ek eleklesinya ganya bolonokaʾ aboka, wenewoka lelelom.

2 TIMOTIUS 4:18

Nera aldib Wenelesilnya bedya nak malya ublul senewoka sunulunelaʾ ak ab blebelmorulumnenel. Alda nak doboka alja imik heikek pe bo binenel. Alak imik nenewoka sobaʾ pe giblenok. Amin.

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

IBRANI 11:26

Alja ganya seininaʾ era deknaʾ donaʾ anyek mamokaʾ adya, alda Mesir mok soko nidyaʾ perobaʾ digum ak ab dara, Kristus anasa leboka derelesaknya nenyek hyak senenggomaʾ perob bonaʾ senelemok.

YAKOBUS 1:12

Yokaʾ-yokaʾ sunulyamalamla salek enyek, ganya siklewoka ululanya bera pelemlaʾ nong ara an. Anasa wera, ban benera unu sunuwalyebok, alda ganya pe siklewoka ulumlya dara, wera Imik Neyung adya alak wanaʾ ulumeija nim ek embeng unaʾ eleganesin wenyasuknya nera, al hnon eleganamlaʾ anasa, pe ulumla.

YAKOBUS 1:16

Nadya hyak wanaʾ ulusin hemyabo nim o! Ugunuk hyak sondaʾ amba bobnenewoka malya neneweisijik.

YAKOBUS 1:19

Nadya wanaʾ ulusin hemyabo nim o, ugunda banyek hyak pe seiniwolulum! Nimi nidyaʾ ara ken dara, berra kebnemak bok, yuba saboka nim ek yu ganya bosinaʾ ak dara, mandewanamak dara, perob.

YAKOBUS 1:9

Imik Neyung yuba don nimi bok, bonaʾ garana ulumak dara, Imik Neyung adya alak imiknya nenelamla dara, alda bera ei-ei ganya bololul.

1 PETRUS 1:4

Anasa, Imik Neyung adya alja mab emba imik heikek beillilesil bonaʾ era blonaʾ loboka goowoka denghenggunumla, mura bongowanggunumla bonaʾ enyek, nunjaʾ danamla senewoka diri ulumab.

2 PETRUS 1:11

Ban unu ulumunaʾ adya, eimik nunjaʾ Wenelesilnya uboka, nimi blebsinaʾ dubnya Yesus Kristus ululanya bera nuk aljaʾ perob heikek weknemabaʾ amba, or anaʾ gak eleganesil.

WAHYU 2:9

Anak an yokaʾ-yokaʾ okna uboka ulunggelaʾ ara nara seleb ella ulumna. Anda bonaʾ garan ululamaʾ ara naba ella ulumna! (Bok saawoka anda aldib dubnya ululam.) Hnon nim era bisaʾ dubnya Satan alja bisaʾ mabo silibaʾ uboka, Yahudi nimi dibaʾ unaʾ orokjok, nunda Yahudi nim aldalamak nim edya anak an, geklewoka derewoka walasakaʾ ara nara seleb ella ulumna!

WAHYU 21:7

”Nimi malya unaʾ ak ab oblamaganalanya bera, ban lebnaʾ nidyaʾ eleganesinaʾ ara, dobnamla. Nara alja Imik Neyung danamna dara, alda nadya me danamla.

WAHYU 3:18

Anasa nadya dara, anak ara dub dalomaʾ aboka, nadyaʾ senedyaʾ yakaʾ meilik dangman enyek deklomaʾ aboka wenelenggen. Hnonda nong baneng uboka, alya ubgelyek anasa, nadya geisaʾ akleng enyek deklomaʾ aboka wenelenggen. Anya heng ek ngikoka, pe eiblomaʾ aboka heng hwenaʾ meka nak ab deknelam wenyalenggen.”