WAHYU 17:6 - PERJANJIAN BARU NALCA YUBA

⁶ Dara ban gel gera, munaʾ Imik Neyung mab uboka, Yesus amba laga leboka ulumek nang, sikja eneng enedya, yu meka demna anasoʾ anyek, ganya uu aro bulumokaʾ ak eibsa. An gel gen eibsegab dara, nara omom uboka hyak loka dabnyok.

WAHYU 17:6 ပူးပေါင်းရင်းမြစ်များ

YOHANES 2:10

Dara, gela domoknya bek, ”Nimi gela domnaʾ nidyaʾ ara, gela donanya bedya dara, pero-pero meemna anggur mek enyek men beibnekanya, nimi yeilimna nimi nauba den dara, wera mek so memenanya nera, eimik beil yalamak. Bok, anak dara, perob anggur era beiblolamaʾ ara, wenyok ok seleb onoʾ beiblam,” hyok.

RASUL 22:20

Dara onoʾ neikik, anja yuba lenya Stefanus bek olomek sum eneba, naba oka sekoka or obnok senemsa. Dara, nadya Stefanus olomek nang boksom ara, nadya bo diri seklamsa, amsa.

WAHYU 12:11

Dara nunja hemyab era, domba me eneng adya hnon, dib yub ak hnon, sikja laga lelemeknya nenedya, alak oblamagamek. Sikda sik nong anaba, or somogamnya anaba senewoka seleb unuru yabalamek nang.

WAHYU 13:15

Anya onoʾ penenya yu nongaʾ ak, ban nonga sunuwoka memenaʾ ak an, embeng un hibaʾ elegolul aboka, migibaʾ anyek elegok. Anedya banera yuba saboka ubnamlakanya, nimi nauba ban sunuwoka memenaʾ ak an, gibnenggunumak nim era, obnesil aboka un hibaʾ ganya enyek elegok.

WAHYU 13:7

Hnonda onoʾ alak, anja munaʾ Imik Neyung mab ek mala boboka obdangoka, sikinek oblamaganasilim aboka migibaʾ elegok. Anya sik yok-yok nimi yilaʾ ulumakaʾ ab, sikja nimi gumaʾ yok-yok unulumak nim eb, sik yok-yok yuba salamek nim eb, sik yok-yok mok soko ulumak nim eb dara, alak yeiriwoka unuru yibinilam aboka unun migibaʾ elegok.

WAHYU 16:6

Dara sikda munaʾ Imik Neyung mab ab, ununumnaʾ len nang enenga seleb yek menegek anasa, anda wera sikbabya onoʾ eneng anyek deb eleganasilim. Ban enenga denaʾ ara sikinek dara, hyak domdigum nong!” globoka wenyaboka lebok.

WAHYU 2:13

Nara anda har sam ululamaʾ, nara seleb ella ulumnaʾ ara, anda bisaʾ dubnya Satan bedya dub heikek sam ululam. Anyek bok, anak dara, nadya si nek hyak pe bojam ulunelem. Nadya bojam unenya Antipas be ugunja heikek obek sum eneba, anja dara, nara Yesus ak dib senenggulumna aboka gunuwoka lebnenggublum.”