WAHYU 7:3 - PERJANJIAN BARU NALCA YUBA

³ lelemokja, ”Nunjaʾ Imik Neyung bedya wa wen nang ek, mem an beknaʾ enyek asok ak anam denewanggumeibya bok dara, soko ab mek gwan ab gal donggala nidyaʾ, soldel meneknaʾ ara mem!” alamok.

WAHYU 7:3 ပူးပေါင်းရင်းမြစ်များ

MATIUS 24:22

Imik Neyung ara unun salek enyek burumaʾ gebnaʾ orok dara, nimi ben hnon anaba gobdo blebnenggunumso. Bok Imik Neyung ara, alja nim emba leboka unuwanamna senemok salek era mekaʾ burumaʾ gebnamla.”

MATIUS 24:31

Dara nimi dibaʾ me nedya alja lero bedya poo anaʾ benggong yuba edya senenggomaʾ lebnamla dara, nim Imik Neyung mab ulumak nim era, im gokgoba nidyaʾ eboka bob mamaganalum aboka oruganesil,” hyok.

YOHANES 12:26

Heknedya nak aralenelnya bera, or nak diriga yeiniboka, na ulumnyaʾ ak anaba, alba anyagan ulumnamla. Nak arawoka welelanya bera, nadyaʾ neyung bedya gigiwanamla.

YOHANES 3:33

Bok, alja lelemla yuba dib dololanya bedya dara, alda dolomlaʾ adya, Imik Neyung ara alda dib nongnya ulumla aboka laga amalamla,” hyok.

ROMA 6:22

Bok wenera, ugunda malya unaʾ ak ab seleb lob lobsuukanya, ugunda Imik Neyung bedya wa wen nang doulum. Dara, banedya perobaʾ dolumnya nedya pe munaʾ gobdo unaʾ ak bo balasilikanya, hyak sidyaʾ nong ara embengaʾ ulmoubnaʾ dangalamla.

WAHYU 13:16

Dara nimi, meknya naubenya gom, bonaʾ dub nang garen nang gom, wa wennya oruksinya gom nimi nidyaʾ ara, ban gamyakaʾ enedya, yokaʾ anyek, beknaʾ dibaʾ, ugunja soruk gom, asok ok gom, beiblulum aboka orugosuk.

WAHYU 13:17

Anedya nimi hnon, ban yu nongaʾ adya si gom, einin momnya donaʾ an beknaʾ dibaʾ si unggulumlya nim era, yokaʾ-yokaʾ anaba dekoka, onoʾ deknok senewoka beilinaʾ anaba, hyak unuwanggunumak aboka, anera unuwosuk.

WAHYU 14:1

Onoʾ nara kemedesa enyek, na saramek sam ara, domba me ara Sion meinik seklemokaʾ ak eibsa. Wera alablaboka dara, alja si ab, alja nei bedya si neb, sik asok ok momnya dorob nang era, seratus empat puluh empat ribu nang ab neikaʾ seklemek.

WAHYU 14:9

Dara onoʾ winilinya lero hnon, ban men penya lero ek dolgounul yeindeboka lebok ara, ”Yu nongaʾ ab, yokaʾ anyek al nonga sunuwoka mememekaʾ ak, giblemak nim era, alja beknaʾ dibaʾ sikja asok ok gom, sorukuk gom, ulumlya nim era,

WAHYU 19:2

Alja yana lelelesilaʾ ara hyak perob ok beknaʾ sunuwoka pe unulusil! Imik Neyung era, sokok an alak salalemek malya unaʾ edya senenggomaʾ malya nenelesuk gel gek seleb igina elegok. Anya, Imik Neyung mab alsamba welemek obsuk nang era, sikja eneng emba dara, Imik Neyung adya gel genyek an seleb dirigok,” wenyaboka lelemek.

WAHYU 20:4

Dara onoʾ, nara perob ekla bunaʾ mandebnaʾ enyeb, an eilibik bulumek nang eb, hnon eibsa. Wera ban nang danyek, nimi yana lelen migib elegosukaʾ ak hnon eibsa. Dara onoʾ al neikek anera, nimi nidyaʾ Yesus bek laga leboka Imik Neyung yuba lero yabanaʾ amba leboka, ya nganga dakoka osik nang ganya ek hnon, eibsa. Sik an nang era, ban yu nongaʾ nong ak hnon, yokaʾ ak al nong sunuwoka memenaʾ ak anyek, gibnenggulumek nang. Dara ban nang dara, bisaʾ ak giblemak nang era an aboka, beknaʾ dibaʾ asok ak gom, soruk ak gom, an beknaʾ beilinaʾ era, orok nang. Ban nenesa leboka, sikda embengaʾ subeekanya, Kristus ab neikaʾ dub nang dangoka, seribu gibnaʾ ulumlya salek era, nimi nidyaʾ sokok nim ek wenewoka bo ulumekaʾ ak eibsa.

WAHYU 22:4

Dara, alja hogung era eillilemnemaakanya, alja si nera, nang enedya asok ak nidyaʾ momnya domlyaʾ ak ulumnemak.

WAHYU 6:6

Anya nara or yokaʾ adya yub enyek, ban gamyakaʾ dombadyaʾ hnoum anyeb sal yabakdo senewasaʾ ara lel yabokja, ”Perob gandum enyek igina hnonok dara, liga hnonok wa webnaʾ amba eleklesak sok, deknaʾ adya dekoka dobnemak, dara yok gandum era, igina winilya amba anaba al neikik, lika hnonok weboka donya nedya dekoka dobnemak. Bok pam mek ab, anggur mek ab dara, sekoka bolokdo yabanaʾ ara mem,” wenyalamekaʾ ak kebdongowasa.

WAHYU 7:1

Nen seleb dara, dombadya lero nang era, soko gokgoba dombadya sek ligiwoka, kaboʾ ara beiyik sam ab hnon, mek gwanek sam ab hnon, onoʾ gal donggalek sam ab hnon, dorogalyek aboka, sala seklemekaʾ ak eibsa.

WAHYU 7:2

Wera hnon kemelamsa dara, yok lero hnon henga doroklamla sam ak ab lanawokaʾ ak eibsa. Lero era Imik Neyung mem an beknaʾ ak bomookanya, alda dombadya lero, soko ab mek ab soldob meneganalum aboka migibaʾ enyek elegosuk nang ek an hyak senenggomaʾ bii aboka,

WAHYU 9:4

Dara onoʾ kweng gong danyek ara, holaʾ ak denggunulum, gal meklaʾ gom, embengaʾ ulumla digum gom ara, denggunulum. Alda sik asok ak Imik Neyung beknaʾ denesinaʾ orok nim enyek ok, delemnelum aboka orugosuk.