WAHYU 3:1 - PERJANJIAN BARU NALCA YUBA

¹ Sardis heikek yuba donaʾ nimi lero ek, ban unuwoka momnya dobnelamaʾ ara: ”Ban yub enera Imik Neyung aljaʾ sekbadya ganya eb, sekbadya guraʾ eb, danyek salalanya bedya yub era an. Anja unululamaʾ nidyaʾ ara nara seleb ella ulumna. Anak dara, hnon nim edya dara, anam embengaʾ ulumla alanjak bok, seleb somogolumaʾ ak ululam.

WAHYU 3:1 ပူးပေါင်းရင်းမြစ်များ

LUKAS 15:24

Nadya me nera seleb somokdowokaʾ ara, wera onsok embengaʾ dangoka yal. Alda dengarowok bok, wera onoʾ saaboka onsok eibnaʾ anasa, denaʾ neikaʾ hiboka denemab, aboka, wera sikda hyak nauba masa youboka deregoka eiya hlalamek.”

LUKAS 15:32

Bok nunda perob senewoka eiya daboka, pam oboka youbabaʾ ara, anja weis era seleb somogok bok, wera embengaʾ bukoka yal, seleb weiningdokjok, onoʾ saaboka eibabaʾ anasa, ubab! hyok,” wenyaboka lebok.

YOHANES 1:16

Dara, alja deknewoka ulumlaʾ ak ab, nunda nidyaʾ domouba. Alja wanaʾ uboka eleksinaʾ elegel sounulusilekanya, sobaʾ dolmorulumab.

YOHANES 1:33

Alak ella ubnenggusinya bok, mek adya dalalom aboka orugonyoknya bera nak wenyanyok, Geisinya yingginiboka bul yalyaʾ eibnelamnya bera, wera alja ugunuk Geisinya adya mek dibaʾ dalamnesilnya bera alan, henyok.

YOHANES 20:22

Dara, ban wenyabgogomokaʾ seleb dara, sikenek hibaʾ gob goluwoka, ”Wera Imik Neyung Geisinya doblulum,” asuk.

YOHANES 3:34

”Dara, Imik Neyung adya bokol yeilimoknya bedya, Imik Neyung bedya lelemla yub enyek lelemla. Alak ara Imik Neyung Geisinya elegelmorulamla.

RASUL 2:33

Onoʾ Petrus sikenek moruwoka lemok, ”Wera, Imik Neyung sirik soruk sam Yesus ak seleb imik beiyiboka, Geisinya eleganesin amok ara, elegoka dobok dara, wera, neik geisa ganya anyek nuk eleklesil ara, wera an ugun seleb eillililum kelelum.

EPESUS 2:1

Ugunda youmaʾ dara, ugunja meknenaʾ malya unaʾ lomok ululumaʾ adya, ganya ak dara, seleb somogolum bok ululum.

EPESUS 2:5

wera nunda meknelemouba salek era, ganya ara seleb somogouba ak sam anam ulumouba bok, Imik Neyung adya nub Kristus ab neikaʾ embengaʾ suboka bukiyiwosuk. Dara, Imik Neyung ganya anyek hyak perob nong adya ok, alja wanaʾ uboka eleksinaʾ adya ugun nong ara seleb blebsuk.

KOLOSE 2:13

Dara ugumbabya youmaʾ dara, ugunja meknenaʾ hnon ugunja sobaʾ malya ululumnya lomok uboka hnon, anedya ugunda seleb somogoka ululum bok, wera Imik Neyung adya Kristus ab neikaʾ seleb embengaʾ gebsuk. Anya, nunja meknenaʾ hwam malya unaʾ nidyaʾ doboka bobogosuukanya,

1 TIMOTIUS 5:6

Bok nadya dobsinya bobsinya senelamna anyek nidyaʾ gigilamla youk gel gera, nong ak dara, anam embengaʾ ulumla senen bok, ganya ak dara, seleb somogamnaʾ anasoʾ ak ulumla.

YAKOBUS 2:26

Anasonya neikek, nimi nong ara ganya orok dara, wera seleb somogamna nong ek ulumla sok, yuba dib senenaʾ ara pe ununaʾ orok dara, wera seleb somoklamla yuba dib senenaʾ era an.

1 PETRUS 1:11

Kristus aljaʾ Geisinya sikjaʾ ganya lomok an ulusuukanya, al Geisinya adya Kristus ara hekaʾ huboka somogoka, eimik era al nong ak imik nenewanamokaʾ anyek unuwanamla aboka sikenek lelesuk. Dara hekaʾ huboka, hek sum ek dib gigiwanamlaʾ ella danob senewoka dulumek.

YUDAS 1:12

Wera an unu malya ulumak nim eb neikaʾ delelum dara, sik nong ara, ugun gangganek sik meklaʾ ulumak. Wera delelum dara, alya orokaʾ anyek, yok nimi wanaʾ unaʾ loboka, siksamba ok nonogoka delemak. Sikja unaʾ era, kaboʾ adya debaʾ ak walawoka bo yibin enyek, moka yangganaʾ lolomla sok unulumak. Hnonda sik nong ara, gal meklaʾ gololamla li era, doka mounggulumlaʾ anasoʾ ak uboka, yarenga dama delewan enyek, yalegoka dibaʾ oulaʾ olomla sok ulumak.

WAHYU 1:11

Wera ban yub enedya nak, ”Anja seleb eiblamaʾ ara nidyaʾ momnya doboka, an momnya dobmen buku era, ban sekbadya heikek yuba donaʾ nim ek, Epesus, Smirna, Pergamus, Tiatira, Sardis, Filadelfia, anya Laodikia heikek hnon, beibnelam,” henyok.

WAHYU 1:16

Aljaʾ sirik soruk ak sam ara guraʾ sekbadya salamok, aljaʾ sibamaʾ ak sam ab parang u penyaʾ ak goublemok. Alja hogung era, hyak yubyek dukdukanek dingilamlaʾ heng senedyaʾ eneso ulumok.

WAHYU 1:20

Wera sekbadya guraʾ nadyaʾ sirik soruk ak sam ab, uk dininaʾ sekbadya ulumlaʾ eiblamaʾ gunun damok ara, Sekbadya guraʾ era sekbadya yuba donaʾ nim edya lero nang era an, anya sekbadya uk dininaʾ ara, sekbadya yuba donaʾ nim era, gereja nong ara an,” hyok.

WAHYU 1:4

Nadyaʾ hemyabo nim, sekbadya Asia sokok sam yuba don heikek yuba donaʾ nim ek gibsin! Ugunuk wanaʾ uboka eleksinaʾ ab, namen ganya unaʾ ab dara, al wen ululanya, youmaʾ ulumokaʾ ara, onoʾ eimik sobaʾ ulmorulumnelanya bedyaʾ ara ugunuk elegoka ulusulul, anya aljaʾ saramek sam sekbadya ganya edyaʾ anaba ugunuk elegoka ulusulul.

WAHYU 2:13

Nara anda har sam ululamaʾ, nara seleb ella ulumnaʾ ara, anda bisaʾ dubnya Satan bedya dub heikek sam ululam. Anyek bok, anak dara, nadya si nek hyak pe bojam ulunelem. Nadya bojam unenya Antipas be ugunja heikek obek sum eneba, anja dara, nara Yesus ak dib senenggulumna aboka gunuwoka lebnenggublum.”

WAHYU 2:19

Anja unululamaʾ ara, nara nidyaʾ ella ulunggen. Anera, anda wanaʾ ululamaʾ hnon, anda dib senelelamaʾ hnon, nidyaʾ ara nara seleb ella ulumna. Anya anda yok nim emba aralalamaʾ hnon, anda siklewoka welmorululamaʾ ara, nara seleb ella ulumna. Hnonda anda youmaʾ dara, wa welelum bok, wenyek danyek, nauba welelamaʾ ara, nara seleb ella ulunggen.”

WAHYU 2:2

Anja hekaʾ unululamaʾ ara, anda wa yeiriwoka welelamaʾ hnon, anda ganya siklewoka welmorululamaʾ hnon, nara seleb ella ulumna. Anja ganya era malya ulumak nim ek or unulunok senenggululam. Nimi nidyaʾ yuba lenaʾ gak nang dibaʾ orokjok, nunda yuba lenaʾ gak nang aldalamak nang ek, anda seleb sunubyamalumukanya, sikda sondaʾ hwam nang ulumakaʾ ara, seleb ella dangalum.

WAHYU 2:9

Anak an yokaʾ-yokaʾ okna uboka ulunggelaʾ ara nara seleb ella ulumna. Anda bonaʾ garan ululamaʾ ara naba ella ulumna! (Bok saawoka anda aldib dubnya ululam.) Hnon nim era bisaʾ dubnya Satan alja bisaʾ mabo silibaʾ uboka, Yahudi nimi dibaʾ unaʾ orokjok, nunda Yahudi nim aldalamak nim edya anak an, geklewoka derewoka walasakaʾ ara nara seleb ella ulumna!

WAHYU 3:15

Anja yokaʾ-yokaʾ unululamaʾ ara nara seleb ella ulunggen. Penya-penya unaʾ loboka, hnonok ok ubnenggeso dara, perob senewanasinya bok, anja nonga poba unggulunggelaʾ anaba, onoʾ saragenaʾ denggulunggelaʾ ara nara seleb ella ulumna!

WAHYU 3:2

Anasa, bukoka pe diri uldalalom. Anja welelam wa nek dara, nadya Imik Neyung hogung ak ara, nidyaʾ ara, perob ok eilinggulumnaʾ anasa, anam somogonunaʾ ululanya nek nidyaʾ somogalyek aboka, migibaʾ gebnelam.

WAHYU 3:8

Anja hekaʾ unululamaʾ ara, nara seleb ella ulumna. Anasa, nadya ansamba yok nang edya sereganggom pik era seleb bak lobgesa. An nong ara mek migibaʾ ululamakanya, nadya yuba ek pe salawoka, nadya si nera gununggululamaʾ ara, nara seleb ella ulumna.

WAHYU 4:5

Dara ban ekla bunaʾ ak ab danyek, ebnaʾ lengem-lengem aboka, onoʾ irr aboka, anya liminga yuba dalagoka, gururu aro yabok. Wera an ekla bunaʾ saram enyek ara, wesaʾ sekbadya ak uk bokaʾ singilimok. Wera nera, Imik Neyung sekbadyaʾ ganya era an.

WAHYU 5:6

Wera nara ekla bunaʾ hnoumung ab, ban dombadya gamyakaʾ ab, anya ban nonga kaboka wa borob nang hnoumunga ara, kemel yabasa enyek, domba pam me hnonok, seleb oboka beiyimnaʾ anasoʾ anyek, bonga sekbadyakanya, henga sekbadya ak sekemokaʾ anera, Imik Neyung aljaʾ ganya sekbadya ak mok soko me nidyaʾ ak boksuk ara an.