WAHYU 19:10 - PERJANJIAN BARU NALCA YUBA

¹⁰ Wenyek, nara al yan berem oumuwoka gibnunaʾ ul yabasa bok, alja dara, ”Anaso ununaʾ ara mem! Nababya anaso uboka, an kabo Yesus ak laga lemok yub ek salawoka ulumak nang eb, neik wa wen nang ulumab. Alda Imik Neyung ok giblelom!” wenyhenyok. Anasa Yesus ak laga lenaʾ ara, ununumnaʾ len ganya era an.

WAHYU 19:10 ပူးပေါင်းရင်းမြစ်များ

MATIUS 4:10

Yesus adya Iblis ak, ”Satan o, anda hyak bilom! Imik Neyung yuba bukuk sam momnya dobokaʾ ara, Anjaʾ Wenelenggelnya, Imik Neyung bek giblemenekanya, alak ok arawoka welelom! wenhyok,” hyok.

MARKUS 5:22

heik enyek an Imik Neyung e damnya, alja si Yairus bera yeindeboka, Yesus ak okoka eibuk dara, koma lumugoka oumuwoka gibuk.

MARKUS 7:25

Dara gela hnon alja gelma bisaʾ gologomok gel gedya, Yesus ara yeilimla an yuba kebookanya, alda Yesus ak yeiniboka koma lumugoka gibuk.

LUKAS 1:19

Dara onoʾ on lero enedya Zakharia bek, ”Na anera Gabriel, Imik Neyung al dam uboka aranaʾanya ulumna. Dara Imik Neyung adya Zakharia bek wenyal bilom aboka bokdo dorogonelaʾ ak, ban perob yub enera wenyal yeilinggen.

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.

YOHANES 5:39

Ugunja dara, Imik Neyung yuba momnya dobokaʾ einiwoka ulumeibya adya embengaʾ unaʾ dobnemab senewoka nauba einililum. Wera, ban bukuk sam anaba nasamba geklewoka yuba lelelabok,

RASUL 10:43

Men ununumnaʾ lelemek nang eneba alsamba yuba geklewoka lelemek. Dara, sik lelemek yub era, ban wenyaboka lelemek ara, nimi nidyaʾ Yesus si ak dib senewanamak dara, Yesus migib adya sikja malya unaʾ memelemnesil, hyek,” hyok.

RASUL 13:27

Anasa, Yerusalem heik ulumek nim eb, sikja dub nang eb dara, Yesus ara nimi blebsinaʾ dubnya senen ganya bobnenggumek. Sikda ununumnaʾ lelemek nang edya Sabat mem sum sikenek einilisik yub era, wera Yesus ak henga geregoka obek dara, ban unulumekaʾ nong adya, wera anadya ununumnaʾ lelemek nang edya lelemek yub era dib gigimok.

2 KORINTUS 8:7

Anasa wenyek dara, ugunda yokaʾ-yokaʾ pe unululumaʾ yak nim ululum. Yuba dib senenaʾ hnon, perob yuba sanaʾ hnon, perobaʾ ella danganaʾ ak hnon, ganya gouluwoka aranaʾ ak hnon, nuk sam wanaʾ ulusulumaʾ hnon, ban nidyaʾ pelelumaʾ anasa, an yok nim ek aranaʾ anaba hyak nauba perobnya nedya unulululum.

EPESUS 5:15

Wera anasa, ugunja nong unaʾ era pelemab gom, orok gom aboka pe diri uldalalulum. Nimi dongdang alamak nim edya unaʾ loboka, alda geremseng nimi ganya boboka ulululum.

EPESUS 5:33

Bok onoʾ Imik Neyung yuba wenyalamlaʾ ara, ugunsamba hnon lelemlaʾ ara ban: Nenya ara al damnya wanaʾ uldalamla sok, alaʾ gel ak wanaʾ ululul; dara onoʾ gel ara alaʾ nenya ak, nadyaʾ dubnya senewoka giblelul.

PILIPI 3:3

Nera nuk danyek bolaʾ garanaʾ dibaʾ ara seleb domouba, sikenek dara orok. Nunda Imik Neyung giblemabaʾ ara, Imik Neyung Geisinya adya bo ulusilaʾ adya giblemab dara, onoʾ nunda Yesus Kristus ab seleb neikaʾ kwebdangoka ulumabaʾ adya perob aboka giblemab. Nunda sokok an seʾ nim adya ok ganya doboka unulumaknya nek ganya dib beiliwoka unggulumab.

1 TESALONIKA 5:15

Malya ubnyok senewoka, onoʾ saawoka albabya diriganamna seneweijek aboka, pe kemero ulumnelum bok, ugun dam nang ak hnon, perob dolulaʾ aboka unulumunjok onoʾ nimi yok nim ek hnon, perob ok unulumnalum.

IBRANI 1:14

Wera anaso dara, lero nang era, dib nongaʾ ara hek nang ek ulumak do? Lero nang ek dara, sikda Imik Neyung bedya wa welemak nang ek uboka, nim Imik Neyung adya blebnamla nim ek ganya arasinaʾ amba ulumak nang ek ulumak.

IBRANI 12:25

Dara ugunda ban yuba leboknya bek lobmunuk aboka pe keboka unulululum. An nenera sik alak sokok an Imik Neyung yuba leboknya benyek lomek dara, sikda hyak merewanggumek. Anasa nunda wanok, nunda alak imik heik ab yuba salalanya bek lobnemab dara, merewanggunumab.

1 YOHANES 5:10

Anasa ban nenesa leboka, Imik Neyung alja me nek dib senelemak nim era, ban laga lelemla yub enera, seleb ganya lomok ulusil. Bok Imik Neyung ak dib senenaʾ orok nim era, Imik Neyung ara sondaʾ lelelanya nenelemak. Ban unulumaknya nera, Imik Neyung adya alja me nemba lelemlaʾ anyek dib senenggulumakaʾ adya sondaʾ lelelanya nenelemak.

1 YOHANES 5:21

Najabo yab o, ugunda yokaʾ-yokaʾ sunuwoka giblemakaʾ ak abaʾ ara mok nenewoka ulululum e.

WAHYU 1:1

Ban buku enyek an momnya dobokaʾ ara, Yesus Kristus adya eimik unuwanalanya nemba yub ek ulumla. Imik Neyung adya dara, Kristus ak onoʾ alja wa wen nim ek eimik men berra unuwanamlaʾ anyek aawosululaʾ aboka elegok. Ban nenesa leboka Kristus adya dara, alja lero pik uboka, alja wa wenya Yohanes bek nekok.

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.

WAHYU 12:11

Dara nunja hemyab era, domba me eneng adya hnon, dib yub ak hnon, sikja laga lelemeknya nenedya, alak oblamagamek. Sikda sik nong anaba, or somogamnya anaba senewoka seleb unuru yabalamek nang.

WAHYU 12:17

Unuwokaʾ anasa, ban naga bagaʾ era hyak yu nong berewoka, gel gen nimi yilaʾ yok nim ek, Imik Neyung adya oruksin yub pe keboka unulumek nim eb, Yesus adya laga lenaʾ bolomek nim eb danyek, waregoka norowousuk.

WAHYU 14:7

Anya ban lero era, bii aboka, ”Imik Neyung adya nimi yana lelesin salek era, seleb yalaʾ anasa, Imik Neyung ak lok ganya boboka, aljaʾ si imik nenewoka, alak geklewoka giblelulum. Anya al im ab, soko ab, mek gwan ab, mek lu nidyaʾ uyiwoknya benyek, koma lumugoka giblelulum!” wenyaboka lebok.

WAHYU 15:4

Anasa Imik Neyung o, heknedya anak ara loka dabnenggununggeso do? Onoʾ heknedya anja si imik nenewoka gibnenggununggeso do? Anasa anak ok hyak geisa nong ak ululam. Hnonda anja yuba saboka memenaʾ anyek, nimi seleb nauba eillilimak anasa, yok-yok mok nimi nidyaʾ ara, anak gibil yalemnenjak,” wenyaboka seblemek.

WAHYU 19:9

Dara onoʾ lero adya nak hnon, ”Banyek momnya dobnelamaʾ ara, Sik domba me gela dobnamlaʾ ak an masa del yanalum henesil nim era pe ulumnamak, momnya dobnelam,” henyok. Dara onoʾ hnon lebokja, ”Ban lebna yub dara, Imik Neyung bek ab uboka, hyak aldib nongaʾ ak lebna yub era an,” wenyhenyok.

WAHYU 4:10

domdaraʾ badya nonga kaboka wa borob nang dara, ekla bunaʾ ak bulumoknya be saramek sam koma lumugoka dunuwoka oumub ligiweekanya, alak sob-sobaʾ ululanya bek eiya hlaboka gibek. Dara sikja meilik huk golunaʾ ara ban ekla bunaʾ dam enyekan, boro boboka lelemekja,