YAKOBUS 2:21 - PERJANJIAN BARU NALCA YUBA

²¹ Ugunda nunjaʾ neyung Abraham benyek pe kendululum. Alak Imik Neyung adya perobaʾ leboka domokaʾ ara, alja me Isak benyek Imik Neyung amba gibnaʾ oulyang ak uka dalbilimokaʾ amba leboka, alak perobaʾ leboka doro beiyimok.

YAKOBUS 2:21 ပူးပေါင်းရင်းမြစ်များ

MATIUS 12:37

Anasa ugunja yuba sanaʾ enedya, anda pe unulum gom, malya unulum gom ara, laga danamla,” hyok.

MATIUS 3:9

Ugunda Abraham bera nu nang yilaʾ ak anasa, nunda obnesilaʾ ak ab blebdanamab senenggom, mem. Ban girik danyeb danyek, Imik Neyung adya Abraham nimi yilaʾ nenewanamso anyek, ugunda bekoka seiniwanalum!

LUKAS 1:73

Nunjaʾ neyung youmaʾanya Abraham bek, alja perob eleknaʾ nuk eleganesin amokaʾ ara, bekoka unuwal.

LUKAS 16:24

Anasa dubnya bedya lelemokja, neyung Abraham o! Nak angoo yadyek senewanelom e. Lazarus benyek, alja soruk enyek mek ek doronggalyekanya, nadyaʾ silyum ak an dil younululaʾ aboka orugalom. Nara uk lomok an hyak nauba gweklamna bar! alamok.”

LUKAS 16:30

Bok dubnya bedya dara saaboka, neyung Abraham o, nenyek ok dara, seleb gom senewan. Bok somogelenya benyek, sikenek suboka yanamlaʾ nong ak eibnemak dara, wera sikja malya unaʾ ak ab ganya dangawoka yuba dib senewanamak, aro lebok.

YOHANES 8:39

Dara, Yahudi nang lebekja, ”Nunda neyung be yokaʾ ara Abraham ulumla,” hyek. Dara, onoʾ Yesus adya sikenek lebsukja, ”Ugunda Abraham nang yilaʾ dib ulusom dara, alja pe unulumokaʾ anyek unulumnosomaʾ.

YOHANES 8:53

Nunjaʾ neyung Abraham beb, nidyaʾ ununumnaʾ lelemek nang era nidyaʾ seleb somogomek bok lelelamaʾ anasa, anda heknya do? Anda hyak senenggomnya bek ululam, Abraham bera meknya bek, anasa lelelam de?” hyek.

RASUL 7:2

Dara, Stefanus bedya sekoka, ”Hem yab o, nadya neyung yab o, ugunda nak kebnenulum. Abraham bera Haran heik biniboka unggulumok salek anam Mesopotamia heik or anam ulumok salek hyak senenggomaʾ imiknya Imik Neyung bera Abraham bek yeiniboka,

ROMA 3:20

Anasa wera, Yahudi nim emba unuwanalum an yub pik ab uboka, nimi nidyaʾ ara, Imik Neyung saramek ara, nimi hnonok sibin anaba, perobaʾ nenenaʾ orok. Oruksin yub era, malya unaʾ ak pe ella nonga danok aboka ok ulumla.

ROMA 4:1

Wera anasa, nunjaʾ neyung yabo sikjaʾ neyung Abraham be hyak youmaʾ ulumoknya bemba dara, hek henemab do?

ROMA 4:12

Anya, hnonda nimi bolaʾ gararob nang, nunjaʾ neyung youmaʾanya Abraham, alda anam bolaʾ garawanggom danyek mouruwoka, alja dib senemok ganya soʾ enyek, dililda doboka dib senelemak nang emba hnon, sikjaʾ neyung be dok.

ROMA 4:16

Wera anasa, unuwanesin aboka lebokaʾ damok ara, ban ganya aldib senenaʾ anyek sunuwoka unuwok. Anedya, ban unuwok ganya era, wanaʾ uboka eleksinaʾ anyek laga dangalalul aboka ubok. Anedya ban Imik Neyung adya unuwanalum an yub era, sik Yahudi nim ok gom, alda sik nim Abraham bedya dib senemok ganya enyek sunuwoka unulumak nang anaba, sikda nidyaʾ ara, unuwanesin aboka lebokaʾ dobnok aboka unuwok. Wera, anera Abraham bera nunda nidyaʾ hiboka amba, nunjaʾ neyung be ulusil.

IBRANI 11:17

Dara Abraham bera alda ganya dib senenaʾ adya, alak sunubyamawok dara, Ishak bek giboka beibuk. Wera alja ban unuwanasin an yuba domoknya bedya, alja me yando me nera or oboka gibnun senemok.

YAKOBUS 2:18

Ugunja hnon lebnesomja, ”Nimi hnonda yuba dib senenaʾ ak sam ganya diboka ulumak dara, nimi hnonda pe ununaʾ ak sam ganya diboka ulumak.” Nadya ugunuk lebnesinaʾ ara, ”Nimi hnon pe ununaʾ orokjok, yuba dib senelemakaʾ anyek, nak an aawonululum, dara onoʾ nadya nong unaʾ edya ugunuk yuba dib senelamnaʾ ara aawanasin,” henemso.

YAKOBUS 2:24

Banyeganyeb danyek, wera nunda ella dab, Imik Neyung adya nim ek perobaʾ leboka doro dilillesilaʾ ara, yuba dib senewoka ganya oloknaʾ adya ok gom, alda yuba dib senewoka pe ununaʾ nong adya hnon perob senelesil.