WAHYU 5:6 - PERJANJIAN BARU NALCA YUBA

⁶ Wera nara ekla bunaʾ hnoumung ab, ban dombadya gamyakaʾ ab, anya ban nonga kaboka wa borob nang hnoumunga ara, kemel yabasa enyek, domba pam me hnonok, seleb oboka beiyimnaʾ anasoʾ anyek, bonga sekbadyakanya, henga sekbadya ak sekemokaʾ anera, Imik Neyung aljaʾ ganya sekbadya ak mok soko me nidyaʾ ak boksuk ara an.

WAHYU 5:6 ပူးပေါင်းရင်းမြစ်များ

LUKAS 1:69

Alja wa wenya Daud be pik nang yilaʾ ak ab uboka, alda nusamba blebsinaʾ bonga hnon sekiyiwal.

YOHANES 1:29

Ampum ara, Yohanes bedya Yesus ara alak yalamokaʾ eiyimok dara, ”Soko nimi malya unaʾ doboka boboganesilnya Imik Neyung domba pam ara kendululum.

YOHANES 1:36

Dara, Yesus ara ono sam yabalamokaʾ eiyimok dara, alda wenhyok, ”Kendururum, Imik Neyung alja domba pam ara alan,” hyok.

RASUL 8:32

Dara Etiopianya bedya, Imik Neyung yuba einilimokaʾ ara ban: ”Alda domba pam ara pam olomak nang ek bo balamak sok, alak doboka bo bilimek. Dara, domba pama me ak honga garalamna ek yuba sanggulumla sok, albabya si akoka yuba sanaʾ ara orok.

WAHYU 1:4

Nadyaʾ hemyabo nim, sekbadya Asia sokok sam yuba don heikek yuba donaʾ nim ek gibsin! Ugunuk wanaʾ uboka eleksinaʾ ab, namen ganya unaʾ ab dara, al wen ululanya, youmaʾ ulumokaʾ ara, onoʾ eimik sobaʾ ulmorulumnelanya bedyaʾ ara ugunuk elegoka ulusulul, anya aljaʾ saramek sam sekbadya ganya edyaʾ anaba ugunuk elegoka ulusulul.

WAHYU 12:11

Dara nunja hemyab era, domba me eneng adya hnon, dib yub ak hnon, sikja laga lelemeknya nenedya, alak oblamagamek. Sikda sik nong anaba, or somogamnya anaba senewoka seleb unuru yabalamek nang.

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.

WAHYU 14:1

Onoʾ nara kemedesa enyek, na saramek sam ara, domba me ara Sion meinik seklemokaʾ ak eibsa. Wera alablaboka dara, alja si ab, alja nei bedya si neb, sik asok ok momnya dorob nang era, seratus empat puluh empat ribu nang ab neikaʾ seklemek.

WAHYU 17:14

Anya sikda domba me ak mala boboka oldalamnamak. Bok ban domba me ara nidyaʾ wenelesak nang sikja senenggom Wenelesilnya ulumnamlakanya, nidyaʾ dub nang dubnya ulumlaʾ anasa, alab, sikenek weboka doboka alak bojam ulumak nang eb dadya, oblamaganamak,” wenyaboka nekenyok.

WAHYU 21:22

Dara heik enera, Imik Neyung al nong ab, domba pama me ab danyek, Imik Neyung ek an ulurak adya, yok Imik Neyung e ara, hnon eibnenggubsa.

WAHYU 21:23

Dara, domba pama me ara dilinaʾ alan seleb ulumlakanya, Imik Neyung nong anaba heik enyek an dilinaʾ ul eleknanya ulumlaʾ anasa, heik enyek anera, heng gom, walaʾ gom ara, unggulumnamla.

WAHYU 22:1

Wera onoʾ lero enedya nak nim embengaʾ eleklesil mek era, Imik Neyung ab, domba me ab, sikja bunaʾ ekla ek ab, goboka, eleb-alab arobaʾ ak yabalamok mek enyek, nak aawanyok.

WAHYU 22:3

Anya, si malya nenewanamsoʾ digumaʾ ara, hyak mekaʾ sibin anaba hnon unggulumnamla. Imik Neyung ab, domba me ab dadya, bun ekla bunaʾ era, heik lom enyek an ulumnamlakanya, Imik Neyung bedya alja mabo era, alak gibdo ulumnemak.

WAHYU 4:8

Dara, ban dombadya gamyakaʾ nidyaʾ ara, nidyaʾ ola hnabbadya dara-dara ulumok. Bok darasam sikja lomok ak dara, nidyaʾ heng doka yakaʾ ak ulumek. Anya sik ban gamyakaʾ edya dara, inimnek yubyek buluk lobongganggonggom, bera sobaʾ sebelsinilimek. ”Geisa, geisa, geisa! Wenelesilimnya Imik Neyung hyak senenggomnya geisa ok ulumla! Youmaʾ, wen, eimik sobaʾ ulumnalanya benyaʾ, geisa ok ulumla!” wenyalamek.

WAHYU 5:11

Dara nara, yuba hnon keboka kemel yabasa enyek, lero nang era, ekla bunaʾ ab, gamyakaʾ ab, nonga kaboka wa borob nang ek longob ganagoka, yuba nauba saro balamekaʾ ak eibsa. Sikja deng mandebnaʾ era, deng salyaʾ uboka, onoʾ denga salyaʾ adya deng mandebnaʾ era hyak gong ulumek.

WAHYU 5:12

Sikda yuba yeiriwoka saboka wenyalamekaʾ ara, ”Orob domba pam me nenyek danyek, damnya bedya len migib ab, bonaʾ dub ab, ella unaʾ damok ab, yeirin migib ab, alak nauba senewoka gibnaʾ ab, si imik nenenaʾ ab, giginaʾ nauba ab dara, alak danyek dobnamla,” wenyaro seblemek.

WAHYU 5:13

Dara nara gamyakaʾ ulumlaʾ imik heik ab, sokok ab, soko damumduk ab, nauba mek gwanek ab, ane lomok nidyaʾ ulumlaʾ ara wenyalamekja, ”Al mok heik enyek an ekla bunaʾ eilib bululanya beb, domba pam me ab dara, giginaʾ nauba ab, nauba senewoka gibnaʾ ab, si imik nenenaʾ ab, yokaʾ len migib eb dara, siksamba hyak sobaʾ ulmorulumnamla!” wenyaboka lelemek.

WAHYU 5:14

Wera ban dombadya gamyakaʾ era, ”Al aldib or unululul,” hyek. Dara ban nonga kaboka wa borob nang eneba doro boublingdangoka giblemek.

WAHYU 6:16

Dara sikda ban girik mein danyek an lebekaʾ ara, ”Dakoka nuk sikleweisiminikanya, al imik ekla bunaʾ ak bululanya bedya hogung ak ab, domba me adya waboka osinaʾ ak ab, nunda dokneiyiweisilom,” alamek.