YAKOBUS 1:19 - PERJANJIAN BARU NALCA YUBA

¹⁹ Nadya wanaʾ ulusin hemyabo nim o, ugunda banyek hyak pe seiniwolulum! Nimi nidyaʾ ara ken dara, berra kebnemak bok, yuba saboka nim ek yu ganya bosinaʾ ak dara, mandewanamak dara, perob.

YAKOBUS 1:19 ပူးပေါင်းရင်းမြစ်များ

MATIUS 5:22

Bok wenyek dara, nara ugunuk ban lebnesin, Heknedya yok nim ek wabnesilnya bera, albabya yana lelewanamak; anya heknedya yok nim ek derewoka walamla dara, yana lelesinaʾ Yahudi dub nang edya yana lelewanamak. Heknedya yok nim ek leleladya, Malya unaʾ hwamnya, alamla dara, uka desin heikek doro bobogeisijek.

MARKUS 12:37

”Dara, Daud beneba alak wenenanya hyok bok anasa, Daud bedya me heneseng dara, harso danamso do?” hyok. Dara nimi nauba longomekaʾ ara, Yesus adya neklesukaʾ anyek, ganya goluwoka kelemek.

MARKUS 2:2

Anasa nimi nauba gong-gong longol yeilimek dara, esindamak abaʾ ara, nim ok deknewoka hnon gloʾ orok. Dara, Yesus ara Imik Neyung yuba sikinek leb elegosuk.

LUKAS 15:1

Yok sum enyek, rupiah molowoka dolosik nang eb, heik yokaʾ nang edya dara, malya nang senelesik nang eb dara, Yesus yuba lelesukaʾ ak sam dol yeilimek.

LUKAS 19:48

Bok obnemab senen pik era eibnenggumek. Nimi nidyaʾ ara Yesus adya lelemok yub enyek, perob senewoka ganya goluwoka, alja yub enyek pe kelemekaʾ anasa, pika eibnenggumek.

RASUL 1:15

Dara onoʾ yok sum enyek, yuba dolomek nim era, hiboka denga dombadya ebdobnya lindigin badya (seratus dua puluh orang) longomek dara, Petrus bedya yuba lebnun aboka sekoka yuba lemokja,

RASUL 10:33

Wenyaboka oruganyok anasa, wera neyung anak e yagenok aboka nim orugesisa. Wera anda ganya perobnya bek adya wera seleb nak yalam. Anasa wera, nunda nidyaʾ anyagan nadya ek longomab ara Imik Neyung saramek uboka neyung Wenelesilnya adya nuk lebsilom aboka orugagelyaʾ anyek, nuk lebsimen enyek kebnob aboka longomab,” hyok.

RASUL 13:48

Yahudi gom nim era, Paulus bedya ban wenyaboka lelemok anyek kemek dara, eiya uboka, Imik Neyung yub ak gigiwoka eiya hlalamek. Wera onoʾ, Imik Neyung adya embengaʾ unaʾ dobnemak senewoka orowek seiniwoka gegemok nimi nidyaʾ era, Imik Neyung yub ak dib senewoka domek.

RASUL 17:11

Dara, Berea heikek nim era, ganya hegom aboka perob so ulumek bok, Tesalonika nim ek dara, gasa ganya bolomek. Wera onoʾ, sikda Berea nim era, Paulus bedya Imik Neyung yuba lelemok dara, sikda ganya eleleng aboka pe dolomeekanya, onoʾ Paulus bedya Yesus yuba lelesil ara, aldib gom aboka dara, Imik Neyung yuba bukuk sam sobaʾ ella danob aboka eboka einilimek.

RASUL 2:42

Dara, hyak pe yeng uboka, nimi nauba yuba lenaʾ gak nang ek ab, yuba nauba doboka, yokaʾ-yokaʾ ara neikaʾ unuwoka, anya neikik deregoka, neikik molowoka ulumek.

EPESUS 4:26

Ugunda yu ganya bobmun dara, yu ganya enedya, ugunuk malya unaʾ deisilyek anasa, yu ganya bomunaʾ meewanggom bok, henga wekel banaʾ ara mem.

EPESUS 4:31

Malya ganya bobdangoka, nidyaʾ yu ganya ab gogobaʾ ganya boldanaʾ ara mem. Ugunda senenggomaʾ iriri aboka derewoka waldanaʾ ara mem. Benewa malya seneldanaʾ gom, anaso yok malya ganya boldanaʾ era hyak loblulum.

KOLOSE 3:15

Ugunda hnonok nong unaʾ ulunok aboka, seleb youbosuk anasa, Kristus adyaʾ namen uboka neikaʾ hiboka un ganya anyek, ugunja ganya lomok sobaʾ orugoka bo ulusulul. Anya sobaʾ perob aboka giblelulum.

KOLOSE 3:8

Anasa dara, yu ganya, yu sen-sen anaʾ, yok nang ek malya unaʾ, deresinaʾ, sembejaʾ yub ugunja sibamaʾ ak ab lanelelanya, ban nidyaʾ ara, wenyek boboganalum.

1 TESALONIKA 2:13

Ugunja hnonok pe unululumaʾ anyek nunda eiyiwoka Imik Neyung ak sobaʾ giblemab. An wenyhenaʾ ara, nunja ugunuk Imik Neyung yuba leb elegesuba sum enyek, ugunja keboka dolumaʾ ara, nimi sirikaʾ yub anaso ganya boboka dobnenggulum, alda Imik Neyung nong adya yub dib senewoka dolumaʾ nong amba Imik Neyung giblemab. Wera ugun Kristus dolum nimi gangganek an wen welesilnya nera ban Imik Neyung yub enedya welesil.

YAKOBUS 1:16

Nadya hyak wanaʾ ulusin hemyabo nim o! Ugunuk hyak sondaʾ amba bobnenewoka malya neneweisijik.

YAKOBUS 1:2

Hemyabo nim o, ugunuk yokaʾ-yokaʾ damok adya nauba sunulusil dara, ban ara perobaʾ ak ulusil senewoka pe eiya daboka ulululum.

YAKOBUS 1:26

Nimi ben hnon yuba dolomna ak pe unulamna senebdangoka ululabok, alda yuba sibamaʾ silyum pe bo diri uldanaʾ orok dara, alja yuba dib senelamlaʾ ara salyaʾ lelem dangoka, al damnya sondaʾ leldalamla.

YAKOBUS 2:1

Nadya hemyab o! Ugunda senenggomaʾ Wenelesilnya Yesus Kristus bek, dib senelelum nim ululumaʾ anasa, nimi hogung ak keeboka webeldanaʾ ara mem.

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

YAKOBUS 3:10

Neik silyum ak ab, Imik Neyung ak perob aboka gibnaʾ hnon lanalamla dara, onoʾ nunja hemyab ek weme len yuba lanalamla. Kabo nim o, ban ara hyak mem!

YAKOBUS 4:11

Na kabo nim o, ugunda geklewoka waldanaʾ ara hyak mem. Neik yuba dolomak nimi moumen geklewoka wabdangoka, yana lelelanya bera, alda Imik Neyung adya unuwanalum an yub ak geklewoka waboka yana lelelamla. Anya ugunda ban Imik Neyung yub ak yana lelelelum dara, wera ugunda Imik Neyung adya unuwolulum alamla yub ek, ununaʾ loboka, alda yana lelen nimi dangalalum.

YAKOBUS 5:12

Hyak men mem nongaʾ ara, ugunda im ak si sibuka, soko ak si sibuka, yokaʾ-yokaʾ ak si sibuka laga dib unuwanamna aboka mema lenaʾ ara hyak mem. Imik Neyung adya igina yakaʾ boyiwesilyek anasa, ugunja lebnemunaʾ ara dib dara, ”Yo” hululum, sondaʾ danalyebok dara, ”Orok” hululum.

YAKOBUS 5:19

Na kabo nim o! Nimi ben hnon ugun gangganek ara, dib yuba pik loboka yok ok sam balalabok, yoknya bedya benyek Imik Neyung ak gliboka bo yanamla dara,

1 YOHANES 2:21

Anasa wera, nadya ban ugunuk momnya doboka beibsinaʾ ara, ugunuk dib nong yub elgom ululumaʾ amba gom. Alda ugunda seleb ella uboka, onoʾ dib yuba lomok ab ara, sondaʾ damoka mekaʾ hnon lananggulumlaʾ ella ululumaʾ anasa, anara weboka beibsin.