WAHYU 19:11 - PERJANJIAN BARU NALCA YUBA

¹¹ Dara onoʾ hnon eimik so danyek, imik heikek ara gaboka, wera nim abaksin pama, kul pam ek eibsa. Pam en abagemoknya bedya alja si nera Bojam hwam uboka, dib nongnya aboka simek. Alda nimi henga goubnaʾ ab, mala weboka oldanaʾ ab dara, pe senenya loboka yana lelelesil.

WAHYU 19:11 ပူးပေါင်းရင်းမြစ်များ

YOHANES 1:51

Onoʾ Yesus alak, ”Ugunuk dib lebsin, ugunda nidyaʾ ara im pik bakoka, Imik Neyung lero nang adya nimi dibaʾ me ak wele golugoka ulumnamakaʾ eibnelum,” hyok.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

WAHYU 1:5

Anya Yesus Kristus yuba bojam laga lelesilnya bedya ugunuk ban nidyaʾ elegoka ulusulul. Yesus nong anyek, alak men nimi somoknaʾ ak ab suboka embengaʾ bukiyimoknya uboka, onoʾ al nong anyek nidyaʾ soko dub nang ulumakaʾ sikenek wenewoka bo usinaʾ dubnya ulumla. Dara alak, al Yesus ara nuk wanaʾ uboka, alja eneng edya, nunjaʾ malya unaʾ ak sam ab, blebsuknya bek,

WAHYU 11:19

Wenyek Imik Neyung bedya e imik heikek ara, bak lobookanya, alja orowek mem golongaʾ era, seleb laga dookanya, ebnaʾ ab, liming yub gururu anaʾ ab, sogoumaʾ ab, saragenaʾ mok dok ab, anera nauba ul yabok.

WAHYU 19:19

Anya nara, ban yu nongaʾ ab, sokok an wenesin nang gong eb, sikja yin bonaʾ nang gong eb dara, sikda kul kuda pam abagamoknya beb, alja yin bonaʾ nang eb danyek, mala boboka obdanobaʾ aboka seleb mamagamekaʾ ak eibsa.

WAHYU 19:21

Wera ban abaksin pam eilib abagamoknya bedyaʾ sibamaʾ ak ab goblomok parang enedya, yok isaʾ nang era, nidyaʾ saboka hyakaʾ obsuk. Dara wining mandebnaʾ ara, gong-gong yeiniboka obsuk nanga soub enyek delemeekanya, mona bulusukaʾ ak eibsa.

WAHYU 3:14

Laodikia heikek yuba donaʾ nim lero ek unu momnya dobnelamaʾ ara: ”Ban yub enera, Amin, yo aldib anaʾ damnya, yokaʾ-yokaʾ eiyiwoka aldib ulumla aboka, bojam uboka dib nong ok lelelanya, anya Imik Neyung adya yokaʾ-yokaʾ uyiwokaʾ nidyaʾ gaknya bedya yub era ban.

WAHYU 3:7

Filadelfia heikek yuba donaʾ nimi lero ek ban unu momnya dobnelamaʾ ara: ”Ban yub enera, hyak geisa uboka, hyak dib nong ululanya bedya yub era ban. Dara, Daud bedya pik baknaʾ era alja bo ulumla. Alja pika baknamso dara, nimi yok nang edya seregamenggom, anya onoʾ alja sereganamso dara, yok nang edya anaba baknamenggom.

WAHYU 4:1

Wera nen nidyaʾ seleb dara, nara kemel yabasa enyek, imik heik sam ara pika hnon bakokaʾ ak eibsa. Dara, men danyek, poo anaʾ benggong yub anasoʾ ak kemsa yub enyek, onoʾ anaso anyek wenyal yabokaʾ ak kebsaʾ ara, ”An nen seleb dara, eimik hekaʾ unuwanamla anyek, anak amawanenggen anasa, anyagan wele yalom,” hyok.

WAHYU 6:2

Onoʾ nara kemelamsa enyek, wera, nim abakna pam kul pam ek hnon eibsa. Pam en eilib abakamoknya bera, yina salamookanya, alak ara dub nang goululumak huk goulunaʾ anyek elegok. Anya, alda ollamaklelanya benesonya bek adya, onoʾ oblamagoka alawoka dobnunaʾ aboka yanggokaʾ ak eibsa.