WAHYU 19:19 - PERJANJIAN BARU NALCA YUBA

¹⁹ Anya nara, ban yu nongaʾ ab, sokok an wenesin nang gong eb, sikja yin bonaʾ nang gong eb dara, sikda kul kuda pam abagamoknya beb, alja yin bonaʾ nang eb danyek, mala boboka obdanobaʾ aboka seleb mamagamekaʾ ak eibsa.

WAHYU 19:19 ပူးပေါင်းရင်းမြစ်များ

WAHYU 11:7

Wera sikda penya laga len nang era, seleb wenyabgogoweirija dara, yok embengaʾ gamyakaʾ yu nong ara, somoknaʾ gweren selengaʾ ak ab lanawalyakanya, sikenek we doboka oblamageisilyekanya, obnesil.

WAHYU 14:9

Dara onoʾ winilinya lero hnon, ban men penya lero ek dolgounul yeindeboka lebok ara, ”Yu nongaʾ ab, yokaʾ anyek al nonga sunuwoka mememekaʾ ak, giblemak nim era, alja beknaʾ dibaʾ sikja asok ok gom, sorukuk gom, ulumlya nim era,

WAHYU 16:14

Wera ban hyeiya anasoʾ ara, hyak yu hwam unaʾ ganya enyek, yokaʾ-yokaʾ mengewoka unuru yibilimek. Dara ban winilya ganya yu nong era, nidyaʾ soko me bilimeekanya, wenewoka bo un dub nang ek, Imik Neyung hyak migib ululanya bedya senenggom sum enera, obdanok aboka, mamagiyiweisik.

WAHYU 16:16

Dara alda, Ibrani yub adya dara, Harmagedon alamak olok, sik dub nang era, anyagan mamagiyiweisik.

WAHYU 18:9

”Hnonda sokok an wenesin dub nang era, alak neikaʾ salyaʾ salawoka ulumeija nang era, onoʾ ban gel gedya dub dangoka pe ulumakaʾ bokoka domek nang enyek, sikda alak uka delemlya soloma welelamlyaʾ eibnemak dara, alsamba ganya ingmuna berewoka engewanamak.

WAHYU 19:21

Wera ban abaksin pam eilib abagamoknya bedyaʾ sibamaʾ ak ab goblomok parang enedya, yok isaʾ nang era, nidyaʾ saboka hyakaʾ obsuk. Dara wining mandebnaʾ ara, gong-gong yeiniboka obsuk nanga soub enyek delemeekanya, mona bulusukaʾ ak eibsa.