WAHYU 6:9 - PERJANJIAN BARU NALCA YUBA

⁹ Dara domba me ara lamnya beknaʾ denenaʾ bakal yabok dara, nara sik Imik Neyung yub amba hnon, laga pe lenaʾ sikja boboka lelemeknya nenesa leboka, seleb osik nang edya, sikja ganya era, uka daboka gibnaʾ oulyang damumduk sam eibsa.

WAHYU 6:9 ပူးပေါင်းရင်းမြစ်များ

YOHANES 16:2

Ugunuk Imik Neyung ek sam abaʾ ara, yaklemnasak. Dara, onoʾ hnon, sik unulusija nim edya dara, Imik Neyung amba nunda pe giboka unulumab senelemeija salek era, yanamla.

2 KORINTUS 5:8

Wera anasa, nunda ganya migib ulumabakanya, nunda Wenelesilnya ab neikaʾ ulunob senen ganya boboka, wen ulumab nong enera lobsibya senelemab.

PILIPI 1:23

Nara penya nang edya giliwoka gangganaʾ goklenerek. Anasa hyak perob nongnya nera, sokok anara loboka, imik heikek biniboka Kristus ab neikaʾ ulusinim senelamna.

PILIPI 2:17

Nak dara, oboka dibnenyak dara, nadya eneng era ugunja Imik Neyung ak dib senelumaʾ adya, alak giboka perob eleknaʾ elegolumaʾ ak maknamna dara, nenesemba leboka Imik Neyung ak perob aboka giblamnakanya, nab ugunub perob senewanamab.

2 TIMOTIUS 1:8

Ban nenesa leboka, nunja Wenelesilnya bemba alja yuba lero yabanaʾ ak alya bar aboka longgom, mem. Onoʾ nak Kristus amba leboka gasa ek henga gouboka beibnyeknya nenesa, alya bar aboka longgom, mem. Bok alda saawoka, anda Imik Neyung adya eleklenggel migib edya, Imik Neyung adya perob lero yanggan yub emba leboka, amba neikaʾ igina kwelenggel bok yeiriwoka welelom.

2 TIMOTIUS 4:6

Nak anyagan ara, Imik Neyung amba somoganamna salek era, wera seleb oka dal. Maldabnaʾ loboka, mek anam soko enera lo binimna.

IBRANI 12:23

Anya yuba dorob nang sikja si nera imik heik momnya dobsuk nimi men yando nang ek ab, nimi nidyaʾ pe yana lelesilnya Imik Neyung bek ab, anya hyak pelemek nang edya ganya gong ek ab,

WAHYU 1:2

Dara onoʾ aldib Yohanes bedya aljaʾ dib heng yokaʾ adya eibukaʾ nidyaʾ ara, Imik Neyung adya lebok yuba hnon, anya Yesus Kristus amba len yuba hnon, ban bukuk sam laga lelemla.

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.

WAHYU 14:18

Dara onoʾ yok lero hnon, uka bo ulumoknya bera, uka daboka gibnaʾ oulyang ak ab yok. Dara, alda paranga salamok lero ek yuba migibaʾ leboka, alak, ”Anggur dok ara seleb eng olomlaʾ anasa, sokok an anggur era parang adya garawoka, dakdo balalom,” wenyaboka lebok.

WAHYU 16:7

Hnonda uka daboka gibnaʾ oulyang edya lel yabokaʾ ak ab kebsenya nera, ”Imik Neyung, Imik Neyung, anda hyak migib nongnya, anja igina kweldinaʾ boro boublinggalamaʾ ara hyak beknaʾ sunuwoka, perob ok ublam!” wenyal yabok.

WAHYU 19:10

Wenyek, nara al yan berem oumuwoka gibnunaʾ ul yabasa bok, alja dara, ”Anaso ununaʾ ara mem! Nababya anaso uboka, an kabo Yesus ak laga lemok yub ek salawoka ulumak nang eb, neik wa wen nang ulumab. Alda Imik Neyung ok giblelom!” wenyhenyok. Anasa Yesus ak laga lenaʾ ara, ununumnaʾ len ganya era an.

WAHYU 2:13

Nara anda har sam ululamaʾ, nara seleb ella ulumnaʾ ara, anda bisaʾ dubnya Satan bedya dub heikek sam ululam. Anyek bok, anak dara, nadya si nek hyak pe bojam ulunelem. Nadya bojam unenya Antipas be ugunja heikek obek sum eneba, anja dara, nara Yesus ak dib senenggulumna aboka gunuwoka lebnenggublum.”

WAHYU 20:4

Dara onoʾ, nara perob ekla bunaʾ mandebnaʾ enyeb, an eilibik bulumek nang eb, hnon eibsa. Wera ban nang danyek, nimi yana lelen migib elegosukaʾ ak hnon eibsa. Dara onoʾ al neikek anera, nimi nidyaʾ Yesus bek laga leboka Imik Neyung yuba lero yabanaʾ amba leboka, ya nganga dakoka osik nang ganya ek hnon, eibsa. Sik an nang era, ban yu nongaʾ nong ak hnon, yokaʾ ak al nong sunuwoka memenaʾ ak anyek, gibnenggulumek nang. Dara ban nang dara, bisaʾ ak giblemak nang era an aboka, beknaʾ dibaʾ asok ak gom, soruk ak gom, an beknaʾ beilinaʾ era, orok nang. Ban nenesa leboka, sikda embengaʾ subeekanya, Kristus ab neikaʾ dub nang dangoka, seribu gibnaʾ ulumlya salek era, nimi nidyaʾ sokok nim ek wenewoka bo ulumekaʾ ak eibsa.

WAHYU 8:3

Dara onoʾ yok lero ben hnon perob meilik yanggola salamoknya be yeiniboka Imik Neyung amba uka daboka gibnaʾ oulyang ak, sekemok. Dara lero ek ara, perob gen-gen song meklaʾ nauba ara, munaʾ Imik Neyung mab edya mololemak molonaʾ anaba uka daboka gibnaʾ oulyang ak sam uka dablulaʾ aboka elegok.

WAHYU 9:13

Dara hnab lero edya alja benggong lel yabok enyek, Imik Neyung bulumlaʾ ak alsamba meilik uka daboka gibnaʾ oulyanga bonga yakaʾ ulumla hnoum ab, senenggom yuba hnon lanawokaʾ ak kebsa.