WAHYU 20:4 - PERJANJIAN BARU NALCA YUBA

⁴ Dara onoʾ, nara perob ekla bunaʾ mandebnaʾ enyeb, an eilibik bulumek nang eb, hnon eibsa. Wera ban nang danyek, nimi yana lelen migib elegosukaʾ ak hnon eibsa. Dara onoʾ al neikek anera, nimi nidyaʾ Yesus bek laga leboka Imik Neyung yuba lero yabanaʾ amba leboka, ya nganga dakoka osik nang ganya ek hnon, eibsa. Sik an nang era, ban yu nongaʾ nong ak hnon, yokaʾ ak al nong sunuwoka memenaʾ ak anyek, gibnenggulumek nang. Dara ban nang dara, bisaʾ ak giblemak nang era an aboka, beknaʾ dibaʾ asok ak gom, soruk ak gom, an beknaʾ beilinaʾ era, orok nang. Ban nenesa leboka, sikda embengaʾ subeekanya, Kristus ab neikaʾ dub nang dangoka, seribu gibnaʾ ulumlya salek era, nimi nidyaʾ sokok nim ek wenewoka bo ulumekaʾ ak eibsa.

WAHYU 20:4 ပူးပေါင်းရင်းမြစ်များ

MATIUS 19:28

Wenyek Yesus adya sikenek, ”Ugunda hyak dib senewanalum: Imik Neyung bedya heikek ara, nimi dibaʾ me nera, alak imik nenemlyaʾ adya hyak perob nang ekla bunaʾ ak buknamla. Ban sum enyek, ugunda nadya yubaʾ donaʾ dibaʾ ululum nim era, senenggom obadya nang yilaʾ bun ekla bunaʾ ak sam bukoka, obadya Israeli nang yilaʾ ak yana lelelemnelum.

MATIUS 24:10

Dara ban salek era, nimi nauba yuba domeija bok dib senenaʾ ara dengaboka, waboka malya nenebdangoka obnelum aboka yuba dibdangdo yibinemak.

MARKUS 6:16

Wera danyek, Herodes bera Yesus ara anaso unulamla an yuba kebok dara, ”Wera aldib anara Yohanes Pembaptis, youmaʾ nadya ya nganga daklulum hesenya bek, wera seleb embengaʾ suboka bukoknya benyaʾ!” hyok.

MARKUS 6:27

Anasa Herodes bera yin bonaʾanya alak diri bo ulumoknya bek, Yohanes bedya huk enyek bo yalom aboka orugok dara, gasa ek biniboka ya nganga dakoka bo yok.

MARKUS 9:11

Anya sikda Yesus ak, ”Hekasa Yahudi yuba neksin nang edya dara, Elia benyek men yanamla alamak do?” aboka heibek.

LUKAS 1:17

Anya alda Wenelesilnya bek ab dara, alak men yuba lero bokol yangganya danamla. Dara alda Elia be ulumok sok, eili bera alaʾ me ak ganya dangawoka, ganya malya nim era pelemak nimi ganya ak dangawoka unuwanokaʾ aboka, hyak migibnya senenggomnya ulumnamla. Ban unuwanamlaʾ adya, Wenelesilnya bemba nimi nauba orowek meewoka beibnamla,” hyok.

LUKAS 14:14

Ban nang danadya dara, anak ara lunuwoka deknenggununjakaʾ anasa, anda pelelam. Anja sikenek pe unulusilimnya nera, nimi pe ulumak nim Imik Neyung adya embengaʾ suboka bukiyiwanasil sum enyek amba lunuwoka deknenggel,” hyok.

LUKAS 22:30

Anedya wera, nara mok soko dubnya danamna sum era, ugunda nablaboka neikaʾ ganya eiya daboka ulumnemab. Anya ugunda obadya senenggom nang ekla bunaʾ ak bukoka, onoʾ obadya nang nimi yilaʾ yana lelemnesulum,” hyok.

YOHANES 14:19

Mek anam binimnaʾ anasa, soko adya nak eibnenggununel bok, ugunda nak eillilimnenulum. Nab embengaʾ ulumnaʾ anasa, ugumbabya embengaʾ ulumnulum.

ROMA 11:15

Anasa sikja nunda lek hyek adya, yok mok soko nim enyek, Imik Neyung ab neikaʾ hibek. Dara ganya or perob senewoka dobneseng dara, wera somoknaʾ nang ek ab embengaʾ ulumak bok, yok damok hnon lanawanamso de?

ROMA 8:17

Anasa nunda alja mab ulumab dara, wera nunda alja misaʾ don nang ulumab. An wenyhenya nera Imik Neyung adya dobnemak hyokaʾ anyek, nunda Kristus ablaboka imik nenewesinok aboka alja ganya igina berenaʾ anyek dolomnemab dara, numbabya Kristus ablaboka neikaʾ dobnemab.

2 TIMOTIUS 2:12

Nunda pe ganya kaboka siklewoka ulumeibya dara, nunda eimik era, alab neikaʾ dub dangoka wenelemnemab. Nunda alak numba elgomnya alameibya dara, eimik era alba nuk anaba, nab elgom nimi henesil.

WAHYU 1:2

Dara onoʾ aldib Yohanes bedya aljaʾ dib heng yokaʾ adya eibukaʾ nidyaʾ ara, Imik Neyung adya lebok yuba hnon, anya Yesus Kristus amba len yuba hnon, ban bukuk sam laga lelemla.

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.

WAHYU 11:11

Bok liga winilyaʾ uboka, lika hnon bok loboka mabokaʾ seleb dara, embengaʾ unaʾ hibaʾ ganya era Imik Neyung bek ab, sikenek dibaʾ wekel yousuk. Dara anedya sikda embengaʾ suboka bukdek. Dara nimi nidyaʾ sikenek eibsik nim era, hyak nauba loka dabsuk.

WAHYU 11:15

Dara sek lero era, alja benggong lel yabokaʾ enyek, imik heikek lomok ara nauba yuba saro, banaso wenyalamek, ”Sokok an wenen yub ek dara, nunja Wenelesilnya Imik Neyung bedya, alja sekiyimoknya Kristus bedya hnon, danamlakanya, alda dubnya wenesinya dangoka hyak sobaʾ wenelmorulumnesil,” wenyaro balamek.

WAHYU 11:3

Anya nara nadya penya pe laga len nang ek ara, sikenek migibaʾ ak hnon eleganasin. Anedya sikda engenaʾ ganya boboka, liga seribu dua ratus enam puluh sum ununumnaʾ lelemnerak.

WAHYU 11:7

Wera sikda penya laga len nang era, seleb wenyabgogoweirija dara, yok embengaʾ gamyakaʾ yu nong ara, somoknaʾ gweren selengaʾ ak ab lanawalyakanya, sikenek we doboka oblamageisilyekanya, obnesil.

WAHYU 12:11

Dara nunja hemyab era, domba me eneng adya hnon, dib yub ak hnon, sikja laga lelemeknya nenedya, alak oblamagamek. Sikda sik nong anaba, or somogamnya anaba senewoka seleb unuru yabalamek nang.

WAHYU 14:11

Anya ban nim en singilimnamla uk solom era, hyak sob-sobaʾ lo welelemnamla. Hnonda, ban yu nongaʾ ab, yokaʾ anyek al nonga sunuwoka mememekaʾ ak, giblemak nim era, alja beknaʾ dibaʾ sikja asok ok gom, sorukuk gom, si nen ulumlya nim era, sikda yubyek inimnek hnon dek-deka sonaʾ orok anyek, sobaʾ gweklemnemak,” wenyaboka yuba yallebnaʾ leboka wenhyok.

WAHYU 15:2

Nen seleb dara, yokaʾ ak hnon, gwan mek ak heng kemeldanaʾ anaso ab, uk bokaʾ ab, an penya anera hiboka neikaʾ ulumokaʾ ak, nara eibsa. Dara ban mek gwan anaso gemek ara, yokaʾ anyek yu nongaʾ al nong anaso sununaʾ ab, alja einin nomor si ara enam ratus enam puluh enam ab, anya anyek oblamagamek nang ek seklemek. Dara ban oblamagamek nang era, Imik Neyung adya sikenek benggong elegesukaʾ ak, bo seklemek.

WAHYU 17:8

Ban yok yu nongaʾ eiblamaʾ ara, men dara ulumok bok, wenera unggulumla. Bok, alda somoknaʾ gweren selengaʾ lomok ab gobnamlakanya, onoʾ somoknaʾ ak sam binimla. Soko an anam uyiwanggom enyek, sikja si embengaʾ un buku lomok momnya dobnenggubsuk nim era, ban yokaʾ yu nongaʾ ara, men ulumok bok dengamokaʾ ara, onoʾ lanawanamlaʾ anyek eibnemak dara, hyak lokja senewoka ganya omom uboka loka dabnesil.

WAHYU 2:26

”Heknedya malya unaʾ ak ab oblamaganamlakanya, nadya unuwanok senelamnaʾ anyek unubmoruwanalanya bek ara, yok soko-yok soko nimi nidyaʾ wenewosululaʾ aboka, nadya neyung bek ab migib unaʾ domsa unaʾ enyek, onoʾ alak hnon eleganamna. Dara, Imik Neyung bukuk sam momnya dobok sok, Alda gasa gamaʾ dungunaʾ boboka mok soko me nidyaʾ alja dub dangoka wenelemnesilikanya, onoʾ alja soko adya memelemaknya jobol meneklemak sok, alja unub meneganesil.

WAHYU 20:6

Nimi nidyaʾ Imik Neyung mab ulumek bok, men somogorob nimi men subnemak nim era, or pe uboka, munaʾ ulumnamak. Nim eimik hnon sounuwoka somoganamaknya nera sikenek ara hnon mekaʾ bebeganggunusil. Sik nong ara, Imik Neyung ab, Kristus ab dadya, yuba wa gak nim ulumnemak dara, sikda hiboka Imik Neyung ab neikaʾ seribu badya gibnaʾ salek era, nimi nidyaʾ ak wenewoka bo ulumnesak.

WAHYU 22:5

Anya anyegeinira, gunaʾ ara hyak mekaʾ unaʾ orok uboka, Wenelesilnya Imik Neyung anyek, alak dilinaʾ uboka, sikenek yeblemnesilaʾ adya, sikda uk dilinaʾ yebnaʾ ab, heng dilinaʾ ab dara, lobnemak. Dara, sikda dub nang dangoka mok soko me nidyaʾ wenewoka hyak sobaʾ amba bo ulumnesak.

WAHYU 3:21

Nara malya unaʾ oblamagoka nadyaʾ neyung beb alja eklaʾ bunaʾ ak sam neikaʾ bulunuma sok, heknedya malya unaʾ ak ab oblamaganalanya bera, nadya bulumna ekla bunaʾ ak sam or neikaʾ buknenam aboka lebnamna.”

WAHYU 4:4

Dara, ban ekla bunaʾ en gogob dara-dara ara, yok domdaraʾ badya ekla bunaʾ hnon ulumookanya, wera an ekla bunaʾ eilib era, domdaraʾ badya nang, nonga kaboka wa borob nang era, geisa boksom ongob ligiwoka, sikja hukuk ara, emas huk golunaʾ golumek nang ek, anyekan bulumek.

WAHYU 6:9

Dara domba me ara lamnya beknaʾ denenaʾ bakal yabok dara, nara sik Imik Neyung yub amba hnon, laga pe lenaʾ sikja boboka lelemeknya nenesa leboka, seleb osik nang edya, sikja ganya era, uka daboka gibnaʾ oulyang damumduk sam eibsa.

WAHYU 7:3

lelemokja, ”Nunjaʾ Imik Neyung bedya wa wen nang ek, mem an beknaʾ enyek asok ak anam denewanggumeibya bok dara, soko ab mek gwan ab gal donggala nidyaʾ, soldel meneknaʾ ara mem!” alamok.