WAHYU 18:15 - PERJANJIAN BARU NALCA YUBA

¹⁵ Dara ban dek girigoka alak ab dub dangameija nang era, alak ganya okna daboka unaʾ anyek, nuk doroweisilyek aboka, mok diri seklemnemak. Hnonda sikda ganya ingmun berewoka engewoka,

WAHYU 18:15 ပူးပေါင်းရင်းမြစ်များ

MARKUS 11:17

Dara onoʾ Yesus ara anyagan longomek nim ek nekel yabookanya, wenhyokaʾ ara, ”Bukuk momnya dobokaʾ ara, Nadya e nera nidyaʾ mok nim emba heng uboka molonaʾ e henemak aboka momnya dobnenggubuk de? Bok ugunja danyek, malya nang edya murukna oulyanga seleb geblum,” hyok.

RASUL 16:19

Dara, gel dam nang edya, ek wa weboka ununumnaʾ lelemla adya rupiah nauba dolomab bok denghelaʾ senemek dara, sikda Paulus beb, Silas beb salawoka, deknaʾ gasaʾ ak sam gliboka bo biniboka henga geregoka dub nang ek sam bo bilimek.

WAHYU 18:12

Anya, sikja emas bonaʾ gom, perak bonaʾ gom, dangman gom, meilik gom anaba, hnon deknenggunumak. Hnonda, goulun boksom gom, namenaʾ anyek ongon boksom gom, imengen gwaneng bunduk boksom gom, goron boksom gom, onoʾ yok-yok perob gal eneba, dobnenggunumaakanya, nauba deklemek perob-perob gal eb, gaja pam bong ab, besi bonaʾ gasaʾ ab, tembaga bonaʾ ab, yok perob girik eneba, hnon dekoka dobnenggunumak.

WAHYU 18:13

Anya onoʾ, perob gal bokaʾ ab, doknaʾ galdok ab, so meklaʾ ab, weik ab, perob song meklaʾ ab, anggur ab, pam mek ab, gwaneng werenaʾ aso ab, gandum ab, sapi pam ab, domba pam ab, abaksin pam ab, gliboka bo yabasin ekla bunaʾ ab, wa arawoka wen nang eb, anya nimi nong anaba, hnon dekoka dobnenggunumak,” hyok.

WAHYU 18:14

”Anasa ban bonaʾ dekdo yaben nang era, ban gel genyek an, anja yokaʾ-yokaʾ nidyaʾ dobsinya senelelamaʾ ara, wera denghyok. Anya anja hyak dub dangoka pero ululamnya nera, seleb denghel. Anasa wenera hnon anasoʾ digumaʾ ara, onoʾ saawoka hnon eibnenggunulam, wenyaboka lebnemak.

WAHYU 18:19

Dara sikja ganya soloma dabnaʾ dibaʾ ara, sikjaʾ hukuk aso dakdangoka, mamagoka ban wenyaro engewanamak: Angoo, ban naubaʾ senenggom heik era, hyak malyaʾ dalaʾ ara, lok bar! Anya, alja bonaʾ mandebnaʾ edya mek dubuk yabalamlaʾ bolomak nang nidyaʾ ara dub dangiyiwousuk! Bok alja yokaʾ-yokaʾ nidyaʾ ara, wene salek ok dengaro lobla! wenyaro engelemnemak,” hyok.

WAHYU 18:3

Dara, yok-yok mok soko ulumak nim era, alja salyaʾ salaleneseng ganya anggur mek enyek, seleb sikda jek. Hnonda sokok an wenewoka bo un dub nang eneba, alak salyaʾ salawoka, sokok an bonaʾ dekdo yaben nang eneba, alja salyaʾ salaleneseng ganya youruk-youruk anaʾ enedya dub dangamek,” hyok.