WAHYU 16:5 - PERJANJIAN BARU NALCA YUBA

⁵ Wenyek mek ak bo ulumok lero era, ”Hyak geisa nongnya bek ululam, hnon anja boublinggalem igin kwenaʾ era, pe beknaʾ sunuwoka ublam. Wera anda Imik Neyung bek ululamakanya, seleb orowek dib hweko ululam Imik Neyung.

WAHYU 16:5 ပူးပေါင်းရင်းမြစ်များ

YOHANES 17:25

Neyung perob ok ululamnya o, sokok an yokaʾ ara anak elgom ulunjak bok, nak dara, anak ella ulunggen. Dara, elegenulum nang edya dara, anda sokok an bokol yeilinulumaʾ ara, dib senelemak.

ROMA 2:5

Bok ban anja ganya gasa nong enyek, ganya danganaʾ orok adya, wera Imik Neyung be eimik waboka pe sunubdaboka yana lelewanasilaʾ geknewanamla sum era, alja wema dabsinaʾ ara, an dam nang doboka nauba bolololam.

ROMA 3:5

Bok ban nunja meknenaʾ edya Imik Neyung adya peldisinaʾ enyek an e wenyaboka laga gebnamso dara, nunda hek henesibya do? Nara nim ak adya an wenyhenemna, Imik Neyung ara alja wema debnaʾ anyek laga danamso dara, alda pe sunuwoka ununggulusil wenyhenesibya de?

WAHYU 1:4

Nadyaʾ hemyabo nim, sekbadya Asia sokok sam yuba don heikek yuba donaʾ nim ek gibsin! Ugunuk wanaʾ uboka eleksinaʾ ab, namen ganya unaʾ ab dara, al wen ululanya, youmaʾ ulumokaʾ ara, onoʾ eimik sobaʾ ulmorulumnelanya bedyaʾ ara ugunuk elegoka ulusulul, anya aljaʾ saramek sam sekbadya ganya edyaʾ anaba ugunuk elegoka ulusulul.

WAHYU 1:8

Wenelesilnya Imik Neyung wen ulumlaʾ, youmaʾ men ulumokaʾ ara, onoʾ eimik yanalanya bera, onoʾ hyak senenggomaʾ migib ululanya bedya dara, ”Nak danyek, men ub einiwasenya bera onoʾ eimik sidyaʾ dakoka ubdaknanya ulumna,” alamla.

WAHYU 11:17

Anya banaso wenyaboka giblemekaʾ ara, ”Ai, Imik Neyung, hyak migib nongnya, seleb ululumukanya, weneba ululamaʾ anasa, nunda gibildolonjab. Anya anda anja migib nong senenggomaʾ anyek doboka, seleb dubnya wenesinya dangoka einiwoka wenelesilimaʾ anasa, giblenjab.

WAHYU 16:4

Wera onoʾ winilinya lero era bindewoka, ma yabalamla mek eilib ab, mek lu nidyaʾ ab, alja bomoknya nera, an eilib yekdo bobogok enyek, meka nidyaʾ ara eneng ok dok.

WAHYU 16:7

Hnonda uka daboka gibnaʾ oulyang edya lel yabokaʾ ak ab kebsenya nera, ”Imik Neyung, Imik Neyung, anda hyak migib nongnya, anja igina kweldinaʾ boro boublinggalamaʾ ara hyak beknaʾ sunuwoka, perob ok ublam!” wenyal yabok.

WAHYU 19:2

Alja yana lelelesilaʾ ara hyak perob ok beknaʾ sunuwoka pe unulusil! Imik Neyung era, sokok an alak salalemek malya unaʾ edya senenggomaʾ malya nenelesuk gel gek seleb igina elegok. Anya, Imik Neyung mab alsamba welemek obsuk nang era, sikja eneng emba dara, Imik Neyung adya gel genyek an seleb dirigok,” wenyaboka lelemek.

WAHYU 4:8

Dara, ban dombadya gamyakaʾ nidyaʾ ara, nidyaʾ ola hnabbadya dara-dara ulumok. Bok darasam sikja lomok ak dara, nidyaʾ heng doka yakaʾ ak ulumek. Anya sik ban gamyakaʾ edya dara, inimnek yubyek buluk lobongganggonggom, bera sobaʾ sebelsinilimek. ”Geisa, geisa, geisa! Wenelesilimnya Imik Neyung hyak senenggomnya geisa ok ulumla! Youmaʾ, wen, eimik sobaʾ ulumnalanya benyaʾ, geisa ok ulumla!” wenyalamek.

WAHYU 6:10

Anya sikda hyak yeiriwoka bii aboka, banaso wenyalamek, ”Ai, hyak migibaʾ senenggomaʾ yangawolumnya, hyak geisikanya, aldib ok unululamnya o, anda nunja eneng emba leboka, sik sokok ulumak nang ek diriknaʾ ara, lika hekbadya so ublya ek yana lelenaʾ lolomnalam do?” hyek.