WAHYU 5:12 - PERJANJIAN BARU NALCA YUBA

¹² Sikda yuba yeiriwoka saboka wenyalamekaʾ ara, ”Orob domba pam me nenyek danyek, damnya bedya len migib ab, bonaʾ dub ab, ella unaʾ damok ab, yeirin migib ab, alak nauba senewoka gibnaʾ ab, si imik nenenaʾ ab, giginaʾ nauba ab dara, alak danyek dobnamla,” wenyaro seblemek.

WAHYU 5:12 ပူးပေါင်းရင်းမြစ်များ

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

YOHANES 1:29

Ampum ara, Yohanes bedya Yesus ara alak yalamokaʾ eiyimok dara, ”Soko nimi malya unaʾ doboka boboganesilnya Imik Neyung domba pam ara kendululum.

YOHANES 17:2

Neyung o, anja me nek, neyung anja doboka alak elegolum nimi nidyaʾ ak, dib embeng unaʾ elegosulul aboka, migib unaʾ era nimi nidyaʾ ak unuwolulaʾ aboka seleb elegelum.

2 KORINTUS 8:9

Ugunda Yesus Kristus, nunjaʾ Wenelesilnya ululanya bedya wanaʾ uboka eleksinaʾ ara, seleb gobdo ella ululum. Kristus ara ugunsamba bonaʾ garannya danyaʾ adya, ugunuk bonaʾ dub nimi dolulumaʾ aboka, alda dubnya bok bonaʾ garannya dok.

1 TIMOTIUS 1:17

Imik Neyung ara alda li sobaʾ ulmorululanya ulumla. Anya alak sobaʾ giboka onoʾ si imik nenewoka gigilenok. Alda dib hwekwa ubmoubuka, onoʾ laga heng eilinggulumaknya ulumla. Alda nunja Imik Neyung dibaʾ alak ok hnonok ulumla. Anasa wera, alak sobaʾ giboka onoʾ gigilenok. Amin.

WAHYU 1:6

anya onoʾ alja dara, wenewoka bo un nang, yuba wa gak nang, gebsuk. Dara, ban Yesus Kristus enyek, hyak imik nenewoka, onoʾ alak hnonok senenggom dubnya migibaʾ sob-sobaʾ ulusulul. Amin.

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.

WAHYU 15:3

Dara, Imik Neyung wa wenya Musa beb, domba me ab, sikja seblemek bera era anaso: ”Imik Neyung, hyak migib nongnya ululam. Anja unululamaʾ ara hyak omom nongokanya, hyak senenggom! Nidyaʾ mok soko amba wenewoka bo uboka, senenggom dubnya ululam. Anja unulusilimaʾ ara pe beknaʾ sunuwoka, yana lelewoka, perob ok unululamnya.

WAHYU 19:1

Ban nen seleb dara, imik heikek ara, nimi gong longowoka yuba irir aboka salamnaʾ anaso ak kebsaʾ ara, ”Haleluya! Imik Neyung ak or giblenob e! Blebsinaʾ ab, si imik nenenaʾ ab, migib unaʾ ab dara, nunjaʾ Imik Neyung aljaʾ ak ulumla. Alak giblenob e.

WAHYU 4:11

”Nunja wenelesilimnya, nunja Imik Neyung o! Wera anja yokaʾ-yokaʾ nidyaʾ ara uyiwolumukanya, anja ganya seininaʾ edya, ban nidyaʾ uyiwolumaʾ ara ulumla anasa, anak danyek, si imik nenenaʾ ab, ganya sokok nenebdangoka gibnaʾ ab, hyak senenggom migibaʾ ab dara, anak danyek ok dololom,” wenyalamek.

WAHYU 5:13

Dara nara gamyakaʾ ulumlaʾ imik heik ab, sokok ab, soko damumduk ab, nauba mek gwanek ab, ane lomok nidyaʾ ulumlaʾ ara wenyalamekja, ”Al mok heik enyek an ekla bunaʾ eilib bululanya beb, domba pam me ab dara, giginaʾ nauba ab, nauba senewoka gibnaʾ ab, si imik nenenaʾ ab, yokaʾ len migib eb dara, siksamba hyak sobaʾ ulmorulumnamla!” wenyaboka lelemek.

WAHYU 5:6

Wera nara ekla bunaʾ hnoumung ab, ban dombadya gamyakaʾ ab, anya ban nonga kaboka wa borob nang hnoumunga ara, kemel yabasa enyek, domba pam me hnonok, seleb oboka beiyimnaʾ anasoʾ anyek, bonga sekbadyakanya, henga sekbadya ak sekemokaʾ anera, Imik Neyung aljaʾ ganya sekbadya ak mok soko me nidyaʾ ak boksuk ara an.

WAHYU 5:8

Ban unu dol yabok dara, an dombadya gamyakaʾ eb, domdaraʾ badya nonga kaboka wa borob nang eb dara, al saramek hogung oumub ligiwek. Dara, sikda yok-yok benggong hnonok, emas mek hmeiya hnonok, gen-gen song meklaʾ adyok deknemokaʾ anyek salawek. Anera munaʾ Imik Neyung mab adya molonaʾ era an.

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.

WAHYU 6:1

Dara nara kemelamsa enyek, domba me ara mem an beknaʾ denenaʾ sekbadya ulumokaʾ ak anyeb, mennya nek bakokaʾ ak eibsa. Anya, dombadya gamyakaʾ anyek, mennya nedya liming yub anasoʾ ak bii aboka, ”Yanggalom!” al yabok ak kebsa.

WAHYU 7:12

lelemekja, ”Amin! Giginaʾ ab, si imik nenenaʾ ab, geremsengaʾ ab, perob aboka gibnaʾ ab, wa bonaʾ amba giginaʾ ab, migibaʾ ab, senenggom unaʾ ab, nunjaʾ Imik Neyung ak dara, or sobaʾ ulmorululul, aldib or unululul!” wenyaro giblemek.