WAHYU 7:15 - PERJANJIAN BARU NALCA YUBA

¹⁵ Wera anedya nang danera, Imik Neyung adya ekla bunaʾ saramek sekoka, inimnek yubyek pik, alja ek sam alsamba welemak. Wera al senenggom ekla bunaʾ ak sam an bululanya bedya, sikenek alja e nera sob goluwanesil.

WAHYU 7:15 ပူးပေါင်းရင်းမြစ်များ

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

1 KORINTUS 3:16

Ugunda Imik Neyung e ulumab senenaʾ ara, ugun dam nang elgom uldalalum de? Imik Neyung Geisinya ara, ugunja ganya lomok ulusil ara, ugunda elgom de?

2 KORINTUS 6:16

Imik Neyung e ab bisaʾ gibnaʾ e neb dara, neikaʾ ara hek soʾ ak ulumnamso do? Ugunda embengaʾ ululanya Imik Neyung bedya e ululum. Imik Neyung adya lebokaʾ ara, ”Nara sik hnoum ulumnesinikanya, sik gangganek yabalamnamna. Nara sikjaʾ Imik Neyung ulumnamna dara, sikda nadya mabo silibaʾ ulumnemak.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

IBRANI 8:1

Anyagan nidyaʾ lelewoka lebab yuba damok ara, nunjaʾ yuba wa gakaʾ dubnya ulusilnya bera, alda Imik Neyung imik senenggomaʾ ululanya alja sirik ek sam bulumla.

WAHYU 11:19

Wenyek Imik Neyung bedya e imik heikek ara, bak lobookanya, alja orowek mem golongaʾ era, seleb laga dookanya, ebnaʾ ab, liming yub gururu anaʾ ab, sogoumaʾ ab, saragenaʾ mok dok ab, anera nauba ul yabok.

WAHYU 13:6

Anya alda, Imik Neyung ab, Imik Neyung si ab danyek derewoka, malyaʾ gebeyiwok. Hnonda, Imik Neyung ulumla ol eb, imik heik ulumeijinya nidyaʾ ara derewoka walamok.

WAHYU 20:10

sikenek nauba sondaʾ leboka malya nenelesuk bisaʾ dubnya Iblis ara, sobaʾ singilamla uk mek gwanek doboka doronggok. Wera anyaganera, men dara, yu nongaʾ ab, sonda leboka bob nenesuknya beb, doronggousuk. Dara sikda anyeganera, inimnek yubyek pik, malya nenewoka nauba sobaʾ gwekelmorulumnemak.

WAHYU 21:22

Dara heik enera, Imik Neyung al nong ab, domba pama me ab danyek, Imik Neyung ek an ulurak adya, yok Imik Neyung e ara, hnon eibnenggubsa.

WAHYU 22:3

Anya, si malya nenewanamsoʾ digumaʾ ara, hyak mekaʾ sibin anaba hnon unggulumnamla. Imik Neyung ab, domba me ab dadya, bun ekla bunaʾ era, heik lom enyek an ulumnamlakanya, Imik Neyung bedya alja mabo era, alak gibdo ulumnemak.

WAHYU 22:5

Anya anyegeinira, gunaʾ ara hyak mekaʾ unaʾ orok uboka, Wenelesilnya Imik Neyung anyek, alak dilinaʾ uboka, sikenek yeblemnesilaʾ adya, sikda uk dilinaʾ yebnaʾ ab, heng dilinaʾ ab dara, lobnemak. Dara, sikda dub nang dangoka mok soko me nidyaʾ wenewoka hyak sobaʾ amba bo ulumnesak.

WAHYU 4:4

Dara, ban ekla bunaʾ en gogob dara-dara ara, yok domdaraʾ badya ekla bunaʾ hnon ulumookanya, wera an ekla bunaʾ eilib era, domdaraʾ badya nang, nonga kaboka wa borob nang era, geisa boksom ongob ligiwoka, sikja hukuk ara, emas huk golunaʾ golumek nang ek, anyekan bulumek.

WAHYU 4:8

Dara, ban dombadya gamyakaʾ nidyaʾ ara, nidyaʾ ola hnabbadya dara-dara ulumok. Bok darasam sikja lomok ak dara, nidyaʾ heng doka yakaʾ ak ulumek. Anya sik ban gamyakaʾ edya dara, inimnek yubyek buluk lobongganggonggom, bera sobaʾ sebelsinilimek. ”Geisa, geisa, geisa! Wenelesilimnya Imik Neyung hyak senenggomnya geisa ok ulumla! Youmaʾ, wen, eimik sobaʾ ulumnalanya benyaʾ, geisa ok ulumla!” wenyalamek.

WAHYU 4:9

Sikda dombadya gamyakaʾ edya lero seblemek ber era, al ekla bunaʾ ak bululanya bek perob aboka si imik nenewoka, gigiwoka, perob aboka giblemek. Dara an giboka seblemek salek era,

WAHYU 7:9

Nen seleb dara, nimi mandebnaʾ hyak einildaknaʾ oknaʾ anyek, senenggom dub ekla bunaʾ ak, domba me adya saramek seklemekaʾ ak eibsa. Dara, seklemek nim era, nidyaʾ yok-yok mok soko ulumak nim ek ab hnon, nidyaʾ yok-yok nimi yilaʾ ulumakaʾ ek ab hnon, nidyaʾ sikja nimigumaʾ yok-yok unulumak nim ek ab hnon, nidyaʾ yok-yok yuba salamak nim ek ab hnon, an nimi gong danyek ulumek. Sikda geisa dolungnaʾ akleng ongowoka, anya yokol meklaʾ sikja soruk ak leb salawoka bo seklemek.