WAHYU 2:7 - PERJANJIAN BARU NALCA YUBA

⁷ ”Heknyek o yakaʾ ara, Imik Neyung Geisinya adya yuba donaʾ nim ek lelemlaʾ ara pe keblul! Heknedya malya unaʾ ak ab oblamaganalanya bera, Imik Neyung perob heik sam nim embeng unaʾ gal doka delemnamla henemna,” aro momnya dobnelam, hyok.

WAHYU 2:7 ပူးပေါင်းရင်းမြစ်များ

MATIUS 11:15

Ugunda o yakaʾ ara, hyak pe kebnelum!” hyok.

MATIUS 13:43

Dara, alda Imik Neyung ak pelemak nim era, al sikjaʾ neyung bedya wenelemnesil heikek sam henga dingib lomnaʾ anaso ak ulumnemak. Anasa wera, heknya o yakaʾ ara pe keblul!” hyok.

MATIUS 13:9

Yesus ara wenyaboka seleb sunuwoka lebgogowok dara, onoʾ lebokaʾ ara, ”Ugunda o yakaʾ ara, hyak pe kebnelum!” hyok.

MARKUS 4:9

Seleb sunuwoka wenyaboka yuba lebgogowok dara, onoʾ Yesus ara hnon lebokja, ”Heknyek ken damba o ulumla dara, alda pe keblul,” hyok.

MARKUS 7:15

Nimi malya nenelesilaʾ ara, sembejaʾ gebman denaʾ delemak adya malya nenenggulusil. Alda nimi ganya lomok sam ab goblelanya nedya, ganya malya nenelesil.

MARKUS 7:16

Anasa ugunda o yakaʾ ara pe kebnelum,” wenyaboka lebok.

LUKAS 23:43

Danyek Yesus adya benyek, ”Anak dib lebgen. Anda al sumen eneba, neikaʾ nab anab Firdaus heikek ulunam,” hyok.

LUKAS 8:8

Bok yinaʾ hnonda perob sokok malyingginiboka, pe bongowoka doka nauba moulumok dara, hnonda denga dombadya anaso moru balamok,” hyok. Yesus ara seleb wenyaboka sunuwoka lebgogowok dara, onoʾ lebokja, ”Heknyek kendamba o yakaʾ ara, pe keblul!” hyok.

YOHANES 16:33

Nadya ban orowek men ugunuk nidyaʾ laga lelesinaʾ ara, ugunda nablaboka seleb hnonok dangoka, perob ok ulululum aboka lelesin. Ugunda sokok an anam ulumun salek, yokaʾ-yokaʾ damok oka kwelemnesil bok, sokok an yokaʾ-yokaʾ damok ara, nadya seleb yu gom nenewasaʾ anasa, ugunja ganya siklewoka kaboka ulululum,” hyok.

1 KORINTUS 2:10

Bok, Imik Neyung adya nuk seleb alja Geisinya pik uboka, nuk memesuknya nenesa laga amasuk. Imik Neyung Geisinya adya yokaʾ-yokaʾ nidyaʾ ara, geklewoka ero yabalamla dara, onoʾ Imik Neyung adya anyek, unuwanamna senemna lomok doknomna anaba, laga gelewoka beillilamla.

2 KORINTUS 12:4

Bera alda imik heikek bo byuk dara, nim ek ella dangoka salalulum henggomaʾ, sabnamenggom yub enyek, kemok.

1 YOHANES 2:13

Neyung yab o, ban ugunuk momnya dobsinaʾ ara, men youmaʾ youbuka ulumoknya bek seleb ella ululumaʾ anasa, ubsin. Goubenya nang o, ugunuk ara yu hwam bisaʾ enyek seleb oblamakalumaʾ anasa, momnya dobsin.

WAHYU 13:9

Wera anasa, heknedya o yak dara, or keblul!

WAHYU 14:13

Wera an seleb dara, imik heik ab hnon lebokaʾ ak kebsenya nera, ”Banyek nidyaʾ momnya dobnelam: Wenyok ab mouruwoka, sik Wenelesilnya lomok uboka somoganamak nim era, pe ulumnamak!” aboka lebok. Dara, Imik Neyung Geisinya ara, ”Aldib!” hyok. Hnonda, ”Sikja igina berewoka welemeknya nera, jakmanaʾ danamlakanya, sikja welemekaʾ amba dara, deknaʾ dobnemak,” wenyaboka lebok.

WAHYU 15:2

Nen seleb dara, yokaʾ ak hnon, gwan mek ak heng kemeldanaʾ anaso ab, uk bokaʾ ab, an penya anera hiboka neikaʾ ulumokaʾ ak, nara eibsa. Dara ban mek gwan anaso gemek ara, yokaʾ anyek yu nongaʾ al nong anaso sununaʾ ab, alja einin nomor si ara enam ratus enam puluh enam ab, anya anyek oblamagamek nang ek seklemek. Dara ban oblamagamek nang era, Imik Neyung adya sikenek benggong elegesukaʾ ak, bo seklemek.

WAHYU 2:11

”Heknya o yakaʾ ara, Imik Neyung Geisinya adya yuba donaʾ nim ek lelemlaʾ ara pe keblul! Heknedya malya unaʾ ak ab oblamaganalanya bera, eimik somoknaʾ damoka lanawanamla sum era, alak bebeganggunumla,” aro momnya dobnelam, hyok.

WAHYU 2:17

”Heknya o yakaʾ ara, Imik Neyung Geisinya adya yuba donaʾ nim ek lelemlaʾ ara, pe keblul! Heknedya malya unaʾ ak ab oblamaganalanya bera, doknowoka ulumla mana gwaneng delom aboka elegoka, nadyaʾ geisa dangman girik era benyek eleganamna. Ban girik enyek ara, yok nim elgom ulumak. Alda sik dobnemak nim edya ok ella ubnemak wenyok si nenyek, momnya dorob girik ek eleganamna,” aro momnya dobnelam, hyok.

WAHYU 21:7

”Nimi malya unaʾ ak ab oblamaganalanya bera, ban lebnaʾ nidyaʾ eleganesinaʾ ara, dobnamla. Nara alja Imik Neyung danamna dara, alda nadya me danamla.

WAHYU 22:14

”Nimi nidyaʾ sikjaʾ ongon aklenga mek elekdob nim era, pe ulumak. Anasa, sikda embengaʾ un gal doka denaʾ hnon dobnemaakanya, perob pik uboka heik enyek an weknemak.

WAHYU 22:17

Dara, Imik Neyung Geisinya ab, Imik Neyung me ak dobnomok gel geb dadya dara, ”Wera, anyagan yoululum!” wenyalarak. Nimi nidyaʾ ban yub en kebnelanya bera, ”Or, yangganok!” henok! Anya heknyek mek ok ubnamla dara, wera or meka del youlul! Heknyek nara embengaʾ ulunun senewalenya bera, wera nim embengaʾ eleklesil mek enyek, or salyaʾ doboka del youlul!

WAHYU 22:2

Dara, heik enyegan naubaʾ yaban pik hnoumung era, mek en mabokaʾ ge dara-dara ara, nim embengaʾ eleklesil gala gong ek sekdo byuukanya, gibnaʾ hnonok dara, walaʾ elaʾ gigiro lika obadya moulumla. Dara, gal meklaʾ danedya meklaʾ era, nimi nidyaʾ soko nim merellisinaʾ amba ulumla.