WAHYU 9:15 - PERJANJIAN BARU NALCA YUBA

¹⁵ Dara an dombadya lero nang era, ban jam ab, lika ab, walaʾ ab, gibnaʾ ab, obsinokaʾ aboka, meebgogosuk lero nang ek wen sokok an nimi nidyaʾ ara, winilya geboka darasam ara, obsinok aboka lobonggosuk.

WAHYU 9:15 ပူးပေါင်းရင်းမြစ်များ

WAHYU 20:7

Wera onoʾ bisaʾ dubnya Satan ara, henga geregoka gasa ek sam beiyimlyaʾ ara, gibnaʾ seribu badya leblyaʾ seleb salek era, henga lob lobnamla.

WAHYU 8:10

Dara winilinya lero era, alja benggonga lel yabok enyek, senenggom guraʾ hnon sokok sam uk wesaʾ anasoʾ anyek yinggyuk enyek, meka nidyaʾ, mek lu ab, naubaʾ anyek winilya geboka, darasam hnonda uka momnyanga wolubok.

WAHYU 8:7

Dara men lero era, poo anaʾ benggong lel yabok enyek, saragenaʾ mok eb uk ab eneng ab neikaʾ hiboka sokok sam nakok enyek, mok soko ara, yok-yok naubaʾ anyek winilya geboka, gal donggala anaba winilya geboka, hnon darasam ab, holaʾ nidyaʾ ab dara, uka momnyanga woluwoka jok.

WAHYU 8:8

Dara onoʾ penenya lero alja benggonga lel yabok enyek, yokaʾ senenggom mok soko mein anaso uka singilimokaʾ ak anyek soboka, senenggom mek gwanek sam bobogok. Dara mek gwana winilya garawoka, darasam hnonda eneng ok dok.

WAHYU 8:9

Wenyek, mek lomok sam ulumlaʾ nidyaʾ ara naubaʾ anyek winilya geboka, darasam hnonda somogok. Anya mek ekla bunaʾ nidyaʾ ara onoʾ winilya geboka, darasam hnonda uka jok.

WAHYU 9:10

Dara, sikja amo era, siribnaʾ si anaso nekesa yarawoka yu nongaʾ ak uboka, sikja nekesa enedya walaʾ lambadya dara, anadya doboka ol nebsin migib ek ulusuk.

WAHYU 9:18

Dara, sibamaʾ ak ab dara, uk ab, solom ab, yok uk bokaʾ ab goblomokaʾ ara, wera ban winilya obsinaʾ damok era, sokok an ulumek nimi winilya geboka darasam ara obsik.

WAHYU 9:5

Wera onoʾ al neik kweng ek ara, nim ak obnenggunulum bok, walaʾ lambadya ok, oka nauba gweklenokaʾ aboka, igina kweiyiwanasulum aboka, hnon orugosuk. Dara, oka delemnesil ara, siribnaʾ adya nimek si sabsin ek oka delesil sok, unu oka delemnesil.