WAHYU 6:4 - PERJANJIAN BARU NALCA YUBA

⁴ Anya abaksin pam yoknya hnon, honga goronokaʾ houm-houm alamokaʾ ak yanggok. Dara abagamoknya bera, ganya pe namenaʾ unaʾ anyek, sokok anyeb doblulaʾ aboka, anya sokok dubuk an ulumek nim era obdangdo yabalanok aboka, unun migib enyek alak elegok. Anya alak ara senenggom gab enyek mal dibaʾ elegel yabokaʾ ak eibsa.

WAHYU 6:4 ပူးပေါင်းရင်းမြစ်များ

MATIUS 10:34

”Ugunja dara nak ara, alda nim ek nim nenenaʾ bo yok senenggom, mem. Nara nim ek nang nenenaʾ ak bo yanggubsebok, alda nim isaʾ nang nenenaʾ ak bo yasa.

MATIUS 24:6

Dara ugunda eimik era, senenggom mal yuba hnon, wen mala lanawoka oldalamak an yuba kebnelum bok, ugunda lok ganya bobnenggunulum, mem. Wera yokaʾ-yokaʾ nidyaʾ ara unuru yabalemnelabok, an nidyaʾ sidyaʾ daknamlyaʾ sum era, anam ulumnamla.

YOHANES 19:11

Dara, Yesus adya Pilatus bek, ”Imik Neyung adya unun migibaʾ, neyung anak elekgenaʾ orok dara, wera, neyung anda yokaʾ-yokaʾ salyaʾ ganya doboka unuwanggunusom. Anasa, neyung o, anak gom, alda nak oblulum aboka yuba diyinelnya benyek, alja malya unaʾ era hyak senenggomaʾ ulumla,” hyok.

WAHYU 12:3

Bok onoʾ imik ara, yokso beknaʾ anyek, lanawok. Wera anera, naga bagaʾ gorona senenggomaʾ huka sekbadya uboka, bonga sagobadya umok bagaʾ ek lanewok. Dara, huka yok-yok, dub nang huk goulunaʾ anyek goulumok.

WAHYU 13:10

Nimi hnon doboka doknowanamaknya bera, wera al unuwanamak. Onoʾ nimi hnon mala adya obnamaknya bera, wera mal adya obnemak. Wera an unuru yibinamlaʾ anasa, munaʾ Imik Neyung mab ara, ganya siklebmouboka, ganya gouluwoka bojam un ganya enyek bobnok.

WAHYU 17:3

Dara nara Imik Neyung Geisinya adya gologanyookanya, lero enedya holaʾ seknaʾ orok mok bo binyok. An bo binyok ak ara, gela hnon yokaʾ yu nongaʾ goron houm-houm arobaʾ eilibik bulumokaʾ ak eibsa. Anya ban yokaʾ yu nongaʾ ak anera, Imik Neyung ak geklewoka walamekaʾ si gong-gong momnya enyek domekaʾ anyek ulumok. Wera ban yu nongaʾ ara, huk ara sekbadyakanya, bong ara sagobadya bogomok.

WAHYU 17:6

Dara ban gel gera, munaʾ Imik Neyung mab uboka, Yesus amba laga leboka ulumek nang, sikja eneng enedya, yu meka demna anasoʾ anyek, ganya uu aro bulumokaʾ ak eibsa. An gel gen eibsegab dara, nara omom uboka hyak loka dabnyok.