WAHYU 5:5 - PERJANJIAN BARU NALCA YUBA

⁵ Dara ban nonga kaboka wa borob nang danyek, anyaganyeb be hnonja nak lebokja, ”Anda engenaʾ ara mem! Keblom, Yehuda nang yilaʾ bei gam singa adya, Daud bek ab mengebdangdobnya bedya seleb oblamagal. Anedya alak danyek, ban buku kerobaʾ eb, alja sekbadyaʾ beknaʾ denenaʾ eb dara, alja baknamla,” hyok.

WAHYU 5:5 ပူးပေါင်းရင်းမြစ်များ

LUKAS 23:28

Bok Yesus adya sikenek keeboka lebsukaʾ ara, ”Wei, ugunda Yerusalem gelewa o! Ugunda nasamba engenenaʾ ara mem. Alda ugun nong ab ugunja mab emba danyek engeldalalulum.

LUKAS 7:13

Wera Yesus ara me dam gel genyek eibuk dara, hyak angoo yadyek senewookanya alak lebokja, Genong o, anda engenaʾ ara mem!

LUKAS 8:52

Wera nimi nidyaʾ ara gelma enesa engewoka nimi saleka bulumek. Bok Yesus adya engelemek nim ek an, Gelma enera somoganggumla, alda hogung dema mamlaʾ anasa, engenaʾ ara mem loblulum! husuk.

YOHANES 20:13

Dara, nang danadya Maria gek, ”Genong o, anda hekasa engelelam do?” aboka heibdek dara, Maria gedya sikenek, ”Nadya wenelesilnya benyek, nim adya hokaʾ doboka, hanyagar beil bilimak do aboka engelamna,” hyok.

ROMA 1:3

Alja me nek dara, nim ek sam dara, Daud nang yilaʾ ak ab beibek;

ROMA 15:12

Dara Yesaya beneba wenyalamokaʾ ara, ”Isai bedya damok ab be hnon lanawanamla, alda yok mok soko nim ek wenewousunun aboka lanawanamla, dara yok-yok mok soko nim era alak ok ganya dib beiliwanamak,” wenyaboka lelemok.

IBRANI 7:14

Nimi nidyaʾ ella ulumabaʾ ara, nunjaʾ Wenelesilnya Yesus ara, Yehuda nang yilaʾ ak ab beibek. Bok Musa bera yuba wa gak nang lelewoka doboka sekiyiwanamok sum era, Yehuda nang yilaʾ ara, hnon yuba wa gak nang ulumnemak aboka, hnon lebnenggumok.

WAHYU 1:1

Ban buku enyek an momnya dobokaʾ ara, Yesus Kristus adya eimik unuwanalanya nemba yub ek ulumla. Imik Neyung adya dara, Kristus ak onoʾ alja wa wen nim ek eimik men berra unuwanamlaʾ anyek aawosululaʾ aboka elegok. Ban nenesa leboka Kristus adya dara, alja lero pik uboka, alja wa wenya Yohanes bek nekok.

WAHYU 22:16

”Dara, nara Yesus adya, nadya yuba donaʾ nim enyek kebnokaʾ aboka, ban nidyaʾ unuwanamlaʾ yub era, wenyaro bijebok aboka, nadya lero bek orugamsa. Na benyek Daud nang yilaʾ uboka, onoʾ yali sam yeblamla eleb-alab arob ololaʾ ulumna,” hyok.

WAHYU 3:21

Nara malya unaʾ oblamagoka nadyaʾ neyung beb alja eklaʾ bunaʾ ak sam neikaʾ bulunuma sok, heknedya malya unaʾ ak ab oblamaganalanya bera, nadya bulumna ekla bunaʾ ak sam or neikaʾ buknenam aboka lebnamna.”

WAHYU 4:10

domdaraʾ badya nonga kaboka wa borob nang dara, ekla bunaʾ ak bulumoknya be saramek sam koma lumugoka dunuwoka oumub ligiweekanya, alak sob-sobaʾ ululanya bek eiya hlaboka gibek. Dara sikja meilik huk golunaʾ ara ban ekla bunaʾ dam enyekan, boro boboka lelemekja,

WAHYU 4:4

Dara, ban ekla bunaʾ en gogob dara-dara ara, yok domdaraʾ badya ekla bunaʾ hnon ulumookanya, wera an ekla bunaʾ eilib era, domdaraʾ badya nang, nonga kaboka wa borob nang era, geisa boksom ongob ligiwoka, sikja hukuk ara, emas huk golunaʾ golumek nang ek, anyekan bulumek.

WAHYU 5:4

Nimi ben hnon or buku kerobaʾ en bakoka lomok sam kemedenesonya bera orok anasa, nara hyak angoo senewoka nauba engewasa.

WAHYU 6:1

Dara nara kemelamsa enyek, domba me ara mem an beknaʾ denenaʾ sekbadya ulumokaʾ ak anyeb, mennya nek bakokaʾ ak eibsa. Anya, dombadya gamyakaʾ anyek, mennya nedya liming yub anasoʾ ak bii aboka, ”Yanggalom!” al yabok ak kebsa.

WAHYU 7:13

Dara anyagan nonga kaboka wa borob nang enedya, be hnon nak, ”Dolungnaʾ geisa akleng ongomak nang era, hek nang uboka, sikda hekmok ab yeilimak nang do?” aboka heibnyok.