WAHYU 18:20 - PERJANJIAN BARU NALCA YUBA

²⁰ Hnon kebsenya nera, ”Dara Imik Neyung ara, alja ugunuk unulusukaʾ ara, seleb lunuwoka alba dirigalaʾ anasa, wei, imik heik o, ganya heklom. Wei, munaʾ Imik Neyung mab o, yuba lenaʾ gak nang o, ununumnaʾ len nang o, anera hyak pewal senewoka ganya heksulul!” wenyaboka lebokaʾ ak kebsa.

WAHYU 18:20 ပူးပေါင်းရင်းမြစ်များ

EPESUS 2:20

Wera Yesus Kristus ara men ikimok egomnaʾ uboka, yuba lenaʾ gak nang eb, ununumnaʾ lelemek nang edya ikimek egomnaʾ ak, ugunda anyagan makoka sobsuk.

EPESUS 3:5

Imik Neyung adyaʾ ban yub enera, youmaʾ dara, doknomokaʾ adya, anyek unuwanasin aboka nim ek laga aawanggusuk bok, wenyek dara, Imik Neyung Geisinya adya dara, Imik Neyung alja yuba lenaʾ gak nang ak hnon, ununumnaʾ len nang ak hnon, laga aawousuk.

EPESUS 4:11

Kristus adyaʾ nim ek elegousukaʾ ara, hnonda yuba lenaʾ gak nang elegousuk, hnonda ununumnaʾ len nang elegousuk, hnon nang era Imik Neyung adya perob lero yanggan yuba len nang elegousuk, hnon nang era yuba nekoka gereja bo un nang elegousuk.

2 PETRUS 3:2

Nadya ugunuk unuwanasinaʾ ara, Imik Neyung adya geisa ununumnaʾ lelemek nang edya youmaʾ yuba ugunuk nekesikaʾ anyek pe seiniwoka ulululum, hnonda Imik Neyung yuba lenaʾ gak nang edya ugunuk neklesakaʾ anyek, nimi blebsinaʾ dubnya dangoka wenewanasil yub enyek bekoka ulululum.

YUDAS 1:17

Bok, nadya wanaʾ ulusin hemyabo nim o, nunja Wenelesilnya Yesus Kristus amba yuba lenaʾ gak nang edya, ugunuk men leb elegesik yub enyek, pe beklelulum.

WAHYU 12:12

Wera anasa, imik heik ab, ane lomok nidyaʾ ulumunya nera, eiya hlaboka globlulum! Bok bisaʾ dubnya Iblis ara, seleb yinggilaʾ anasa, sokok mekek ululum nang nidyaʾ o, hyak lobaʾ nenewoka obnesilaʾ ak ululum. Iblis ara unun salek era seleb mek ok ubla senewoka seleb ella ublakanya, hyak yu asaʾ ganya bolomla,” wenyaboka lebok.

WAHYU 18:6

Dara, alja ugunuk unulusukaʾ sunuwoka, onoʾ albabya unuwanalum. Anya alja unulusukaʾ amba dara, anyek ugunsamba beiyisuk sok, onoʾ albabya lunuwoka penya yandara diriganalum.

WAHYU 6:10

Anya sikda hyak yeiriwoka bii aboka, banaso wenyalamek, ”Ai, hyak migibaʾ senenggomaʾ yangawolumnya, hyak geisikanya, aldib ok unululamnya o, anda nunja eneng emba leboka, sik sokok ulumak nang ek diriknaʾ ara, lika hekbadya so ublya ek yana lelenaʾ lolomnalam do?” hyek.