WAHYU 4:10 - PERJANJIAN BARU NALCA YUBA

¹⁰ domdaraʾ badya nonga kaboka wa borob nang dara, ekla bunaʾ ak bulumoknya be saramek sam koma lumugoka dunuwoka oumub ligiweekanya, alak sob-sobaʾ ululanya bek eiya hlaboka gibek. Dara sikja meilik huk golunaʾ ara ban ekla bunaʾ dam enyekan, boro boboka lelemekja,

WAHYU 4:10 ပူးပေါင်းရင်းမြစ်များ

MATIUS 2:11

Wera nang era, e lomok wekel biniboka, me nenyeb aljaʾ genong Maria geb eiyisik. Dara sikda me nen dam oumuwoka koma lumugoka giboka, sikja bonaʾ yokoka, rupiah damok ab, gin-gin song meklaʾ ab, perob senenggom deknaʾ ngiknaʾ mek ab me soruka onomek.

LUKAS 24:52

Sikda nidyaʾ Yesus ak gibgogoweekanya, hyak ei-eiya ganya boboka Yerusalem heikek yek.

1 KORINTUS 15:10

Bok, Imik Neyung adya wanaʾ uboka eleksinaʾ nong edya, nara wera an seleb wen ulumna sok dasa. Imik Neyung adya nadya unulamsa malya unaʾ doboka boboganyokaʾ ara, salyaʾ lelem ub lobnenggubnyok. Nadya yok yuba lenaʾ nang era, nauba so ununaʾ orok bok, nak danyek nauba yeiriwoka welemsa. Bok, nera nadya ok wenggulumsa. Alda nenera Imik Neyung adya nak wanaʾ uboka eleksinaʾ elegenyokaʾ adya unumsa.

WAHYU 10:6

Unuwoka alda, hyak dib hwekwa ulmoublelanya, im ab, soko ab, mek gwan ab, nidyaʾ ane lomok ulumlaʾ uyiwoknya bedya si sibuka, dib unuwanamna aboka anaso wenyal yabok, ”Goʾ mabdabnenggunumla.

WAHYU 11:16

Dara onoʾ nonga kaboka wa bo rob nang domdaraʾ badya nang era, sikda Imik Neyung saramek bulumek nang, anya sikda oumuwoka Imik Neyung ak giblemek.

WAHYU 15:4

Anasa Imik Neyung o, heknedya anak ara loka dabnenggununggeso do? Onoʾ heknedya anja si imik nenewoka gibnenggununggeso do? Anasa anak ok hyak geisa nong ak ululam. Hnonda anja yuba saboka memenaʾ anyek, nimi seleb nauba eillilimak anasa, yok-yok mok nimi nidyaʾ ara, anak gibil yalemnenjak,” wenyaboka seblemek.

WAHYU 15:7

Dara, ban gamyakaʾ dombadya anera, hnonnya nedya ban sekbadya lero ek, emas mek hmeiya sekbadya doboka elegosuk. Ban sekbadya mek hmeiya era, Imik Neyung hyak sobaʾ ulmoublelanya, alja yu sen-sen anaʾ adya deknewoka beiyimok.

WAHYU 19:4

Dara, domdaraʾ badya nonga kaboka wa borob nang eb, yok gamyakaʾ dombadyaʾ ab dara, Imik Neyung alja ekla bunaʾ ak bulumoknya bek oumuwoka, ”Amin! Haleluya! Aldib e, or Imik Neyung ak giblenob e!” wenyaro giblemek.

WAHYU 4:2

Dara wene sab-sab enyek, Geisinya adya nak gologanyok dara, wera, imik heik sam ara, dubnya senenggomnya bedya ekla bunaʾ hnon uboka, an eilib ara, nimi ben hnon bulumok ak amawanyok.

WAHYU 4:4

Dara, ban ekla bunaʾ en gogob dara-dara ara, yok domdaraʾ badya ekla bunaʾ hnon ulumookanya, wera an ekla bunaʾ eilib era, domdaraʾ badya nang, nonga kaboka wa borob nang era, geisa boksom ongob ligiwoka, sikja hukuk ara, emas huk golunaʾ golumek nang ek, anyekan bulumek.

WAHYU 4:9

Sikda dombadya gamyakaʾ edya lero seblemek ber era, al ekla bunaʾ ak bululanya bek perob aboka si imik nenewoka, gigiwoka, perob aboka giblemek. Dara an giboka seblemek salek era,

WAHYU 5:14

Wera ban dombadya gamyakaʾ era, ”Al aldib or unululul,” hyek. Dara ban nonga kaboka wa borob nang eneba doro boublingdangoka giblemek.

WAHYU 5:8

Ban unu dol yabok dara, an dombadya gamyakaʾ eb, domdaraʾ badya nonga kaboka wa borob nang eb dara, al saramek hogung oumub ligiwek. Dara, sikda yok-yok benggong hnonok, emas mek hmeiya hnonok, gen-gen song meklaʾ adyok deknemokaʾ anyek salawek. Anera munaʾ Imik Neyung mab adya molonaʾ era an.

WAHYU 7:11

Dara, lero nidyaʾ ara ekla bunaʾ ab, nonga kaboka wa borob nang eb, dombadya gamyakaʾ ab ulumekaʾ ak aknewoka sek ganagoka, ekla bunaʾ dam berem huk oumuwoka Imik Neyung ak giblemeekanya,