YAKOBUS 1:25 - PERJANJIAN BARU NALCA YUBA

²⁵ Bok, Imik Neyung adya unuwanalum an yub era, nimi blebsinaʾ migib damok ara an ulumla. Anasa nimi nidyaʾ yuba keb loboka hibigal henggonggom pe doboka einiwoka pe keeboka unulumak nim era, alja yok-yok wa welemlyaʾ ara, Imik Neyung adya alak aralamnamla.

YAKOBUS 1:25 ပူးပေါင်းရင်းမြစ်များ

LUKAS 11:28

Bok Yesus adya dara, ”Nauba so ara, nim Imik Neyung yuba keboka pe unulumak nim enyek, hyak nauba pe ulumak!” hyok.

YOHANES 13:17

Ban ella domunukanya, wera unulumnalum dara, pe ulumnalum.

YOHANES 8:36

Anasa wera, Imik Neyung me adya ugunuk bleboka sekiyiwesilya dara, wera danyek ugunda aldib seleb blebiyiwosuk nimi dangoka ulumnalum,” hyok.

RASUL 13:43

Wera nimi nidyaʾ Yahudi nim edya yuba don ek longomek nang era gobek dara, Barnabas beb, Paulus beb barek pik, Yahudi nang eb, Yahudi nanga yokaʾ gom bok Yahudi Imik Neyung yuba dolomek nang eb dara, sikenek dobgiga bilisik. Dara, Barnabas Paulus adya ugunda hyak Imik Neyung adya wanaʾ uboka eleksinaʾ lomok sam pe ulmorulumnalum aboka, wenyaboka wenewoka lesirik.

RASUL 2:42

Dara, hyak pe yeng uboka, nimi nauba yuba lenaʾ gak nang ek ab, yuba nauba doboka, yokaʾ-yokaʾ ara neikaʾ unuwoka, anya neikik deregoka, neikik molowoka ulumek.

RASUL 26:22

Bok Imik Neyung adya nak sobaʾ arawoka, wera nara sumen anyagan mek nang ek hnon, hnonda nauba nang ek hnon, ugun gangganek an sekoka, wera laga lel yibin an. Nadya nidyaʾ wenyaboka lelesinya nenera, yoknya nek lenggulusin. Alda ununumnaʾ len nang edya, hnon Musa bedya unuwanamla ak alameknya nenyek gigimoknya nek ok lelemna.

ROMA 11:22

Wera anasa, ugunda ban Imik Neyung alja pe yongon ganya eb, alja ganya gasa geboka unuwokaʾ ara, sik seleb malyinggek nang ek ara gasa so unubok, bok sikja ugunda ganya pe yongon uboka elegousukaʾ anyek pe seinilimnelum. Anera banaso, ugunda alja pe ganya yongonaʾ ak ubmoubnelum dara, anera ugunuk ulumnesil, bok orok dara, ugumbabya soruka diboka boboganasil.

ROMA 2:13

Dara, ban unuwanalum an yub ek kenaʾ ok kelemak nang era, Imik Neyung ganya adya dara, pemnaʾ gebnenggunesil bok, alda ban Yahudi nim emba oruksin yub anyek, an wenyalamlaʾ sunuwoka unulumak nang enyek, eimik era pemnaʾ gebnesil.

ROMA 7:12

Anasa Yahudi nim emba unuwanalum an yub ek dara, geisaʾ ak ulumla. Anya, ban wenesin yub enebabya, geisaʾ ab, dib nong ab, perobaʾ ab, ulumla.

ROMA 8:15

Anasa ugunda wa orugoka anyek welemnelam henemlaʾ anyaʾ senewoka loka dabsin ganya enyek dobnenggublum, bok ugunda ugunuk Imik Neyung me nenesin ganya enyek seleb doblum. Dara ban ganya pik uboka nunda, ”Ai, na Neyung o, ai, na Neyung o!” wenyaro mololomab.

ROMA 8:2

Dara Kristus Yesus pik uboka, unuwanalum an yub edya embengaʾ unaʾ eleklesil Geisinya damok migib adya, ugunda malya unaʾ damok ab, somoknaʾ damok ab, seleb lob lobsuk.

1 KORINTUS 15:58

Hemyabo nadya wanaʾ ulusin nim o, anasa wera, ugunda ganya kaboka migibaʾ anyek ulululum. Ugunja Wenelesilnya bemba nidyaʾ welelum wa nera, salyaʾ lelem danggunusil anasa, ugunda Wenelesilnya bemba yeiriwoka welelulum.

2 KORINTUS 13:5

Ugunda Kristus ak ganya ologoka dib senelum gom aboka, ugunda hnonok-hnonok sunuldalalulum. Ugunda dib senelemun bok dara, Kristus Yesus ara ugunja ganya lomok ulusilaʾ ara, ugunda elgom de? Unggulusilya dara, sununaʾ ak sokol lololum.

GALATIA 2:4

Hnon nang edya dara, or unuwanamla aboka lelemek bok, unuwolul aboka yo henggumek. Wera an wenyalamek nang era, yuba dib doboka ununaʾ orokjok, nunjaʾ Kristus Yesus ak dib senemoubaʾ adya, gobdo ganya doboka unaʾ ak gelelenga kemero yeilimek. Sikja dara, nu yuba dobnenggoma wenyek unulumoubaʾ anyek, neik so unulunokaʾ aboka pik nekoka igina kweiyiwanobaʾ aboka yeilimek.

GALATIA 5:1

Nuk ara seleb lobsuk nang geknebaʾ ulunokaʾ aboka, Kristus adya dara, unuwanalum an yub ek ab, seleb gobdo lobsuk. Ugunda oruknaʾ wa wen nang saawoka domunuk aboka, pe keeboka seklelulum.

GALATIA 6:2

Ugun moumen yok nim edya igin ulumlaʾ anyek, arawoka bobdangoka unulululum. Dara, Kristus adya unuwanalum an yuba pe unululumaʾ beknaʾ dangalamlaʾ ara an.

KOLOSE 1:23

Ugunda ugunja ganya dib senelumaʾ lomok sobaʾ ubmouboka, wirring-warreng anaʾ loboka, mel-mela sekoka, anya perob lero yanggan yuba kelum adya ganya wenaʾ ak ab goknenggunusak dara, al saramek anaso beibnesil. Ban blebsin yub ulumlaʾ ara, im damumduk yangawokaʾ nidyaʾ ak seleb wenyaro yabalamak. Anya, na ban Paulus bera, an yuba wa wenya seleb dasa.

1 TIMOTIUS 2:15

Ban unuwokaʾ anaba, gelewa ak dara, Imik Neyung bek dib senewoka, wanaʾ uboka, pe geisa uboka, pe ulumnemak dara, memabo hnon beillilimnamak bok adya danyek sikenek bleblemnesil.

1 TIMOTIUS 4:16

Anja unulumenaʾ hnon, anja neklesimenaʾ hnon ara, an moumen anaba pe keebmoubdangoka unulumnelam. Ban nenyek pe unulmorulemen dara, an dam nang hnon, anja yuba kelenjak nimi hnon, nidyaʾ blebnesil.

IBRANI 12:15

Dara nimi nauba malya nenewoka, sembejaʾ gebnesilya damok yu nongaʾ sikaʾ anyek lanawalyek aboka, ugunda nimi be hnon Imik Neyung bedya perob eleksinaʾ ak ab mok gebdalyek aboka pe diri ulululum.

YAKOBUS 2:12

Imik Neyung adya eimik nimi bleblesilaʾ sunuwoka yana lelewanasil nimi geknebaʾ uboka, ugunda unuwanalum an yuba saboka yokaʾ-yokaʾ unululum e.

1 PETRUS 2:16

Ugun nong ara seleb numba yok sekuba nimi geknewaʾ anaso ulululum, bok ugun sekiyiwosukaʾ ak dara, malya unaʾ lomok hnon siklewoka unaʾ ara loboka, Imik Neyung adya wa wen nang beknaʾ ulululum.

1 YOHANES 2:24

Anasa wera, ugunda anam yuba dib seneb einilum sum kelum yub era, ganya lomok beiyiwoka pe keeboka diri ulululum. Yuba nong enyek pe keeboka diri bo ulumnelum dara, wera ugunda sobaʾ Imik Neyung ab, alja me neb neikaʾ kwebdangoka ulumnelum.

WAHYU 14:13

Wera an seleb dara, imik heik ab hnon lebokaʾ ak kebsenya nera, ”Banyek nidyaʾ momnya dobnelam: Wenyok ab mouruwoka, sik Wenelesilnya lomok uboka somoganamak nim era, pe ulumnamak!” aboka lebok. Dara, Imik Neyung Geisinya ara, ”Aldib!” hyok. Hnonda, ”Sikja igina berewoka welemeknya nera, jakmanaʾ danamlakanya, sikja welemekaʾ amba dara, deknaʾ dobnemak,” wenyaboka lebok.

WAHYU 22:14

”Nimi nidyaʾ sikjaʾ ongon aklenga mek elekdob nim era, pe ulumak. Anasa, sikda embengaʾ un gal doka denaʾ hnon dobnemaakanya, perob pik uboka heik enyek an weknemak.