WAHYU 22:6 - PERJANJIAN BARU NALCA YUBA

⁶ Dara onoʾ an lero era nak hnon lebnyokaʾ ara, ”Ban lebna yub danera, hyak dib nongokanya, ganya beilimnaʾ nong yub ek ulumla. Anya Wenelesilnya Imik Neyung bera, ununumnaʾ lelemek nang, sikja Wenelesilnya benyaʾ, alja lero ek Imik Neyung bedya mab ek eimik unuwanamlaʾ anyek, sikenek ella danokaʾ aboka, laga neksulul aboka nak oruganyok,” wenyhenyok.

WAHYU 22:6 ပူးပေါင်းရင်းမြစ်များ

MATIUS 13:41

Nimi dibaʾ me seknamlakanya, nimi yok nim ek malya ul eleklesak nimi nidyaʾ ara wera henga goubuka bob mamaganalum aboka, lero nang ek oruganesil, anya nimi nidyaʾ malya unaʾ ok unuro ulumak nimi nidyaʾ ara bob mamaganasil.

LUKAS 1:70

Wenelesilnya bedya youmaʾ enyek moruwoka, alja geisa ununumnaʾ lelemek nang edya si bamaʾ pik uboka orowek wenyasuk sok, sunuwoka wera unuweisil.

LUKAS 16:16

Musa bedya pe ulumnelum aboka unuwanalum an yuba elegesukaʾ ab, ununumnaʾ lelemek nang edya elegesik yub era, or lelemekaʾ ara, Yohanes Pembaptis be ulumok salek sidyaʾ ubdakok. Ban lebna salek ebaʾ moruwoka, Imik Neyung ara dubnya uboka wenelemnesil aro perob lero yanggan yub era, sobaʾ leldibilloklomak. Dara nim ara, Imik Neyung adya wenelemnesilaʾ ak weknob senewoka nauba dulumak.

RASUL 12:11

Wera ban nidyaʾ seleb unubgogobok danyek, Petrus bera ella dangoka lebokja, ”Wera wenyek Wenelesilnya bedya alja lero bokol yeiniboka Herodes bedya soruk migib ak ab hnon, Yahudi nim edya nak yokaʾ-yokaʾ unuwanamab senelenyakaʾ anyek, blebnelaʾ ak ara ella dan,” hyok.

RASUL 3:18

Dara, ban unuwoka gigiwanamokaʾ anasa, Imik Neyung adya orowek ununumnaʾ lelemek nang pik moruwoka, nimi blebsinaʾ dubnya Kristus bera eimik oka nauba gweknamla aboka lemokaʾ ara, wera ban adya gigiwok.

ROMA 1:2

Ban aljaʾ perob lero yanggan yub era, alja ununumnaʾ lelemek nang, men sik pik uboka geisa Imik Neyung yuba momnya dobokaʾ lomok wenyalasuk.

1 KORINTUS 14:32

Imik Neyung Geisinya bedya, Imik Neyung yuba lebnokaʾ aboka, eleklesil migib damok era, sik dam nang Imik Neyung yuba lelemak nim edya, siklewoka bo ulumnamak.

1 KORINTUS 7:29

Hemyab o, nadya lelenanya nera, damok ara banasa lelemna. Nu ulumab salek enera wera mekaʾ me ubla. Anasa wenyek danyek moruwoka, gela yak nang era, gela dobnenggomnya beneso ak ulumnamso.

2 TESALONIKA 1:7

Wen ugun an yokaʾ adya igina kwelesil nim ek hnon arawanasil dara, onoʾ nuk anaba neik so arawanasil. Anasa Imik Neyung ara imik heikek abaʾ ara aljaʾ senenggom migib lero nang neikaʾ hiboka yingginimak sum enyek unuwanesil,

IBRANI 12:9

Dara nunjaʾ neyung be yokaʾ nong ok ab ban wenenaʾ ara dolomabakanya, sikda nunja dara, nunjaʾ neyung yab senelemab. Wera anaso dara, nunda embengaʾ dobnemab aboka dara, ganya bo usinnya neyung bek ara hyak pe keboka ganya ologoka ulumnamab.

2 PETRUS 1:21

Nera Imik Neyung yub ara, hnon nim adya ok salyaʾ ganya doboka lebnesinya senewoka lenggulumek. Bok, alda Imik Neyung Geisinya anyek, Imik Neyung yuba leblulaʾ aboka, nimi ganya ak wekemok nang edya lelemek.

2 PETRUS 3:2

Nadya ugunuk unuwanasinaʾ ara, Imik Neyung adya geisa ununumnaʾ lelemek nang edya youmaʾ yuba ugunuk nekesikaʾ anyek pe seiniwoka ulululum, hnonda Imik Neyung yuba lenaʾ gak nang edya ugunuk neklesakaʾ anyek, nimi blebsinaʾ dubnya dangoka wenewanasil yub enyek bekoka ulululum.

WAHYU 1:1

Ban buku enyek an momnya dobokaʾ ara, Yesus Kristus adya eimik unuwanalanya nemba yub ek ulumla. Imik Neyung adya dara, Kristus ak onoʾ alja wa wen nim ek eimik men berra unuwanamlaʾ anyek aawosululaʾ aboka elegok. Ban nenesa leboka Kristus adya dara, alja lero pik uboka, alja wa wenya Yohanes bek nekok.

WAHYU 18:20

Hnon kebsenya nera, ”Dara Imik Neyung ara, alja ugunuk unulusukaʾ ara, seleb lunuwoka alba dirigalaʾ anasa, wei, imik heik o, ganya heklom. Wei, munaʾ Imik Neyung mab o, yuba lenaʾ gak nang o, ununumnaʾ len nang o, anera hyak pewal senewoka ganya heksulul!” wenyaboka lebokaʾ ak kebsa.

WAHYU 19:9

Dara onoʾ lero adya nak hnon, ”Banyek momnya dobnelamaʾ ara, Sik domba me gela dobnamlaʾ ak an masa del yanalum henesil nim era pe ulumnamak, momnya dobnelam,” henyok. Dara onoʾ hnon lebokja, ”Ban lebna yub dara, Imik Neyung bek ab uboka, hyak aldib nongaʾ ak lebna yub era an,” wenyhenyok.

WAHYU 21:5

Dara onoʾ al ekla bunaʾ ak bukumoknya bedya, ”Yokaʾ-yokaʾ nidyaʾ ara, gobdo wenyoknya nenewanaʾ ara, kendelom!” hyok. Dara onoʾ hnon nak, ”Ban yub enera hyak dib nongaʾ uboka, alda dib senewanamak yub ek anasa, anda or momnya dobnelam,” wenyaboka lebnyok.

WAHYU 21:9

Wera onoʾ, ban sekbadya nimi somoknaʾ damoka sala ulumek sekbadya lero nang enyek, ben hnonja nak yeiniboka lebokja, ”Imik Neyung bedya me nedya gela dobnamlaʾ anyek aawanenggenaʾ anasa, anyagan kemel yalom,” henyok.

WAHYU 22:1

Wera onoʾ lero enedya nak nim embengaʾ eleklesil mek era, Imik Neyung ab, domba me ab, sikja bunaʾ ekla ek ab, goboka, eleb-alab arobaʾ ak yabalamok mek enyek, nak aawanyok.

WAHYU 22:16

”Dara, nara Yesus adya, nadya yuba donaʾ nim enyek kebnokaʾ aboka, ban nidyaʾ unuwanamlaʾ yub era, wenyaro bijebok aboka, nadya lero bek orugamsa. Na benyek Daud nang yilaʾ uboka, onoʾ yali sam yeblamla eleb-alab arob ololaʾ ulumna,” hyok.

WAHYU 22:7

”Aldib, dib nong ara, nara hyak berra yanamna. Anasa, ban buku enyek an unuwanamna lenaʾ anyek, dib senewoka ganya oloklelenya bera pe ulumla!” hyok.

WAHYU 4:1

Wera nen nidyaʾ seleb dara, nara kemel yabasa enyek, imik heik sam ara pika hnon bakokaʾ ak eibsa. Dara, men danyek, poo anaʾ benggong yub anasoʾ ak kemsa yub enyek, onoʾ anaso anyek wenyal yabokaʾ ak kebsaʾ ara, ”An nen seleb dara, eimik hekaʾ unuwanamla anyek, anak amawanenggen anasa, anyagan wele yalom,” hyok.