YAKOBUS 1:1 - PERJANJIAN BARU NALCA YUBA

¹ Nara Yakobus bedya Imik Neyung ab, Wenelesilnya Yesus Kristus amba arawoka welenanya bedya, obadya nang yilaʾ ak, mok soko me nidyaʾ ob lelewoka ululum nim ek nadya perob aboka gibsin.

YAKOBUS 1:1 ပူးပေါင်းရင်းမြစ်များ

MATIUS 10:3

Dara onoʾ Pilipus beb Bartolomeus beb Tomas beb, mok soko amba rupiah molowoka dolomoknya Matius beb, Alfeus bedya me Yakobus beb, anya hnonda Tadeus.

MATIUS 13:55

”Alda e sonaʾanya bedya me gom de? Aljaʾ genong gera Maria ge uboka, alja weisab era Yakobus, Yusuf, Simon beb, Yudas beb, unggulumak de?

MATIUS 19:28

Wenyek Yesus adya sikenek, ”Ugunda hyak dib senewanalum: Imik Neyung bedya heikek ara, nimi dibaʾ me nera, alak imik nenemlyaʾ adya hyak perob nang ekla bunaʾ ak buknamla. Ban sum enyek, ugunda nadya yubaʾ donaʾ dibaʾ ululum nim era, senenggom obadya nang yilaʾ bun ekla bunaʾ ak sam bukoka, obadya Israeli nang yilaʾ ak yana lelelemnelum.

MARKUS 3:18

hnonda Andreas, hnonda Pilipus, hnonda Bartolomeus, hnonda Matius, hnonda Tomas, hnonda Alfeus bedya me Yakobus, hnonda Tadeus, hnonda Asaʾanya Simon,

LUKAS 22:30

Anedya wera, nara mok soko dubnya danamna sum era, ugunda nablaboka neikaʾ ganya eiya daboka ulumnemab. Anya ugunda obadya senenggom nang ekla bunaʾ ak bukoka, onoʾ obadya nang nimi yilaʾ yana lelemnesulum,” hyok.

LUKAS 6:15

Matius be hnon, Thomas be hnon, Alfeus bedya me Yakobus be hnon, Simon bek bok yok si Patriot alameknya be hnon,

YOHANES 12:26

Heknedya nak aralenelnya bera, or nak diriga yeiniboka, na ulumnyaʾ ak anaba, alba anyagan ulumnamla. Nak arawoka welelanya bera, nadyaʾ neyung bedya gigiwanamla.

YOHANES 7:35

Dara, Yahudi nim sik moumen heibdangoka lelemekja, ”Na binyaʾ ak ara ugunda eiyiboka yanggunusom alasil dara, hekaʾ huboka eibnenggunusibyaʾ anasa lelemla do? Gom, Yahudi nim enyek, Yunani nim eblaboka mok sam soboka ulumak nim ek biniboka, Yunani nim ek neklesununaʾ aboka lelemla gom?

RASUL 1:13

Dara, sikda Yerusalem heik ara sik ulumek ek biniboka, hyak imik somek ek dub nong ok biniboka welewoka ulumek. Dara, ban ulumek nim era, hnonda, Petrus, Yohanes, Yakobus, Andreas, Pilipus, Thomas, Bartolomeus, Matius, Alfeus bedya me Yakobus, Simon Patriot, Yakobus bedya me Yudas beb, ulumek nim era an.

RASUL 12:17

Wera, Petrus bedya ugunda yuba iriri anaʾ ara mem loblulum aboka soruka moub-moub aboka lesuk dara, onoʾ alja sikenek Wenelesilnya Imik Neyung bedya nimi henga gereksin ek ab hekaʾ huboka henga loboka bo gobonel anyek, longomek nang ek nekesuk. Dara, Petrus bedya, ”Ban nak unuwanel anasa, hemyab o, yok nang ek hnon, Yakobus bek hnon, wenyaboka neknelum,” aboka lebsuk. Seleb wenyaboka lebgogobok dara, Petrus bera anyagan ara loboka yokok sam lo bilimok.

RASUL 15:13

Wera Paulus beb, Barnabas beb, seleb lebgogorek dara, Yakobus bedya, ”Wera hemyab o, nak kebnululum.

RASUL 15:21

Hyak youmaʾ enyek moruwoka, Musa bedya Imik Neyung yuba momnya domok anyek, heika nidyaʾ sam nauba einiwoka lelemeekanya, onoʾ wenababya Sabat mem sum nidyaʾ ara Yahudi nim edya yuba don ek sam einilimak anasa,” hyok.

RASUL 15:23

Dara, Antiokhia heikek sam bokol bilimek nang eb neikaʾ momnya donaʾ hnon weboka beiyimekaʾ ara yub era ban: ”Yuba lenaʾ gak nang eb, yuba donaʾ nim bo un nang eb, ugunjaʾ hemyabo nim edya, hemyabo nim ugun Antiokhia sam Siria sam Kilikia sam ululum nim ek perob aboka gibisab.

RASUL 2:5

Ban sum era, Yahudi nimi nauba, nidyaʾ yok-yok mok eb yeilimek nim era, Yerusalem heikek ulumek. Ban nimi dara, sikda Imik Neyung ak lok ganya bomek nim ulumek.

RASUL 21:18

Ampum ara nunda Paulus beblaboka, Yakobus bedya ek eibdangoka ubnobaʾ aboka kemel byuba dara, wera Imik Neyung yuba dam nang era, nidyaʾ Yakobus bedya ek ok gobdo ulumek.

RASUL 23:26

”Neyung hyak senenggom mak soko damnya Feliks o, Klaudius Lisias bedya perob aboka gibgen.

RASUL 26:7

Wera al Imik Neyung adya perobaʾ eleganesin wenyamoknya nenyek dib senelamna amba, Yahudi nang era nak malya nenelenyak.

RASUL 8:1

Saulus bera anyagan ulumok ara, Stefanus bek obek dara, perob senemok. Dara al neik sum enyek, men obadya nang Imik Neyung yuba lenaʾ gak nang enyek orok bok, yok Yerusalem heikek sam ab yuba donaʾ nim ek, doluwoka yaklanawoka doboka olosik dara, doluwoka bokdangoka hnonda Yudea sam hnon, hnonda Samaria sam hnon, doknol balamek.

ROMA 1:1

Paulus bek ab, Kristus Yesus wa wenya, yuba lenaʾ gaknya dalyekanya, perob lero yanggan yuba lero yabalalulaʾ aboka, yalom hyoknya.

GALATIA 1:19

Wera Yerusalem heikek ara, yok-yok yuba lenaʾ gak nang era, hnon mekaʾ eilinaʾ orok bok, alda Wenelesilnya Yesus alja weis Yakobus bek hnonok eibsa.

GALATIA 2:12

Men dara, Petrus bera bolaʾ garanaʾ orok nang eb neikaʾ delemekjok, wera nimi nidyaʾ ara, bolaʾ garalemnesak senelemek nanga Yakobus beb neikaʾ yek dara, nang enyek lok anasa, Petrus bera neikaʾ delemeknya nera globoka, mokso bul byuk.

GALATIA 2:9

Wera Imik Neyung adyaʾ wanaʾ uboka eleksinaʾ enera, nak eleganyokaʾ ak eibek dara, Yakobus beb, Petrus beb, Yohanes beb dadya dara, sikda yuba lenaʾ gak dub nang ulumekaʾ anasa, nab Barnabas beb soruka salawoka gibdanggogowouba dara, wera anara nunda neikaʾ kwebdangoka, ugunda Yahudi gom nim ek welemnerum bok, nuk dara, Yahudi nim ek welemnemab aboka ububa.

PILIPI 1:1

Na kabo nim ugunda nidyaʾ Pilipi heikek ululum munaʾ Imik Neyung mab ek hnon, onoʾ Imik Neyung wa arawoka nimi bo usin nanga hnon, hnonda arawoka wa wen nang ek hnon, momnya doboka beibsin! Nara Paulus beb, Timotius beb, Yesus Kristus amba welenam nang edya dara, Imik Neyung nunjaʾ neyung bedya hnon, Wenelesilnya Yesus Kristus adya wanaʾ uboka eleksinaʾ ab, nimi nonga pe unaʾ ab, eleklesulul senelenam!

2 TIMOTIUS 4:21

Saragenaʾ li yenewanggumlya salek enyek, men bunun senewoka pe duboka nak yanalam. Ebulus beb, Pudes beb, Linus beb, Klaudia geb dadya, anak perob aboka gibjak. Dara onoʾ anyagan yok yuba dolomak nim edyaʾ anaba, hnon anak perob aboka gibjak.

TITUS 1:1

Najabo Titus o! Nara Paulus bedya, Imik Neyung adya wa wenya uboka, onoʾ Yesus Kristus adya yuba lenaʾ gaknya uboka, ban ara anak momnya doboka beibgen. Imik Neyung adya alja weboka dolosil nim enyek, sikja Imik Neyung ak dib senelemakaʾ ara, migib dosululaʾ aboka, nak Imik Neyung adya men weboka doboka bokol yeilinyok. Nunja dolomabaʾ ak sam neklesil yub enyek, sikba ella dangoka pe ulunokaʾ aboka, neksulul senewoka donyok.

1 PETRUS 1:1

Nadyaʾ hemyabo nim o, Imik Neyung adya weboka dobsuk nim, Pontus moka hnon, Galatia moka hnon, Kapadokia moka, Asia uboka Bitinia moka doluwoka obyakasik nim ek, nara Petrus, Yesus Kristus adya yuba lenaʾ gaknya bedya, Imik Neyung adya ugunuk perob eleknaʾ ab, pe unaʾ ab, hyak nauba eleklesulul senelamna.

2 PETRUS 1:1

Yesus Kristus ara nunjaʾ Imik Neyung uboka, blebsinaʾ dubnya ulumlakanya, alda perob nenenaʾ edya dib blebsuk. Dara, nuk dib blebsinaʾ elegosuk sok, ugun hnon ban dib senenaʾ dolum nim ek momnya donaʾ en beibsin. Ban momnya donaʾ enera, Yesus Kristus adya wa arawoka yuba lenaʾ gaknya Simon Petrus bedya ugunsamba beibsin.

YUDAS 1:1

Ban momnya donaʾ era, nara Yudas, Yakobus alja weis edya, Yesus Kristus adya wa wenya uboka, nunjaʾ neyung Imik Neyung adya wanaʾ uboka, Yesus Kristus amba bo uboka youbsuk nim ek beibsin.

WAHYU 7:4

Wera an mem an beknaʾ denesuk nang hiboka, deng ara anasoʾ ak kebsa. Nimi Israeli nang nidyaʾ nimi yilaʾ sunuwoka doboka denesuk nang era, denga salyaʾ anyek hiboka seratus empat puluh empat ribu nim ulumak, an yub ek kebsa.