YAKOBUS 1:6 - PERJANJIAN BARU NALCA YUBA

⁶ Bok ban geremseng unaʾ eleganenelem aboka molowalenya bera, eleganenel gom orok gom senewoka ganya el meneknaʾ ara mem, alda eleganenelaʾ ak molowan senewoka dib senewolul. Nera ganya el meneknaʾ ara, senenggomaʾ longomna mek gwan ek, kaboʾ adya loksom-loksom alamla sokaʾ ak uboka, ganya enaʾ ara mem.

YAKOBUS 1:6 ပူးပေါင်းရင်းမြစ်များ

MATIUS 14:28

Dara onoʾ Petrus bedya Yesus ak, ”Wei, anda aldib Yesus ak yalamen dara, nababya anak an mek eilib pik yan ingibgiga younunaʾ aboka, or oruganelom,” hyok.

RASUL 10:20

Wera anasa, wei berra aboka yinggilom. Nadya sikenek el bululum aboka orugeisin anasa, anda ganya ebgelyek, or neikik bululum,” hyok.

EPESUS 4:14

Anasa, mek mab edya ganya windong-wandong alamak sok, nunda yok-yok damoka neksin yub edya giliwoka bol goknenggulumnesil. Hnon nang era meknewoka bobnenewoka leboka, henga weboka youlosak bok, sikja yuba keboka ununggulumnemab.

1 TIMOTIUS 2:8

Anasa wenera, or yokok-yokok sam anaba nengmab ara, sembejaʾ manaʾ orok soruka yangawoka molowanokaʾ aboka, banara lebsin. Dara, yok nim ek gorogoka yu ganya bonaʾ waldanaʾ ara loboka, mololonokaʾ aboka lebsin.

IBRANI 10:23

Imik Neyung ara aldib alda bojamnya ulumlakanya, alja perobaʾ eleganesin hyokaʾ ara aldib eleganesilaʾ anasa, nunja aldib perobaʾ dobnemab aboka dib senen ganya boboka, nebom alamabaʾ ara gasa salalmoublenob.

IBRANI 11:6

Bok nim ara ganya dib senenaʾ orok dara, Imik Neyung ara perob senenggulusil. Wera anasa, heknedya Imik Neyung ak yanalanya bera, alda Imik Neyung ara aldib ulumla senewoka ulumlyekanya, alda nim Imik Neyung alak elemak nim era deknaʾ eleklesil senelelul.

IBRANI 13:9

Wera ugunda yok beiyik sam ab neknaʾ edya ganya bob neneweisilyek mem. Dara perobnya nera ban, ugunja ganya era wanaʾ uboka eleksinaʾ edya migibaʾ geblesilaʾ anyek hnonok. Alda ban yok-yok denaʾ edya sik ban denaʾ enesa lelemlaʾ sunuwoka gigiwoka delemak nim ek perobaʾ nenenggulusilaʾ anegom.

YAKOBUS 1:7

Ban unu ganya eb menegoka unululanya bera, alda ganya pe siklewoka namenaʾ ak unggulumla, alja unulamlaʾ nidyaʾ ara banyek pe unuwanamna senewoka orowek pe gegenggulumla. Anasa wera, ban anaso unululanya bera, alda Wenelesilnya bek ab yokaʾ perobaʾ dobnamna senewoka ganya wenaʾ ara mem.

YAKOBUS 5:15

Sikja molowanamakaʾ ara, hyak ganya dib senewoka molowanamak dara, wera Wenelesilnya bedya neiklelenya bera meriyiwoka, alja malya umlyaʾ ara meewanamla.

2 PETRUS 2:17

Ban malya uboka, yuba bobnenewoka neklesak nang era, dalalamla mek lu nenesoʾ ak uboka, debaʾ ak kaboʾ adya doluwoka bolgoklamlaʾ anaso nang ek ulumak. Ban unu malya ulumakaʾ amba dara, siksamba Imik Neyung adya hyak gunaʾ nong oulyang ak seleb meewoka beibsuk.