WAHYU 6:12 - PERJANJIAN BARU NALCA YUBA

¹² Dara ban domba me ara hnabnya bakal yabok salek, nara kemel yabasa enyek, wera, hyak okna senenggom sogoumaʾ enyek dorogookanya, heng ara hyak mirin nong boksum enesoʾ anyek dookanya, walaʾ ara eneng anaso anyek, hyak eneng ok dangdo lobok.

WAHYU 6:12 ပူးပေါင်းရင်းမြစ်များ

MATIUS 11:21

Dara, ”Korazim heik o, anda hyak omom nongaʾ ak ululam! Onoʾ Betsaida heik amba hyak omom nongaʾ ak ululam! Ugun gangganek an unulamna senenggomaʾ lok soʾ ara Tirus mok eb Sidon mok eb seleb unusinya dara, anasa sikda nidyaʾ sikja hukuk sam aso lob golubdangoka, seleb malya unaʾ ak ab loboka ganya dangamnaseng.

MATIUS 24:29

”Dara yokaʾ-yokaʾ nidyaʾ igin kwesinaʾ ara, seleb unubgogowanamla dara, eimik nong ara, Henga ara gunaʾ danamlakanya, walaʾ ara dilinaʾ yebnenggunumla. Guraʾ ara imik ab uboka sokok sam daka yingginimlakanya, imik sam ulumlaʾ migiba yakaʾ nidyaʾ ara dolubdangoka malya nenewanamla.

MATIUS 24:7

Wera yok mok soko nim edya, yok mok soko nim ek mala lanawoka oldalamnemak. Dara yok mok soko dub nang edya yok mok soko dub nang ek doluwoka olomnemak. Anya, yok-yok mok soko era, senenggom gwaneng okaʾ li lanawoka, senenggom sogoumaʾ nauba doroganamla.

MATIUS 27:45

Dara hyak yubyek dukdukanek nong enyek, mok soko nidyaʾ ara iniwoka gunaʾ ok dok.

MATIUS 27:54

Dara yin bonaʾ nang dubnya beb, alja mab eb dara, sogoumaʾ warawokaʾ nidyaʾ unuru yibokaʾ ak eibek dara, hyak loka dabsuk. Anasa yin bonaʾ dubnya bedya, ”Aldib ban benera Imik Neyung bedya me ulumo e!” hyok.

MATIUS 28:2

Dara al wene sab-sab enyek, senenggom sogoumaʾ dorogok. Wera Wenelesilnya bedya lero ben hnon imik heikek abaʾ ara yingginiboka pika seregemek girik era demegoka, alda girik dub eilib enyek an bukumok.

MARKUS 15:33

Dara yubyek dukdukanek jam duabelas soʾ enyek, mok soko nidyaʾ ara inibmorumokaʾ ara, jam tiga anaso sinik dok.

WAHYU 11:13

Wera ban salek nong era, senenggom sogoumaʾ dorogoka, senenggom heik era sagobadya amba anasoʾ bokoka, luk menegookanya, sogoumaʾ enedya dara, tujuh ribu nim obsuk. Dara, oboka bok lobok nim era, hyak loka daboka, Imik Neyung imik heik ululanya bek giblemek.

WAHYU 16:18

An wenhyok sab-sab, liming yub ab, ebnaʾ ab, sougumaʾ ab dara, borom-borom aboka, hyak yok so dok. Anya ban sougumaʾ era, nimi uyiwousuk salek ek abaʾ ara mouruwoka, hnon anaso sougumaʾ era, orokaʾ ak unuwok. Anasa hyak yok soʾ ak unuwok!

WAHYU 16:8

Wera nen seleb dara, onoʾ dom lero era, ban alja bomoknya nera, heng ak yamaro bobogok enyek, heng ara poba migib nong adya, nim ara uka singiro balamok.

WAHYU 8:12

Dara onoʾ dom lero era alja benggonga lel yabok enyek, henga ara darasam soldowookanya, walaʾ ab guraʾ ab dara, joboka, winilyaʾ yok-yok geboka, darasam hnonda gobdo gunaʾ ok dok. Dara, yubyek eb, inimnek eb dara, yok-yok naubaʾ winilya geboka, darasam hnonda gunaʾ ok dangoka ubmoruwok.

WAHYU 8:5

Dara onoʾ lero era meilik yanggol enyek doboka, Imik Neyung amba uka daboka gibnaʾ oulyang ak sam uk ek libookanya, uk era sokok sam nakdo dorogok. Dara, ebnaʾ langom-langom aboka, liming gururu aboka sogoumaʾ dorogok.