WAHYU 2:8 - PERJANJIAN BARU NALCA YUBA

⁸ Smirna heikek yuba donaʾ nimi lero ek ban unu: ”Ban yub enera men youmaʾ ulumokaʾ ara, onoʾ eimik sobaʾ ulmorulumnelanya bedya yuba, alda seleb somogoka onoʾ embengaʾ dangamoknya bedya yub era an.

WAHYU 2:8 ပူးပေါင်းရင်းမြစ်များ

ROMA 14:9

Wera nenesa leboka, Kristus ara seleb somogoka embengaʾ subuk. An unuwoknya nera, alda somoklemak nang ab, or embengaʾ ulumak nang ab, siksamba wenesinya dounun aboka unuwok.

WAHYU 1:11

Wera ban yub enedya nak, ”Anja seleb eiblamaʾ ara nidyaʾ momnya doboka, an momnya dobmen buku era, ban sekbadya heikek yuba donaʾ nim ek, Epesus, Smirna, Pergamus, Tiatira, Sardis, Filadelfia, anya Laodikia heikek hnon, beibnelam,” henyok.

WAHYU 1:8

Wenelesilnya Imik Neyung wen ulumlaʾ, youmaʾ men ulumokaʾ ara, onoʾ eimik yanalanya bera, onoʾ hyak senenggomaʾ migib ululanya bedya dara, ”Nak danyek, men ub einiwasenya bera onoʾ eimik sidyaʾ dakoka ubdaknanya ulumna,” alamla.

WAHYU 2:1

Epesus heikek yuba donaʾ nimi lero ek, ban unuwoka momnya dobnelam: ”Sekbadya guraʾ soruk ak salawookanya, sekbadya emas uk dininaʾ dam pik yabalelanya bedya yub era an lebsil.

WAHYU 22:13

Nak men youmaʾanya uboka, onoʾ eimik sidyaʾ daknanya ulumnakanya, al nak danyek, men eininaʾ ak abaʾ ara, onoʾ sidyaʾ einil daknaʾ amba Wenesinya ulumna,” hyok.