WAHYU 19:14 - PERJANJIAN BARU NALCA YUBA

¹⁴ Dara imik heikek sam yin bonaʾ ulumak nanga nidyaʾ ara, perobaʾ geisa boksom ok ongob dirigoka, nim abaksin pama, kul pam ek bukoka alak diriga yabalamek.

WAHYU 19:14 ပူးပေါင်းရင်းမြစ်များ

MATIUS 21:5

”Anda Sion heikek sam, anjaʾ dubnya bera wera yanggal, henelam. Alda ganya sokok nenebdangoka, nimi mekaʾ abaknaʾ orokaʾ abaksin pam ek buka yalamla, henelam,” amoknya nenyek gigiwolulaʾ aboka ubok.

MATIUS 26:53

Anja dara, alda alja neyung bek lero nanga denga yubaʾ obadya nang anaso berra aral yananokaʾ aboka molowanggunumso senelam de?

MATIUS 28:3

Dara, lero enedya hogung senedyaʾ ara ebnaʾ anaso uboka, alja ongomok akleng era im duk-dukaʾ geisa anaso ak ublomok.

2 TESALONIKA 1:7

Wen ugun an yokaʾ adya igina kwelesil nim ek hnon arawanasil dara, onoʾ nuk anaba neik so arawanasil. Anasa Imik Neyung ara imik heikek abaʾ ara aljaʾ senenggom migib lero nang neikaʾ hiboka yingginimak sum enyek unuwanesil,

YUDAS 1:14

Adam bek abaʾ li seknya likimeknya Henokh bedya, ban nang ak ununumnaʾ lebgogomokaʾ ara, ”Nimi nidyaʾ ak yana lelewosunun aboka, Wenelesilnya bera, aljaʾ geisa ganya ulumak nim eb, denga yubaʾ gong-gong yanamak. Nim adya malya unaʾ pik balamaakanya, hyak nauba meknewoka malya ulumak ununaʾ nidyaʾ anasa, yana lelewanesil. Onoʾ, nimi malya ulumak nim edya, Imik Neyung ak derewoka walamaknya nenesa, yana lelewanesil.”

WAHYU 14:1

Onoʾ nara kemedesa enyek, na saramek sam ara, domba me ara Sion meinik seklemokaʾ ak eibsa. Wera alablaboka dara, alja si ab, alja nei bedya si neb, sik asok ok momnya dorob nang era, seratus empat puluh empat ribu nang ab neikaʾ seklemek.

WAHYU 14:20

Dara, ban anggur galdok londenaʾ ak ara, heik gogobok londelemekaʾ ak ara, anyaganyeb eneng ara mek anasoʾ anyek, mok so ara tiga ratus kilometer anaso uboka, lomok so dara, dua meter anaso ma yabalamok.

WAHYU 17:14

Anya sikda domba me ak mala boboka oldalamnamak. Bok ban domba me ara nidyaʾ wenelesak nang sikja senenggom Wenelesilnya ulumnamlakanya, nidyaʾ dub nang dubnya ulumlaʾ anasa, alab, sikenek weboka doboka alak bojam ulumak nang eb dadya, oblamaganamak,” wenyaboka nekenyok.

WAHYU 19:11

Dara onoʾ hnon eimik so danyek, imik heikek ara gaboka, wera nim abaksin pama, kul pam ek eibsa. Pam en abagemoknya bedya alja si nera Bojam hwam uboka, dib nongnya aboka simek. Alda nimi henga goubnaʾ ab, mala weboka oldanaʾ ab dara, pe senenya loboka yana lelelesil.

WAHYU 19:8

Anya nimi gel dobnamnaʾ anasa ongolomakaʾ melelaʾ namenaʾ uboka geisa perob akleng era, ongowolulaʾ aboka seleb alak an elegal,” wenyalamekaʾ ak kebsa. (Ban melelaʾ namenaʾ boksom era, munaʾ Imik Neyung mab adya, sikja perobnya unulumakaʾ ara an.)

WAHYU 3:4

”Bok, an Sardis heikek ara nimi hnon nim era, nadya boksom sembejaʾ ubnelyek senewoka pe ulumakaʾ ak ella ulumna. Ban nim enyek dara, sikda anaso unuwaneseng hogunga geknelemlaʾ anasa, geisa akleng ongowoka nab neikaʾ yabalemnemab.

WAHYU 4:4

Dara, ban ekla bunaʾ en gogob dara-dara ara, yok domdaraʾ badya ekla bunaʾ hnon ulumookanya, wera an ekla bunaʾ eilib era, domdaraʾ badya nang, nonga kaboka wa borob nang era, geisa boksom ongob ligiwoka, sikja hukuk ara, emas huk golunaʾ golumek nang ek, anyekan bulumek.

WAHYU 7:9

Nen seleb dara, nimi mandebnaʾ hyak einildaknaʾ oknaʾ anyek, senenggom dub ekla bunaʾ ak, domba me adya saramek seklemekaʾ ak eibsa. Dara, seklemek nim era, nidyaʾ yok-yok mok soko ulumak nim ek ab hnon, nidyaʾ yok-yok nimi yilaʾ ulumakaʾ ek ab hnon, nidyaʾ sikja nimigumaʾ yok-yok unulumak nim ek ab hnon, nidyaʾ yok-yok yuba salamak nim ek ab hnon, an nimi gong danyek ulumek. Sikda geisa dolungnaʾ akleng ongowoka, anya yokol meklaʾ sikja soruk ak leb salawoka bo seklemek.