YAKOBUS 1:18 - PERJANJIAN BARU NALCA YUBA

¹⁸ Alja ganya edyok albeyok ganya doboka, alja dib nong ulumla yub edya nuk alja mabo dangiyisuk. Ban unusuknya nera, anadya nidyaʾ yokaʾ-yokaʾ uyimokaʾ ara mek so bok, nuk perob ekla oulyanga dobnokaʾ aboka unusuk.

YAKOBUS 1:18 ပူးပေါင်းရင်းမြစ်များ

YOHANES 1:13

Dara, nimi lunuwoka beillilisakaʾ adya gom, soko nang ganya seininaʾ adya gom, nimi unuwanamna senelamla adya gom, Imik Neyung adya ok Imik Neyung mabo nenesuk.

ROMA 4:17

Nera an momnya dobokaʾ ak ulumla sok, ”Nadya anda an nang yilaʾ yok-yok mok soko ulumeija ara, nunjaʾ neyung alamnenjak.” Wera ban Abraham bera, Imik Neyung ak dib senemok. Dara, Imik Neyung adya ganya era, nuk ara, sikja neyung bera an senelamla. Wera ban Imik Neyung era, somogamna nang embengaʾ nenelesilnya, anya alja yub adyok unggulumlaʾ ara ulumlaʾ nenelelanya.

1 KORINTUS 4:15

Kristus yuba donaʾ nim ululumukanya, ugunuk yuba neksin nang era, denga salyaʾ ulusiseng bok, ugunjaʾ neyung bera gong danggunuseng. Na Paulus ben nong anyek, Kristus Yesus adyaʾ perob lero yanggan yub elegeisisaʾ adya, ugunja neyung be dangoka unya nok ulumna.

2 KORINTUS 6:7

Dib yuba lenaʾ adya hnon, Imik Neyung migib adya hnon, Imik Neyung adya perobaʾ nenenaʾ era, hnonda yin dibaʾ oldan danasa hnon, blebeldan danasa hnon, nunda Imik Neyung adya perob wa wen nang ulumab beknaʾ era amalamab.

EPESUS 1:12

Nunda Kristus ak men dib senewoka, ganya weboka ulumab nim era, Imik Neyung adya hyak senenggomaʾ lok soʾ unuwousuknya nenesa leboka, anya alja gibeldonaʾ danokaʾ aboka weboka dobsuk.

EPESUS 1:13

Imik Neyung adyaʾ perob lero yanggan yub ugunuk blebsululaʾ aboka leb elegeisik yuba kel yabalum sum enyek, ugumbabya Kristus ab neikaʾ kwebdangoka un nimi dangalum. Dara, seleb dib senelum dara, Imik Neyung adya anasa leboka, alja eleganesin amok Geisinya era, alja mabo dangalamak beknaʾ dibaʾ ugunuk seleb elegousuk.

2 TIMOTIUS 2:15

Anak Imik Neyung adya dara, nasamba wa pe welenelnya bera an senelenggululaʾ aboka, hyak pe yeiriwoka welelom. Anja wa welelamaʾ ara, alya ubnelyek senewoka, anya Imik Neyung ak ab neknaʾ yuba pe sunuwoka neklelomaʾ aboka hnon, pe keeboka welelom.

IBRANI 12:23

Anya yuba dorob nang sikja si nera imik heik momnya dobsuk nimi men yando nang ek ab, nimi nidyaʾ pe yana lelesilnya Imik Neyung bek ab, anya hyak pelemek nang edya ganya gong ek ab,

YAKOBUS 1:15

Wera onoʾ malya ubsinya senewoka seinin ganya era seleb gigiwoka unuwan dara, wera malya unaʾ mengelamla, dara onoʾ anyek seleb doka moubna dara, wera eimik dara nimi somoknaʾ bo lanalamla.

YAKOBUS 1:21

Anasa wera, sob sembejaʾanya neb, yu ganya hwamnya neb dara, bobogolulum. Imik Neyung adya alja yub era ugunuk blebsin danasa migib ulumlaʾ anasa, ugunja ganya lomok sam melesilaʾ anyek, ugunja ganya sokok nenebdangoka doblulum.

YAKOBUS 3:14

Bok ugunda hman ganya boboka, ganya oka debdangoka, yok nim era malya so bok nanokok pewonulul senen ganya bolomun dara, wera perob dib unaʾ yub powegoka dangab menegoka, nonggo abdangoka geremseng ulumna senenaʾ ara mem.

1 PETRUS 1:23

Wera embengaʾ uboka, pe migibaʾ ulumla Imik Neyung pik anyeb uboka, ugun nong ak dara, nim adya beillilesak nong unaʾ ek gom, alda imik sam sobaʾ pe ulumla Imik Neyung ek ab wenyok nonga nenewosuk.

1 PETRUS 1:3

Nunda Imik Neyung ak nunjaʾ Wenelesilnya Yesus Kristus alja giblelanya aljaʾ neyung bek gibnemab! Alda nuk angoo yadyek senewoka arasukaʾ sunuwoka, Yesus Kristus somoknaʾ ak ab embengaʾ suboka bukiyiwokaʾ adya, wenyek embeng unaʾ ara nuk elegosuk. Ban adya ganya welmorunaʾ ganya nuk elegosuk.

1 YOHANES 3:9

Seleb Imik Neyung mabo dangamek nim era, Imik Neyung alja unulamla diligaʾ yinaʾ anaso seleb sikenek ulusilaʾ anasa, sobaʾ malya unubmoruwamenggom. Dara onoʾ, sikda Imik Neyung adya mengesuk nim anasa, wera sob-sobaʾ malya unubmoruwamenggom.

WAHYU 14:4

Ban nang era, sikda gelewa ab neikaʾ unggulumek nang. Sikda anam goubunya ulumna gel, nengmab adya hnon anam salawanggumnaʾ gel genesoʾ ak ulumek nang. Anya ban domba me ara, yokok yabalamnaʾ nidyaʾ ara, sikda neikaʾ ok balamek. Hnonda sokok an ulumak nimi nidyaʾ ak ab dara, sikinek hnonok munaʾ dekoka, Imik Neyung bek ab, domba me ak, mennya eleknaʾ dibaʾ gebsuk nang.