WAHYU 9:4 - PERJANJIAN BARU NALCA YUBA

⁴ Dara onoʾ kweng gong danyek ara, holaʾ ak denggunulum, gal meklaʾ gom, embengaʾ ulumla digum gom ara, denggunulum. Alda sik asok ak Imik Neyung beknaʾ denesinaʾ orok nim enyek ok, delemnelum aboka orugosuk.

WAHYU 9:4 ပူးပေါင်းရင်းမြစ်များ

MATIUS 24:24

Dara eimik era, sondaʾ nimi blebsinaʾ dub nang eb, sondaʾ ununumnaʾ len nang eb nauba lanawanamak. Sikda nimi nauba malya nenewoka sondaʾ lebnobaʾ aboka, yokaʾ-yokaʾ senenggom beknaʾ eb, hyak lok soʾ ab, hogung ak laga nauba unura yibinemakaʾ adya, Imik Neyung ara hnon or senewanamso dara, nim Imik Neyung mab anaba sikenek dib senewanasiseng.

EPESUS 4:30

Imik Neyung adya blebnesil sum emba, Geisinya bedya seleb ouma debsukaʾ anasa, Imik Neyung Geisinya bek ganya sugul eleknaʾ ara mem.

WAHYU 14:1

Onoʾ nara kemedesa enyek, na saramek sam ara, domba me ara Sion meinik seklemokaʾ ak eibsa. Wera alablaboka dara, alja si ab, alja nei bedya si neb, sik asok ok momnya dorob nang era, seratus empat puluh empat ribu nang ab neikaʾ seklemek.

WAHYU 6:6

Anya nara or yokaʾ adya yub enyek, ban gamyakaʾ dombadyaʾ hnoum anyeb sal yabakdo senewasaʾ ara lel yabokja, ”Perob gandum enyek igina hnonok dara, liga hnonok wa webnaʾ amba eleklesak sok, deknaʾ adya dekoka dobnemak, dara yok gandum era, igina winilya amba anaba al neikik, lika hnonok weboka donya nedya dekoka dobnemak. Bok pam mek ab, anggur mek ab dara, sekoka bolokdo yabanaʾ ara mem,” wenyalamekaʾ ak kebdongowasa.

WAHYU 7:1

Nen seleb dara, dombadya lero nang era, soko gokgoba dombadya sek ligiwoka, kaboʾ ara beiyik sam ab hnon, mek gwanek sam ab hnon, onoʾ gal donggalek sam ab hnon, dorogalyek aboka, sala seklemekaʾ ak eibsa.

WAHYU 8:7

Dara men lero era, poo anaʾ benggong lel yabok enyek, saragenaʾ mok eb uk ab eneng ab neikaʾ hiboka sokok sam nakok enyek, mok soko ara, yok-yok naubaʾ anyek winilya geboka, gal donggala anaba winilya geboka, hnon darasam ab, holaʾ nidyaʾ ab dara, uka momnyanga woluwoka jok.