WAHYU 9:20 - PERJANJIAN BARU NALCA YUBA

²⁰ Anyek bok, an unuwoka osinaʾ orok nim era, sikja malya unulumekaʾ ak ab ganya dangawanggumek. Hnonda, dangman adya hnon, mal gablenaʾ dabom girik adya hnon, gal adya hnon, yokaʾ-yokaʾ adya hnon, memelemek sununaʾ ek, heng eilinggulumlaʾ, o kenggulumlaʾ, yana yabanggulumlaʾ anyek, gibelmorulumek.

WAHYU 9:20 ပူးပေါင်းရင်းမြစ်များ

MATIUS 21:32

Dara, Yohanes bera Wenelesilnya bedya unu ulunok senelelanya nenyek nekel yousuk bok, alja neklesuk yub era ugunda dib senewanggulum. Bok mok soko amba rupiah molowoka dolomak nang eb, salyaʾ malya ura yabalamak gelewa eb danyek, sikenek dib senemek. Wera ugunja dara, sikda dib senemekaʾ ara hnon seleb henga eiyilum bok anaba, ugunda eib kwebnenggulumukanya, Imik Neyung ak dib senewanggulum,” hyok.

RASUL 17:29

”Wei, wera nunda Imik Neyung bedya mabo yokaʾ nong ulumab dara, nunda Imik Neyung ak, emas girik anaso gom, perak girik nenenaʾ gom, onoʾ nimi ganya geremseng adya sunuwoka unulumaknya nek, nera Imik Neyung yokaʾ nong ara an senenaʾ ara mem.

RASUL 19:26

”Wera ugunja heng yokaʾ edya eiyiwoka, onoʾ okoka kelelum dara, Paulus benyaʾ alamaknya bedya unulamla ara ugunda ella. Paulus bedya lelemla ara, nunja memelemabaʾ nimi perob senelemakaʾ anyek dara, nim adya ok ganya doboka sunuwoka memelemaknya nera, neyung aboka gibnesengnya dibaʾ gomaʾ alasil. Anasa alja dara, wera alja lelemla yub adya nera Epesus heikek ok gom, alda Asia mok soko nidyaʾ anaba, nimi gong ganya gliboka bo balasil ara ugunda eiyilum.

RASUL 7:41

Dara ban salek enyek, Israeli nang era, sapi pam ak sunuwoka, nunja neyung ara al anye aboka, pama oboka masa ab giboka deregoka, sikja soruk adya meemek sununaʾ amba hnon beiyiwoka, giboka, bera seboka eiya hlaboka giblemek.

2 KORINTUS 12:21

Nara ugunuk an kemel yeisinya sum era, Imik Neyung adya ugun gangganek sokok nenewanelyek aboka, lok ganya bolomnaʾ ara, hnonda ugun gangganek youmaʾ unulum malya unaʾ enyek, gela salawoka, heng kemenaʾ malya dangalamla malya unaʾ unuwoka, meilinya unulumnya nenyek, eibkweboka ganya dangawanggumunaʾ anyek eiyiwoka, igin ganya bobnyek aboka, lok ganya bolomna.

1 TIMOTIUS 4:1

Wera, Geisinya adya nuk laga poboka neklesilaʾ ara, dakalongnaʾ berem salek era, hnon nim era yuba dib senelemakaʾ ara goob loboka, sikda sondaʾ amba bobnenewoka lelesak yub ek hnon, bisaʾ adya ban nenyek unuwolulumaʾ aboka neklesil yub enyek, kebnemak.

WAHYU 15:1

Wera onoʾ hnon imik sam ara, yokaʾ hyak omomaʾ yok so anyek, lanawokaʾ ak eibsa. An eibsaʾ ara lero sekbadya nang, malya damok ok sekbadya, sidyaʾ obnesilaʾ anyek, yok-yok bomek. Anya Imik Neyung adya yu sen-sen anaʾ hyak dengaboka obnesilaʾ ara wera an.

WAHYU 16:8

Wera nen seleb dara, onoʾ dom lero era, ban alja bomoknya nera, heng ak yamaro bobogok enyek, heng ara poba migib nong adya, nim ara uka singiro balamok.

WAHYU 9:19

Wera abaksin pam migib era, sibamaʾ ak hnon, amo ak hnon, ulumok. Dara, abaksin pam amo ara, bagaʾ anaso uboka, huka yakaʾ adya, wera anedya nim unuruwaʾ ara olosik.

WAHYU 9:21

Anya sikda nim onaʾ ak ab, nimi guma gukoka gera dosinaʾ ak ab, gela salanaʾ ak ab, hoka donaʾ ak ab, ganya dangawanggumek.