WAHYU 4:5 - PERJANJIAN BARU NALCA YUBA

⁵ Dara ban ekla bunaʾ ak ab danyek, ebnaʾ lengem-lengem aboka, onoʾ irr aboka, anya liminga yuba dalagoka, gururu aro yabok. Wera an ekla bunaʾ saram enyek ara, wesaʾ sekbadya ak uk bokaʾ singilimok. Wera nera, Imik Neyung sekbadyaʾ ganya era an.

WAHYU 4:5 ပူးပေါင်းရင်းမြစ်များ

MATIUS 25:1

”Imik Neyung wenesin heikek weknaʾ ara, mok soko hogung ara ban sununaʾ eneso ubnamlaʾ ara, nimi gobenya gelewa sagobadya, nenya dobnenggumek nim, wesaʾ diniwoka boboka gela dobnamoknya yanggalyaʾ ak pika dibnemab aboka bilimek.

MATIUS 3:11

”Nak dara, malya unaʾ ak ab seleb ganya dangawak anaʾ dibaʾ amba, mek dem adya ok dalasin bok, nak berem eimik yanalanya bedya dara, alda ugunuk Imik Neyung Geisinya ab uk ab dadya, mek dibaʾ dabnesil. Nak dara or mek so bok, alak dara, hyak senenggomnya bek yanamla. Alja yan ongonaʾ anaba, nak dara doboka bobnenggunusinya.

RASUL 2:3

Dara, uk bokaʾ lolong-lolong aboka nimi nidyaʾ ellaʾ gigiro singiro buru yabalesukaʾ ak, eiyimek.

WAHYU 1:4

Nadyaʾ hemyabo nim, sekbadya Asia sokok sam yuba don heikek yuba donaʾ nim ek gibsin! Ugunuk wanaʾ uboka eleksinaʾ ab, namen ganya unaʾ ab dara, al wen ululanya, youmaʾ ulumokaʾ ara, onoʾ eimik sobaʾ ulmorulumnelanya bedyaʾ ara ugunuk elegoka ulusulul, anya aljaʾ saramek sam sekbadya ganya edyaʾ anaba ugunuk elegoka ulusulul.

WAHYU 10:3

Dara, alda yu nong ulumla singa gam edya yeiriwoka ngoublamla sok, yuba nauba bii alamok. Wenyalamok dara, sekbadya liming era yuba sab onowek.

WAHYU 11:19

Wenyek Imik Neyung bedya e imik heikek ara, bak lobookanya, alja orowek mem golongaʾ era, seleb laga dookanya, ebnaʾ ab, liming yub gururu anaʾ ab, sogoumaʾ ab, saragenaʾ mok dok ab, anera nauba ul yabok.

WAHYU 3:1

Sardis heikek yuba donaʾ nimi lero ek, ban unuwoka momnya dobnelamaʾ ara: ”Ban yub enera Imik Neyung aljaʾ sekbadya ganya eb, sekbadya guraʾ eb, danyek salalanya bedya yub era an. Anja unululamaʾ nidyaʾ ara nara seleb ella ulumna. Anak dara, hnon nim edya dara, anam embengaʾ ulumla alanjak bok, seleb somogolumaʾ ak ululam.

WAHYU 5:6

Wera nara ekla bunaʾ hnoumung ab, ban dombadya gamyakaʾ ab, anya ban nonga kaboka wa borob nang hnoumunga ara, kemel yabasa enyek, domba pam me hnonok, seleb oboka beiyimnaʾ anasoʾ anyek, bonga sekbadyakanya, henga sekbadya ak sekemokaʾ anera, Imik Neyung aljaʾ ganya sekbadya ak mok soko me nidyaʾ ak boksuk ara an.

WAHYU 8:5

Dara onoʾ lero era meilik yanggol enyek doboka, Imik Neyung amba uka daboka gibnaʾ oulyang ak sam uk ek libookanya, uk era sokok sam nakdo dorogok. Dara, ebnaʾ langom-langom aboka, liming gururu aboka sogoumaʾ dorogok.