WAHYU 4:11 - PERJANJIAN BARU NALCA YUBA

¹¹ ”Nunja wenelesilimnya, nunja Imik Neyung o! Wera anja yokaʾ-yokaʾ nidyaʾ ara uyiwolumukanya, anja ganya seininaʾ edya, ban nidyaʾ uyiwolumaʾ ara ulumla anasa, anak danyek, si imik nenenaʾ ab, ganya sokok nenebdangoka gibnaʾ ab, hyak senenggom migibaʾ ab dara, anak danyek ok dololom,” wenyalamek.

WAHYU 4:11 ပူးပေါင်းရင်းမြစ်များ

RASUL 14:15

”Wei, ugunda hekasa ban nenera unulum do? Nunda im nang gomaʾ. Ugumba ululum sok, nundaʾ nim anyaʾ. Nunda anyagan younum ara, ban unuwoka yokaʾ-yokaʾ giblelumaʾ anyek loboka, Imik Neyung bek, im ab, soko ab, senenggom mek gwan eb, lomok sam ulumla nidyaʾ ab, uyisuknya bek sam ganya angawoka yoululum aboka, perob lero yanggan yuba bo yeiniboka lel yosunum.

RASUL 17:24

Imik Neyung ban soko enyeb, nidyaʾ sokok anyagan ulumla ab, uyimok Imik Neyung enyek ugunuk sam neksin. Dara al on Imik Neyung enyek alda nim adya wenelesak sokok ab, imik ab, dubnya ulumla. Alda nim adya yok mengewoka giblenob aboka solomak ek sam unggulumla.

ROMA 11:36

Dara yokaʾ-yokaʾ nidyaʾ ara alak ab, al adya, anya alamba. Anasa alak ara si imik nenenaʾ alsamba ok hyak sob-sobaʾ giblemnemeijaʾ anyek ulusulul!

EPESUS 3:9

Yokaʾ-yokaʾ nidyaʾ ulumlaʾ uyimoknya Imik Neyung adya, alja unuwanamna senemokaʾ ara, youmaʾ ekaʾ mouruwoka doknomokaʾ ara, nak pik uboka eleganyokaʾ ara, nimi nidyaʾ ara Imik Neyung ara hekaʾ huboka alja wen unuwanamna senemokaʾ ara ella danamak aboka eleganyok.

IBRANI 1:10

Dara onoʾ Imik Neyung adya hnon lebokaʾ ara, ”Wei, Wenelesilimnya o, men dara, soko nidyaʾ ara anja uyiwoka, onoʾ im anaba ambeyok uyiwoulum.

IBRANI 1:2

Bok wen sidyaʾ dagalongnaʾ salek en era, alja me pik uboka yuba sal eleklesil. Imik Neyung adya alja me Yesus pik uboka hyak nidyaʾ men uyimok. Anya onoʾ Imik Neyung adya alja me pik uboka uyimok.

WAHYU 1:6

anya onoʾ alja dara, wenewoka bo un nang, yuba wa gak nang, gebsuk. Dara, ban Yesus Kristus enyek, hyak imik nenewoka, onoʾ alak hnonok senenggom dubnya migibaʾ sob-sobaʾ ulusulul. Amin.

WAHYU 10:6

Unuwoka alda, hyak dib hwekwa ulmoublelanya, im ab, soko ab, mek gwan ab, nidyaʾ ane lomok ulumlaʾ uyiwoknya bedya si sibuka, dib unuwanamna aboka anaso wenyal yabok, ”Goʾ mabdabnenggunumla.

WAHYU 14:7

Anya ban lero era, bii aboka, ”Imik Neyung adya nimi yana lelesin salek era, seleb yalaʾ anasa, Imik Neyung ak lok ganya boboka, aljaʾ si imik nenewoka, alak geklewoka giblelulum. Anya al im ab, soko ab, mek gwan ab, mek lu nidyaʾ uyiwoknya benyek, koma lumugoka giblelulum!” wenyaboka lebok.

WAHYU 19:1

Ban nen seleb dara, imik heikek ara, nimi gong longowoka yuba irir aboka salamnaʾ anaso ak kebsaʾ ara, ”Haleluya! Imik Neyung ak or giblenob e! Blebsinaʾ ab, si imik nenenaʾ ab, migib unaʾ ab dara, nunjaʾ Imik Neyung aljaʾ ak ulumla. Alak giblenob e.

WAHYU 5:12

Sikda yuba yeiriwoka saboka wenyalamekaʾ ara, ”Orob domba pam me nenyek danyek, damnya bedya len migib ab, bonaʾ dub ab, ella unaʾ damok ab, yeirin migib ab, alak nauba senewoka gibnaʾ ab, si imik nenenaʾ ab, giginaʾ nauba ab dara, alak danyek dobnamla,” wenyaro seblemek.

WAHYU 5:2

Onoʾ hyak senenggom lero edya, ”Heknyek an sekbadya beknaʾ denenaʾ ara glokoka kerob buku era, alja baknamso geknenanya bera ulumla goma?” senenggomaʾ yuba saboka wenyal yabokaʾ ak eibsa.

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.