WAHYU 22:20 - PERJANJIAN BARU NALCA YUBA

²⁰ Dara ban yub en, unuwanamna aboka lelelanya bedya lelemla ara: ”Yo, aldib, nara hyak berra aboka yanamna!” wenyalamla. Amin. Wenelesilimnya Yesus o, or yalom e!

WAHYU 22:20 ပူးပေါင်းရင်းမြစ်များ

YOHANES 21:25

Dara, Yesus adya unulumokaʾ ara yokaʾ-yokaʾ hyak nauba hnon unulumok. Ban nidyaʾ pe yana lelewoka ellaʾ gigiro momnya doseng dara, nadya dara, wera soko me nidyaʾ lendeboka oulyang okna danamsoʾ anasa, hnon darasam buluk loboka momnya dorob.

1 KORINTUS 16:22

Heknedya Wenelesilnya bek nauba wanaʾ unaʾ orok dara, bera hyak malya dolul. Maranata. Nunja Wenelesilimnya o, yalom e.

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

IBRANI 10:37

Ban nenesa leboka, Imik Neyung yuba bukuk sam ara, ”Eimik hyak berra yanamla salek era, or mek ok ubla; al yanamlaʾ ara, nara sum enyek, or eimik ek yanamnaʾ aboka, goʾ mabdabnenggunumla.

IBRANI 9:28

Anasonya neikek Kristus ara nimi nauba sikja malya unaʾ doboka bobogousululaʾ aboka lika hnonok elekdangoka somogok. Wera sumen penenya yanalanya nera, malya unaʾ amba meewoununaʾ aboka yanggunumla, alda nim alak yanamlaʾ amba diri ulumak nim enyek dib blebsinaʾ bo yanamla.

WAHYU 1:18

Nak danyek, embengaʾ ulmorulunanya bera an! Nak dara, seleb somogasebok, wera nara hyak sobaʾ ulmorulumnamna. Nara somoknaʾ amba dubnya uboka, nimi soko nimi somoknaʾ heikek amba dara, nara pik baknaʾ salananya ulumna.

WAHYU 1:2

Dara onoʾ aldib Yohanes bedya aljaʾ dib heng yokaʾ adya eibukaʾ nidyaʾ ara, Imik Neyung adya lebok yuba hnon, anya Yesus Kristus amba len yuba hnon, ban bukuk sam laga lelemla.

WAHYU 2:16

Ban nenyek dara, al wene salek enyek, ganya dib dangawanalam! Unuwanggubmen dara, nara mek anam yanamnakanya, nadyaʾ sibamaʾ ak an ulunel parang enedya sikenek obnesin.”

WAHYU 22:10

Dara onoʾ alda hnon lebokja, ”Ban nidyaʾ ununumnaʾ lebnaʾ danera, mandebnaʾ loboka, berra unuwanalabok anasa, ban buku ek an momnya dobokaʾ ara, anja hnon gunuwoka, mem an beknaʾ beilinaʾ ara mem.

WAHYU 22:12

”Aldib, dib nong ara, nara mek anam yanamnakanya, nimi nidyaʾ sikja unulumakaʾ sunuwoka deknesinaʾ anasa, deknaʾ en bo yanamna. Dara, nidyaʾ sikja unumekaʾ sunuwoka, gigiwoka eleganesin.

WAHYU 22:18

Dara, nara Yohanes bedya, nimi nidyaʾ ban buku enyek an, ununumnaʾ leboka momnya dobokaʾ ak kebnemak nim era, nadya lebnesinaʾ banyek keblulum: Heknedya ban unuwanamna aboka lebok yub enyek, nauba nenewoka maknamla dara, Imik Neyung anaba albabya, ban buku enyek an, malya nenewanesin aboka momnya dobok yub edya malya nenenaʾ ara, alba diriganamla.

WAHYU 22:7

”Aldib, dib nong ara, nara hyak berra yanamna. Anasa, ban buku enyek an unuwanamna lenaʾ anyek, dib senewoka ganya oloklelenya bera pe ulumla!” hyok.