YAKOBUS 1:10 - PERJANJIAN BARU NALCA YUBA

¹⁰ Bonaʾ dub nim era holaʾ esaʾ anaso ak haboka denghenemak bok anasa, onoʾ alda bonaʾ dubnya bok yuba dololanya bera, alak Imik Neyung adya sokok nenelamla dara, alda or perob aboka ei-ei ganya bololul.

YAKOBUS 1:10 ပူးပေါင်းရင်းမြစ်များ

MATIUS 5:3

”Nimi hnon, nara ganya garan denaʾ nim enyaʾ senewoka ulumak nim era, sikda Imik Neyung wenesin heikek ulumnemakaʾ anasa, pe ulumak!

MATIUS 6:30

Beiyek sam seklamlaʾ nidyaʾ ara, sumen pe uruganaʾ ara, ampum dan dara, busaʾ dinilimak. Bok anyek babya Imik Neyung adya beiyek seklamlaʾ ak perob hogunga kemenaʾ meewoka beillilamla dara, ugunuk dara, wera ongiyiwanggunusil de? Bok ugunuk dara, dib senenaʾ ara mek ok.

1 KORINTUS 7:31

Sokok an wen ulumlaʾ eillililum ara, mek anam denghenelabok anasa, sokok an yokaʾ-yokaʾ unululumnya nenyek, salyaʾ so boboka lololumnya neneso ulululum.

PILIPI 3:8

Dara ban nenyek ok gom, alda nadya nak malya dananel senelenanya neneba wera seleb unulunel. Wenyek danyek, nara hyak perobaʾ ak dobsa ara, Yesus Kristus, nadya Wenelenelnya bek hnonok dobsa. Nara Kristus amba leboka yokaʾ-yokaʾ nidyaʾ ara dolbalek senewoka seleb gobdo gwirib lobsa. Nara Kristus anyek dib dobnunaʾ aboka, yokaʾ-yokaʾ nidyaʾ ara sembejaʾ nenemsa ok.

1 TIMOTIUS 6:17

Anda sokok sam bonaʾ dub nim ek sobaʾ ulmoubnenggulumla bonaʾ emba leboka dengdang ganya boboka, bonaʾ ak ganya dib beiliwomunuk aboka, wenyaboka neklesilom. Bok saawoka, alda Imik Neyung nuk yokaʾ-yokaʾ nauba gigiwosulul senewoka, eleklesilnya bek ok ganya kweboka welenokaʾ aboka, neklesilom.

YAKOBUS 4:14

Ugunuk an ampum hekaʾ unuwanasilaʾ ara, ugun dam nang anaba elgom ululum! Ugunda hukaʾ ak anam salek ok laga welenaʾ ara, eimik era dengalamla sokaʾ ak ululum.

1 PETRUS 1:24

Imik Neyung yuba bukuk sam ara, ”Nimi nidyaʾ ara holaʾ anasoʾ ak ulumak, nimi nidyaʾ sikja unulumak migib era esaʾ anasoʾ ak ulumla. Holaʾ ara yalalamla, esaʾ halamla bok,

1 YOHANES 2:17

Soko nim eb, yokaʾ-yokaʾ soko dubuk ulumla nidyaʾ ara, nim adya perob senelemakaʾ anyek, seleb dengabgiga balamla. Bok, nim Imik Neyung yuba doboka dib senelemak nim enyek, hnonok or sobaʾ ulmoublemnemak.