WAHYU 2:3 - PERJANJIAN BARU NALCA YUBA

³ Anda nadya si amba leboka, igina kwelesilaʾ anaba siklewoka ululumukanya, hmengaʾ danggiga banggululam.”

WAHYU 2:3 ပူးပေါင်းရင်းမြစ်များ

MARKUS 15:21

Wera obnobaʾ aboka pikek bo bek dara, nimi be hnon, Aleksander beb, Ufus beb dadya sikjaʾ neyung, Kirene mokek abnya, Simon benyek, mek heikek abaʾ ara nauba heikek yanggokaʾ anyek, dukaʾ lolowoka, Yesus ak oboka glabnemek gal ek bobnelam aboka orugek.

LUKAS 14:27

Heknedya aljaʾ igin yakaʾ loboka, nak yanggananaʾ oroknya bera, alda nadya diriga bannya danggunumla.

LUKAS 18:1

Ban nen wenyaboka lebgogowok dara, Yesus ara alja yuba doro diriga ban nang ek, sikda ganya mounduk-mounduk anaʾ loboka sobaʾ heng uboka mololenokaʾ aboka, yokaʾ ak sunuwoka neksuk.

LUKAS 21:19

Ugunda ganya kaboka siklewoka ulumunaʾ adya, wera ugunja nong unaʾ blebdanalum,” hyok.

LUKAS 5:5

Danyek Simon bedya Yesus ak, ”Neyung neklesilimnya o, nunda inimnek pik hyak yeiriwoka hadyaʾ dobnob sene elmab bok, mekaʾ sibin anaba hnon doldonaʾ orok bok, wera neyung anja oruganelem anasa, naba hadyaʾ oumaʾ akleng doroganamna,” hyok.

LUKAS 8:15

Alda perob sokok sam yama yinggilimok aboka sunuwoknya nera, nim Imik Neyung yuba pe keboka, onoʾ ganya lomok beiyiboka pe uboka, bojam ulumak nim ek lebok. Dara ban nim era pe siklewoka ulumnekanya, yub ara pe yinaʾ meboka doka molulanya nera an,” hyok.

YOHANES 15:21

Bok, sikda nak bokol yeilinyoknya bek elgom ulumakaʾ anasa, nadya si nemba leboka, ban yokaʾ-yokaʾ ugunuk unulumnasak.

ROMA 12:12

Ganya we unaʾ ak ara eiyasaʾ we ululom, mekaʾ gebsinaʾ ak ara or malye sobaʾanya senelelom, anya heng uboka molonaʾ ak dara, ganya ologoka sobaʾ molololom!

ROMA 16:12

Sik Imik Neyung amba hyak yongowoka welerak gelewa, Trifena geb, Trifosa geb, perob aboka gibsin. Al Imik Neyung amba hyak yongowoka welelanya, nadyaʾ wanaʾ ulunanya, Persis bek perob aboka alsamba gibna.

ROMA 2:7

Wera an unuwanesilaʾ ara, sik pe ganya gouluwoka perobaʾ digumaʾ ak unulumakaʾ ara, perobaʾ senenggomaʾ ak elemakaʾ hnon, si imik nenenaʾ ak hnon, giginaʾ elemak nim ek hnon somoganggunumlaʾ digumaʾ ak elemakaʾ hnon, anasa sik an nim ek ara, embengaʾ unaʾ ak eleganesil.

ROMA 8:25

Bok nunda eilinggulumabnya nenesa ganya welemab dara, wera nunda ganya gouluwoka diri ulumnemab.

1 KORINTUS 13:7

Alda yokaʾ-yokaʾ nidyaʾ ara, pe siklewoka unulamla. Alda yok nim edya perobnya nek dib senelamla. Onoʾ, yokaʾ-yokaʾ adya sene galalamlaʾ anaba, dara onoʾ yokaʾ-yokaʾ ak anaba, hyak ganya siklelmoubuldalamla.

1 KORINTUS 16:16

Nara ugunuk ban men nang edya, unu pe welemaknya nenyek pe yeiriwoka welemak nang ek an, sikja yuba pe kelemnelum. Dara alak ok gom, alda nidyaʾ sik neik wa pe welemak nang, sikja yuba pe kelemnelum.

2 KORINTUS 10:15

Imik Neyung adya ugunda anyagan welemnelum aboka gamaʾ iknenggusukaʾ ak an, yok nim edya welemaknya nenesa nonggo anggulumab. Bok nunda hnonok senelemabaʾ ara, ugunja yuba dib senenaʾ anyek nauba danggiga balamnamla dara, nunjinya nauba dolul, senelemab.

2 KORINTUS 11:23

Sikda Kristus adya wa wen nang ulumak de? (Nara lobaʾ oronanya benesoʾ anyek lebnamna.) Nak danyek, Kristus adya wa wenaʾ nongnya ulumna! Nara Kristus wa yeiriwoka hyak nauba so welemna, anasemba leboka liga gong henga gouboka beillilenyek, hnonda sobaʾ saboka olonyek dara, liga gong somogeisinyaʾ ak elelloblonyok.

2 KORINTUS 4:1

Imik Neyung adya nuk angoo yadyek senewoka namen ubsukaʾ adya, ban wa nenera doboka welemab. Nenesa leboka, nunda okna bar aboka hmeng ganya bonggulumab.

2 KORINTUS 4:16

Ban anasa, nunda okna bar aboka hmeng ganya boboka unggulumab. Aldib nunja eilibik bokaʾ ak dara, blobgiga balalabok, ganya lomok ak dara, li sob-soba migib nenebgiga balasil.

2 KORINTUS 5:9

Nunda sokok an ulumab salek gom, imik heikek ulumnemab salek gom, ara Imik Neyung ganya anyek perobaʾ nenel eleklenob senewoka dulumab.

2 KORINTUS 6:5

Legebnaʾ debsinaʾ adya hnon, gasa ek beilisinaʾ adya hnon, nimi nauba irr aboka usinaʾ adya hnon, igin wa wenaʾ adya hnon, mabom bukom anaʾ adya hnon, denaʾ denggonggom ulsininaʾ adya hnon, laga amalamab.

GALATIA 6:2

Ugun moumen yok nim edya igin ulumlaʾ anyek, arawoka bobdangoka unulululum. Dara, Kristus adya unuwanalum an yuba pe unululumaʾ beknaʾ dangalamlaʾ ara an.

GALATIA 6:9

Nunda hmenga danggusilyebok dara, alja suma dalya dara, doka daknamabaʾ anasa, perob unulumab salek era, nauba unulamna senewoka sulmalya ganya boboka bulugul longgom, mem.

PILIPI 4:3

Nadya hem be an bojam ululamnya bek, ban penya lebna gelewa danyek pe aralesilomaʾ aboka molowagen. Klemens beb nimi yok nanga nab neikaʾ nadya welemna wa yeiriwoka welemouba, onoʾ sik penya gelewa dara, Imik Neyung adyaʾ perob lero yanggan yuba neikaʾ lero yabalemouba gelewa ek anara ulurak. Sikja si nidyaʾ ara Imik Neyung adyaʾ nim embengaʾ un bukuk sam ulusil. Anasa, aralesilom.

KOLOSE 1:11

Ugunuk yokaʾ-yokaʾ lanawanesilaʾ ara, ganya eiya daboka, or malye senewoka, migibaʾ bal morulululum aboka, alja perobaʾ senenggom migib edya ugunuk migib gebsulul.

1 TESALONIKA 1:3

Ugunda dib senewoka wa wenaʾ ak hnon, ugunda wanaʾ uldalalumaʾ ak hnon, ugunja Wenelesilnya Yesus Kristus yanamla senewoka ganya mel-mel aboka salalmoublelumaʾ ak hnon, banera nunja neyung Imik Neyung saramek sam sobaʾ beklemab.

1 TESALONIKA 2:9

Nunja ugun gangganek an nauba yeiriwoka duboka welemoubaʾ ara, ugunda seleb beklelumaʾ anyaʾ. Nunda Imik Neyung adyaʾ perob lero yanggan yuba ugunuk lero yeilisuba sum era, ugun nang enyek malya nenewoka obnebsibyek senewoka, inimnek yubyek pik nunja yeiriwoka welemouba.

1 TESALONIKA 5:12

Wera, kabo nim o, ugun gangganek wa nauba welemak nang era, Wenelesilnya bedya wa nenyek, ugunuk mengewoka welesak nang era sikenek gigilelulum e, alasab.

2 TESALONIKA 3:13

Bok neik perobaʾ ok sobaʾ unubgiga balamabaʾ lek ganya bonaʾ ara hyak mem.

2 TESALONIKA 3:5

Wera anadya Wenelesilnya bedya aralesilyekanya, Imik Neyung ara ugunuk yadyek senelesilaʾ anyek pe ella dolulumaʾ aboka hnon, Kristus adya dara, ugunja ganya daklinggoka unaʾ hnon elegosulul senelesab.

2 TESALONIKA 3:8

Nunda yok nimi denaʾ doboka denemna dara, hnon salyaʾ del lonaʾ ara unuwanggumouba. Alda nimi yok nang ugun gangganek anaba, ganya malya ub elegeibyek aboka, yubyek inimnek pik moruwoka sobaʾ wa yeiriwoka welemouba.

1 TIMOTIUS 4:10

Nimi nidyaʾ blebsinaʾ dubnya, Imik Neyung embengaʾ ululanya bek, dib nong ara, nu yuba dib senelemab nimi bleblesilnya bek eleganesin amokaʾ ara, dib eleganesil anyaʾ aboka, nunda duboka yeiriwoka welemab.

1 TIMOTIUS 5:17

Ugun yuba dololumaʾ ak pe weboka bo usin nang ek ara, ugunja li penya so sikenek ganya hek elegoka gigilelulum. Nauba so ara, Imik Neyung yuba yeiriwoka nekoka, lel eleklesak nang enyek anaso pe unulululum.

IBRANI 10:36

Ugunda Imik Neyung adya unuwanok senelamlaʾ anyek pe unulumunaʾ adya, pe ulumeijaʾ amba deknaʾ dobnemak hyokaʾ ara dib dobnelum aboka, ganya siklewoka pe ulululum.

IBRANI 12:1

Wera nuk kemelesak nim era nuk goulub ganagok debaʾ anasoʾ anyek ulumakaʾ anasa, wera nuk igina ul eleklesilaʾ nidyaʾ ab, men meknewaneseng malya unaʾ eb dara loboka, ugunsamba yeiriwoka bik-bik aboka unulululum hyokaʾ ak ara, ganya gouluwoka bik-bik alamnamab.

IBRANI 13:13

Wera anasa, nunda alja alya daboka derenaʾ anyek dobnobaʾ aboka, alak sam e weilik beiyik binimab.

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.

IBRANI 6:12

Nunja dara, ugunda sulmalyaʾ ganya bonaʾ ara mem. Nim Imik Neyung adya eleganesin amokaʾ ak dib senewoka, ganya siklewoka pe diri ulumeekanya domek nim ek ulumek sok, ugumbabya sik diligaʾ diliwoka pe ulululum senelemab.

IBRANI 6:15

Imik Neyung adya anaso lebok dara, Abraham bera aldib eleganenelaʾ anyaʾ senewoka ganya siklewoka diri ulumok dara, wera Imik Neyung adya alak lemokaʾ sunuwoka gigiwoka elegok.

2 PETRUS 1:6

Dara, ugunda geremseng nang uboka, hnonda ugun nong anyek pe diri uldalalulum. Dara onoʾ pe diri uldalamunuk ab dara, yokaʾ-yokaʾ lanawanamlya sum enesa leboka, ugun nong ara ganya migibaʾ gebdangoka pe ubmoruwanob senen ulululum. Onoʾ ganya migibaʾ gebdangoka pe ulmorulumunuk ab dara, Imik Neyung adya anaso ubseng senelamlaʾ sunuwoka ulululum.

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.

WAHYU 3:10

Anda nadya yub ek dib senewoka pe siklewoka unululamaʾ anasa, nababya amba lunuwoka soko me nidyaʾ igina kwebnesil sum ek ab kemero ubnenggen. Ban unuwanamlaʾ ara soko nimi nidyaʾ ak sunuwanasil.”