WAHYU 16:14 - PERJANJIAN BARU NALCA YUBA

¹⁴ Wera ban hyeiya anasoʾ ara, hyak yu hwam unaʾ ganya enyek, yokaʾ-yokaʾ mengewoka unuru yibilimek. Dara ban winilya ganya yu nong era, nidyaʾ soko me bilimeekanya, wenewoka bo un dub nang ek, Imik Neyung hyak migib ululanya bedya senenggom sum enera, obdanok aboka, mamagiyiweisik.

WAHYU 16:14 ပူးပေါင်းရင်းမြစ်များ

MATIUS 24:14

Dara, Imik Neyung adya wenelemnesilaʾ perob lero yanggan yub era, yok-yok mok soko nimi nidyaʾ kebnokaʾ aboka, sokok me nidyaʾ men leb elegeijebok, wera sidyaʾ dagalongnaʾ ara, eimik daknamla,” hyok.

MATIUS 24:24

Dara eimik era, sondaʾ nimi blebsinaʾ dub nang eb, sondaʾ ununumnaʾ len nang eb nauba lanawanamak. Sikda nimi nauba malya nenewoka sondaʾ lebnobaʾ aboka, yokaʾ-yokaʾ senenggom beknaʾ eb, hyak lok soʾ ab, hogung ak laga nauba unura yibinemakaʾ adya, Imik Neyung ara hnon or senewanamso dara, nim Imik Neyung mab anaba sikenek dib senewanasiseng.

MARKUS 13:22

Anasa wera, eimik era sondaʾ anasa nara nimi blebsinaʾ dubnya, nara ununumnaʾ lenya ulumna henemak nang era, nauba lanawoka, sikja dara, nimi hnon weboka dobsuk nim ek bobnenewoka sondaʾ lebnemeibyaʾ ak men aboka, yokaʾ-yokaʾ nauba beknaʾ eneba unuro yabalemnemak.

LUKAS 2:1

Wera Kaisar Agustus dubnya, alda Roma mok soko dubnya ulumok salek, nimi mok soko nidyaʾ sik nonga einiwanasak aboka orugosuk.

YOHANES 8:44

Ugunda bisaʾ dubnya bedya mab ululum. Ugunjaʾ neyung Iblis dubnya bera hyak youmaʾ ek moruwoka dib osinaʾanya ulumlakanya, alda hyak dib unaʾ alak mekaʾ unggulumla. Dib yub ak sam mekaʾ uruma doboka neikaʾ unaʾ ara hyak unggulurak. Alda sondaʾ lenaʾ hwam dubnya ulumlakanya, sondaʾ lelemlaʾ ara aljinya nenesa, doumdigum dangalamla.

ROMA 1:8

Hyak men dara, nadyaʾ Imik Neyung bek perob aboka giblamnaʾ ara, Yesus Kristus pik uboka, ugunja ganya yuba dib dobek an yub enyek, mok soko nidyaʾ ol lelelamlaʾ amba giblamna.

2 TESALONIKA 2:9

Nimi malya nenesinaʾ dubnya bera alda bisaʾ dubnya Satan bedya nimi malya nenesin migib eb lanawanamla. Dara ban nimi malya nenesinaʾ adya dara, sondaʾ anasa leboka, yok-yok lok so migib ununaʾ ab, beknaʾ ab senenggom lok soʾ nauba uro yabalemnamla.

1 TIMOTIUS 4:1

Wera, Geisinya adya nuk laga poboka neklesilaʾ ara, dakalongnaʾ berem salek era, hnon nim era yuba dib senelemakaʾ ara goob loboka, sikda sondaʾ amba bobnenewoka lelesak yub ek hnon, bisaʾ adya ban nenyek unuwolulumaʾ aboka neklesil yub enyek, kebnemak.

YAKOBUS 3:15

Ban lebna geremseng unaʾ era, imik heikek ab yangganggululabok, alda sokok ab hnon, bisaʾ ak ab hnon, nimi ganya dukaʾ adya lanalamla.

1 YOHANES 5:19

Soko me nidyaʾ ara bisaʾ adyok salawoka bo ulumla bok, nuk dara, Imik Neyung alja mab ulumabaʾ anyek hnonok ella ulumab.

WAHYU 12:9

Dara ban senenggom naga bagaʾ era sokok yakdo boblenggok! Wera ban wisa youmaʾ bagaʾ era, nidyaʾ sokok an sondaʾ leboka malyaʾ geblamlaʾ, alja si nera Iblis hnon, Satan hnon aboka si silimak ara an. Alab, nidyaʾ alak aralemek lero eb dara, sokok an unu boublinggosuk.

WAHYU 13:3

Banera, huk ara sekbadya bok, hnonnya nera menengaʾ adya hyak nauba meilimla senenaʾ bok, seleb nibdangamok. Dara, soko nidyaʾ ara banyek, ganya hyak lokja senemeekanya, wera anyeblaboka neikaʾ balamek.

WAHYU 16:16

Dara alda, Ibrani yub adya dara, Harmagedon alamak olok, sik dub nang era, anyagan mamagiyiweisik.

WAHYU 16:7

Hnonda uka daboka gibnaʾ oulyang edya lel yabokaʾ ak ab kebsenya nera, ”Imik Neyung, Imik Neyung, anda hyak migib nongnya, anja igina kweldinaʾ boro boublinggalamaʾ ara hyak beknaʾ sunuwoka, perob ok ublam!” wenyal yabok.

WAHYU 17:14

Anya sikda domba me ak mala boboka oldalamnamak. Bok ban domba me ara nidyaʾ wenelesak nang sikja senenggom Wenelesilnya ulumnamlakanya, nidyaʾ dub nang dubnya ulumlaʾ anasa, alab, sikenek weboka doboka alak bojam ulumak nang eb dadya, oblamaganamak,” wenyaboka nekenyok.

WAHYU 20:8

Dara, bisaʾ enedya mok soko me pika dombadya nidyaʾ eb girigoka, yok-yok mok soko nimi nidyaʾ, Gog beb Magog bebdak anyek, sondaʾ lero yibinamla. Dara, nimi bolowesilya nim era, obdanob aboka ebmamaganamlakanya, nimi deng ara, mek weneng anasoʾ ak danamla.

WAHYU 3:10

Anda nadya yub ek dib senewoka pe siklewoka unululamaʾ anasa, nababya amba lunuwoka soko me nidyaʾ igina kwebnesil sum ek ab kemero ubnenggen. Ban unuwanamlaʾ ara soko nimi nidyaʾ ak sunuwanasil.”

WAHYU 6:17

Wera sikenek senenggomaʾ lero obnesil sum era seleb yal anasa, heknyek sobaʾ anyaʾ senewoka or sekmoubnamla do?