WAHYU 19:18 - PERJANJIAN BARU NALCA YUBA

¹⁸ ugunda mok soko wenesin nang edya soub eb, yina bonaʾ dub nang edya soub eb, mal si sinaʾ uboka oldanaʾ geremseng nang edya soub eb, abaksin pam soub eb, pam enyek an abakna nang edya soub eb, or mek nang gom, senenggom nang gom, sikbeyok un nang gom, nim amba wa salyaʾ wen nang gom, sikja soub eb danyek, or denelum anasa, yoululum,” wenyaboka bii al yabokaʾ ak eibsa.

WAHYU 19:18 ပူးပေါင်းရင်းမြစ်များ

MATIUS 24:28

Blol mana ulumna digum ara, nimi beʾ dakna wining, sam wining era, anyagan ourulumak,” hyok.

LUKAS 17:37

Yesus alja yuba doro diriga ban nang edya, ”Wenelesilimnya o, ban ara hanyagareb unuwanamla do?” hyek. Dara Yesus adya lebokaʾ ara, ”Hanyagarek blonaʾ yakaʾ ulumla dara, anyagan ara songaʾ den wining ulumla,” hyok.

WAHYU 11:18

Yok-yok mok soko nim era, yu ganya bolomek bok, anja yu ganya era, seleb yal. Dara seleb somogek nim emba yana lelesin salek era, seleb dal. Anya anja wa wen nim era, ununumnaʾ len nang eb, munaʾ Imik Neyung mab ab, anja si nek lok ganya boboka ulumak nim eb, deknaʾ eleksin salek seleb dal. Nimi mek nang eb, senenggom nang eb dara, nidyaʾ hiboka eleksin salek era, seleb dal. Dara sokok malya nenewoka unun nim ek, malya nenewoka osin salek era, seleb dal,” wenyalamek.

WAHYU 13:16

Dara nimi, meknya naubenya gom, bonaʾ dub nang garen nang gom, wa wennya oruksinya gom nimi nidyaʾ ara, ban gamyakaʾ enedya, yokaʾ anyek, beknaʾ dibaʾ, ugunja soruk gom, asok ok gom, beiblulum aboka orugosuk.

WAHYU 17:16

Dara, bonga sagobadya eiblamaʾ ara, ban yokaʾ yu nongaʾ ab dadya, dongon gel gek hyak lek senewanamak. Hnonda sikda alja hekaʾ ok alak ulumlyaʾ nidyaʾ ara doboka, nong baneng nenewanamak. Anya, alja nong soub era gweboka deregoka, onoʾ uk adya dengaboka dabnemak.

WAHYU 19:5

Ban nen berem ara, senenggom ekla bunaʾ ak ab, yuba hnon lanawokaʾ ara, ”Nunjaʾ neyung Imik Neyung ak giblelulum e! Wei, or mek nanga nauba nang, ugun alja wa wen nang nidyaʾ, ugun alak lok ganya bolulum nang era, onoʾ weneba alak gigilelulum e!” wenyalamek.

WAHYU 6:15

Wenyek sokok sam an wenesin dub nang eb, si sinaʾ senenggom nang eb, yin bonaʾ dub nang eb, bonaʾ dub nang eb, migibaʾ obleboka un nang eb, wa orugan enyek wen nanga nidyaʾ ab, yoknya bedya dangoka un gom nang eb dara, ban mok mein enyek an welewoka buru yibilimok girik lum pik hnon, dunuwoka bulumla girik sen-sen pik hnon murugul balamek.