WAHYU 15:1 - PERJANJIAN BARU NALCA YUBA

¹ Wera onoʾ hnon imik sam ara, yokaʾ hyak omomaʾ yok so anyek, lanawokaʾ ak eibsa. An eibsaʾ ara lero sekbadya nang, malya damok ok sekbadya, sidyaʾ obnesilaʾ anyek, yok-yok bomek. Anya Imik Neyung adya yu sen-sen anaʾ hyak dengaboka obnesilaʾ ara wera an.

WAHYU 15:1 ပူးပေါင်းရင်းမြစ်များ

WAHYU 10:3

Dara, alda yu nong ulumla singa gam edya yeiriwoka ngoublamla sok, yuba nauba bii alamok. Wenyalamok dara, sekbadya liming era yuba sab onowek.

WAHYU 11:14

Dara penenya lobaʾ nenewoka osinaʾ ara, seleb dongowom al bal bok, wera onoʾ winilinya nera berra yanggalaʾ anyek, kendelom.

WAHYU 14:10

Imik Neyung adya yu sen-sen anaʾ ara, seleb orowek beiyimlyaʾ anyek, hnon mekaʾ namenaʾ nenenaʾ orok anyek, dobnemak! Ban dobnemak nim era, geisa lero nang ab, ban domba me ab, sikja saramek sam, uk mek adya birim-birim aboka singilamlyaʾ lomok, lobaʾ nenewoka gweklemnemak.

WAHYU 14:19

Dara, paranga salamok lero era, ban anggur danyek, garawoka dakoka Imik Neyung adya yu sen-sen anaʾ londenaʾ ak, bo borobowogok.

WAHYU 16:1

Wera onoʾ nara hnon kebsa enyek, Imik Neyung bedya e lomok ab, ban sekbadya lero ek, ”Bindewoka ban Imik Neyung adya yu sen-sen anaʾ beiyimlaʾ anyek, mok soko eilib yekel bululum,” wenyaboka yuba migibaʾ leboka orugoul yabasuk.

WAHYU 17:1

Wera nen seleb dara, ban sekbadya lero nang era, sekbadya nimi somogollisinaʾ bomek nang era, ben hnon nak yeiniboka, ”Salyaʾ dongolamla gel, mek gong hnoum bulumla gel genyek, hekaʾ huru obnamlaʾ anyek anak amawanenggenaʾ anasa, yalom.

WAHYU 19:15

Dara, aljaʾ sibamaʾ ak ab hyak yu nong parang enesoʾ ak lanawoka, parang enedya mok soko me nimi nidyaʾ oblamagoka, alda dub nang edya gasa gamaʾ edya wenewoka bo ulumnesil. Anya Imik Neyung migib yaknya bedya yu sen-sen aboka obnesilaʾ ara, anggur meka londenaʾ ak anggur dok londelemak sok, unuwoka obnesil.

WAHYU 21:9

Wera onoʾ, ban sekbadya nimi somoknaʾ damoka sala ulumek sekbadya lero nang enyek, ben hnonja nak yeiniboka lebokja, ”Imik Neyung bedya me nedya gela dobnamlaʾ anyek aawanenggenaʾ anasa, anyagan kemel yalom,” henyok.

WAHYU 8:13

Dara onoʾ hnon kelemsa enyek, weidya wininga hnon hyak im nongok lak-laka yabelemookanya, yuba senenggomaʾ anyek, ”Sik sokok ulumak nim ek ara, hyak omom nong ak ubnesil. Onoʾ winilinya lero edya sikja benggong anam lebnamak anasa, hyak omom nong ak ubnesil,” alamokaʾ ak eibsa.

WAHYU 8:2

Dara sekbadya lero nang Imik Neyung saramek seklemek nang ek, poo anaʾ benggonga sekbadya elegosukaʾ ak eibsa.

WAHYU 8:6

Dara sekbadya lero nang era, sekbadya poo anaʾ benggong lebnobaʾ aboka meewoka diri ubek.

WAHYU 9:20

Anyek bok, an unuwoka osinaʾ orok nim era, sikja malya unulumekaʾ ak ab ganya dangawanggumek. Hnonda, dangman adya hnon, mal gablenaʾ dabom girik adya hnon, gal adya hnon, yokaʾ-yokaʾ adya hnon, memelemek sununaʾ ek, heng eilinggulumlaʾ, o kenggulumlaʾ, yana yabanggulumlaʾ anyek, gibelmorulumek.